ನಿಗದಿತ ಅವಧಿಯಲ್ಲೇ ಸಿಬಿಎಸ್ ಇ ಫಲಿತಾಂಶ: ಜಾವಡೇಕರ್

ಈಗಾಗಲೇ ಹಲವಾರು ಕಾನೂನು ಕಗ್ಗಂಟುಗಳಿಗೆ ಸಿಬಿಎಸ್ ಸಿ ಸಿಲುಕಿಕೊಂಡಿದೆ. ಇದರ ನಡುವೆಯೇ ಕೇಂದ್ರ ಮಾನವ ಸಂಪನ್ಮೂಲ ಸಚಿವ ಪ್ರಕಾಶ್ ಜಾವಡೇಕರ್ ನಿಗದಿತ ಅವಧಿಯಲ್ಲೇ 12ನೇ ತರಗತಿ ಫಲಿತಾಂಶ ಪ್ರಕಟಗೊಳ್ಳುತ್ತದೆ ಎಂದಿರುವುದು ಪ್ರಶ್ನಾರ್ಥಕವಾಗಿದೆ.

ನವದಹೆಲಿ, ಮೇ 25: ಕೇಂದ್ರೀಯ ಪ್ರೌಢ ಶಿಕ್ಷಣಾ ಮಂಡಳಿಯ (ಸಿಬಿಎಸ್ ಇ) 12ನೇ ತರಗತಿಯ ಫಲಿತಾಂಶವು ಈ ಮೊದಲು ಪ್ರಕಟಿಸಲಾಗಿದ್ದ ಅವಧಿಯಲ್ಲೇ ಪ್ರಕಟಗೊಳ್ಳಲಿವೆ ಎಂದು ಕೇಂದ್ರ ಮಾನವ ಸಂಪನ್ಮೂಲ ಸಚಿವ ಪ್ರಕಾಶ್ ಜಾವಡೇಕರ್ ಭರವಸೆ ನೀಡಿದ್ದಾರೆ.

ಸಿಬಿಎಸ್ ಇ ಮಂಡಳಿಯು ತಾನು ಹೊಂದಿದ್ದ ಅಂಕ ಮಿತಿ ನಿಯಮವನ್ನು ಕೈಬಿಟ್ಟಿದ್ದಕ್ಕೆ ಆಕ್ಷೇಪ ವ್ಯಕ್ತಪಡಿಸಿರುವ ದೆಹಲಿ ಹೈ ಕೋರ್ಟ್ ಅದೇ ನಿಯಮವನ್ನು ಮುಂದುವರಿಸುವಂತೆ ಮಂಡಳಿಗೆ ಮಂಗಳವಾರ ಸೂಚಿಸಿತ್ತು.[ಏನಿದು 'CBSE ಅಂಕ ನಿಯಮ' ? ನೀವು ತಿಳಿಯಬೇಕಾದ 5 ವಿಚಾರ]

ಇದರಿಂದಾಗಿ, ಮೇ 24ರಂದು ಪ್ರಕಟಗೊಳ್ಳಬೇಕಿದ್ದ 12ನೇ ತರಗತಿ ಫಲಿತಾಂಶ ಮುಂದೂಡಲ್ಪಟ್ಟಿತ್ತು. ಆದರೀಗ, ದೆಹಲಿ ಹೈಕೋರ್ಟ್ ಆದೇಶದ ವಿರುದ್ಧ ಸುಪ್ರೀಂ ಕೋರ್ಟ್ ನಲ್ಲಿ ಮನವಿ ಸಲ್ಲಿಸುವುದಾಗಿ ಮಂಡಳಿ ಹೇಳಿದೆ. ಇದರಿಂದಾಗಿ, ಫಲಿತಾಂಶವು ಮತ್ತಷ್ಟು ಮುಂದೂಡಲ್ಪಡುವ ಪ್ರಮೇಯವಿದೆ. ಏತನ್ಮಧ್ಯೆ, ಮದ್ರಾಸ್ ಹೈಕೋರ್ಟ್ ನಿಂದಲೂ ಈ ಮಂಡಳಿಯ ತೀರ್ಮಾನದ ಬಗ್ಗೆ ಸಮನ್ಸ್ ಜಾರಿಯಾಗಿದೆ.[ಸಿಬಿಎಸ್ ಇ ಫಲಿತಾಂಶ ಮತ್ತಷ್ಟು ತಡ: ಆತಂಕದಲ್ಲಿ ವಿದ್ಯಾರ್ಥಿಗಳು]

ಇದಲ್ಲಾ ಗೊಂದಲಕ್ಕೂ ಮೊದಲೇ ಮೇ 24ರಿಂದ 27ರೊಳಗೆ ಫಲಿತಾಂಶ ಪ್ರಕಟಿಸುವುದಾಗಿ ಮಂಡಳಿ ಹೇಳಿತ್ತು. ಇದೀಗ, ಕೇಂದ್ರ ಸಚಿವ ಜಾವಡೇಕರ್ ಕೂಡ ಅದೇ ಅವಧಿಯಲ್ಲೇ ಪಲಿತಾಂಶ ಪ್ರಕಟಗೊಳ್ಳಲಿದೆ ಎಂದಿದ್ದಾರೆ. ಆದರೆ, ಈ ವಿಚಾರ ಕಗ್ಗಂಟಾಗಿರುವುದರಿಂದ ಇಷ್ಟು ಬೇಗ ಫಲಿತಾಂಶ ಪ್ರಕಟಣೆ ಸಾಧ್ಯವೇ ಎಂಬುದು ವಿದ್ಯಾರ್ಥಿಗಳ ಪಾಲಿಗೆ ಪ್ರಶ್ನಾರ್ಥಕವಾಗಿದೆ.[ಸುಪ್ರೀಂ ಮೆಟ್ಟಿಲೇರದಿರಲು ಸಿಬಿಎಸ್ ಇ ನಿರ್ಧಾರ?]

English summary

The CBSE class 10, 12 results 2917 will be announced on time, Union Human Resource Development Minister, Prakash Javadekar has said. The statement comes in the wake of panic among students awaiting for their results.