ಚುನಾವಣೆ ಸಮಯದಲ್ಲಿ ಎಫ್ಬಿ ಜಾಹಿರಾತಿಗೂ ಬ್ರೇಕ್ ಹಾಕಲು ಚಿಂತನೆ
ಬೆಂಗಳೂರು, ಜೂನ್ 29: ಚುನಾವಣಾ ಆಯೋಗವು ಮತದಾನಕ್ಕೆ ಎರೆಡು ದಿನವಿರುವಾಗಲೇ ರಾಜಕೀಯ ಜಾಹಿರಾತು ನಿರ್ಬಂಧಿಸಿರುವ ಹಾಗೆ ಇದೇ ಮಾದರಿಯನ್ನು ಫೇಸ್ಬುಕ್ಗೂ ಅನುಸರಿಸಲು ಚಿಂತಿಸುತ್ತಿದೆ. ಈ ಬಗ್ಗೆ ಪರಿಶೀಲಿಸುವಂತೆ ಫೇಸ್ಬುಕ್ಗೆ ಆಗಲೇ ಆಯೋಗ ಸೂಚನೆಯನ್ನು ನೀಡಿದೆ.
ಆದರೆ ಇದುವರೆಗೂ ಸಾಮಾಜಿಕ ಜಾಲತಾಣಗಳು ಈ ಕುರಿತು ಪ್ರತಿಕ್ರಿಯಿಸಿಲ್ಲ, ಚುನಾವಣೆ ಆಯೋಗ ರಚಿಸಿರುವ ಸಮಿತಿ ಜೂನ್ 4 ರಂದು ಫೇಸ್ಬುಕ್ ಪ್ರತಿನಿಧಿಗಳ ಜತೆಯಲ್ಲಿ ಸಭೆಯನ್ನು ನಡೆಸಿತ್ತು. ಜನಪ್ರಾತಿನಿಧ್ಯ ಕಾಯ್ದೆ 126ನೇ ಸೆಕ್ಷನ್ ಅಧ್ಯಯನಕ್ಕಾಗಿ ಸಭೆ ನಡೆಸಿತ್ತು.
ಜನಪ್ರಾತಿನಿಧ್ಯ ಕಾಯಿದೆ ಪ್ರಕಾರ, ಮತದಾನಕ್ಕೆ ಮೊದಲಿನ 48 ಗಂಟೆ ಅವಧಿಯಲ್ಲಿ ಮಾಧ್ಯಮಗಳಲ್ಲಿ ಯಾವುದೇ ಜಾಹೀರಾತು ನೀಡಬಾರದು ಎಂಬ ನಿಯಮವಿದೆ. ಆದರೆ, ಸಾಮಾಜಿಕ ತಾಣಗಳಲ್ಲಿ ಇವುಗಳಿಗೆ ಸದ್ಯಕ್ಕೆ ಯಾವುದೇ ಕಡಿವಾಣವಿಲ್ಲ. ಜತೆಗೆ ಸುಳ್ಳು ಮಾಹಿತಿಯನ್ನು ಯಾವುದೇ ಖರ್ಚಿಲ್ಲದೆ ನೀಡಲು ಅನುಕೂಲವಾದ ವಾತಾವರಣವೂ ಇರುವುದು ಆಯೋಗದ ಆತಂಕಕ್ಕೆ ಕಾರಣ.
ಈ ಸಂದರ್ಭದಲ್ಲಿ ಚುನಾವಣಾ ನಿಯಮಗಳನ್ನು ಉಲ್ಲಂಘಟನೆಯ ಮಾಹಿತಿ ನೀಡಲು ಫೇಸ್ಬುಕ್ ಪುಟದಲ್ಲಿ ಒಂದು ಗುಂಡಿ ಇಲ್ಲವೇ ವಿಂಡೋ ಸೃಷ್ಟಿಸುವ ಬಗ್ಗೆ ಒಪ್ಪಿಗೆ ಸೂಚಿಸಲಾಗಿತ್ತು. ಒಂದು ವೇಳೆ ಅಗತ್ಯ ಬಂದರೆ ದೂರು ಸ್ವೀಕರಿಸುವ ವ್ಯವಸ್ಥೆಯನ್ನೂ ಕೂಡ ಇನ್ನಷ್ಟು ಬಲಪಡಿಸಲು ಒಪ್ಪಿಗೆ ಸೂಚಿಸಿತ್ತು.
Click it and Unblock the Notifications
Sign in with Google