• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

500 ಬಿಲಿಯನ್ ಡಾಲರ್ ಕಪ್ಪು ಹಣ ತರೋದು ಹೇಗೆ?

By ವಿಕಾಸ್ ನಂಜಪ್ಪ
|

ನವದೆಹಲಿ, ಫೆ. 10: ವಿದೇಶದಲ್ಲಿರುವ ಕಪ್ಪು ಹಣ ವಾಪಸ್ ತರಬೇಕೆಂದು ಪ್ರತಿಯೊಬ್ಬರೂ ಬಯಸುತ್ತಿದ್ದಾರೆ. ವಿದೇಶಿ ಬ್ಯಾಂಕ್‌ಗಳಲ್ಲಿರುವ ಭಾರತೀಯರ ಕಪ್ಪು ಹಣದ ಮೊತ್ತ 500 ಬಿಲಿಯನ್ ಡಾಲರ್‌ (ಸುಮಾರು 310 ಲಕ್ಷ ಕೋಟಿ ರು.) ಗಿಂತ ಹೆಚ್ಚು ಎಂಬುದು ಕೆಲವರ ಅಭಿಪ್ರಾಯ.

ಇವುಗಳನ್ನು ವಾಪಸ್ ತರಲು ಭಾರತ ಸರ್ಕಾರ ಮಾಡಬೇಕಾದ್ದೇನು? ಅಲ್ಲದೆ, ಭಾರತದಿಂದ ಹೊರಗೆ ಸಾಗಿಸಿರುವ ಹಲವು ಲಕ್ಷ ಕೋಟಿ ಡಾಲರ್‌ ಮೊತ್ತದ ರತ್ನಗಳು, ವಜ್ರಗಳು ಮತ್ತು ಚಿನ್ನವನ್ನೂ ವಾಪಸ್ ತರಲು ಸಾಧ್ಯವೇ?

ಈ ಕುರಿತು ಬೆಂಗಳೂರಿನ ಐಐಎಮ್‌ನಲ್ಲಿ ಫೈನಾನ್ಸ್‌ ಪ್ರೊ. ಆಗಿರುವ ಡಾ. ಆರ್. ವೈದ್ಯನಾಥನ್ ಅವರು 'ಒನ್ಇಂಡಿಯಾ ಕನ್ನಡ'ದ ಜೊತೆ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಅವರ ಪ್ರಕಾರ ಕಪ್ಪು ಹಣವನ್ನು ವಾಪಸ್ ತರಲು ಕೇಂದ್ರ ಸರ್ಕಾರ ಮುಂದಿನ ಕೆಲವು ದಿನಗಳಲ್ಲಿ ಸುಗ್ರೀವಾಜ್ಞೆಯನ್ನೇ ಹೊರಡಿಸಬೇಕಾಗಿದೆ. [ಸ್ವಿಸ್ ಲೀಕ್ ಪಟ್ಟಿಯಲ್ಲಿರುವ 100 ವಂಚಕರು]

ನಮ್ಮಲ್ಲಿ ದತ್ತಾಂಶ ಮತ್ತು ಮೊತ್ತವಿದೆ. ಕಪ್ಪು ಹಣದ ಕುರಿತು ಮುಂದೆ ಕೈಗೊಳ್ಳಬೇಕಾದ ಕ್ರಮವೇನು?

ಈ ಕುರಿತು ಸುಗ್ರೀವಾಜ್ಞೆ ಹೊರಡಿಸಲು ಇದು ಸುಸಂದರ್ಭ. ಈ ಸುಗ್ರೀವಾಜ್ಞೆಯನ್ನು ಸಂಸತ್ತಿನ ಎರಡೂ ಮನೆಗಳೂ ಒಪ್ಪಿಕೊಳ್ಳಬೇಕು. ಅದನ್ನು ರಾಷ್ಟ್ರಪತಿಗಳು ಒಪ್ಪಿದ ತಕ್ಷಣ ಕಪ್ಪು ಹಣ ವಾಪಸ್ ತರಲು ಉಪಯೋಗಿಸಬೇಕು. [ಕಪ್ಪು ಹಣದ ಟೈಲ್ ಲೈನ್]

ಭಾರತ ಒಮ್ಮೆ ಸುಗ್ರೀವಾಜ್ಞೆಯನ್ನು ಹೊರಡಿಸಿದರೆ ಭಾರತೀಯರ ಕಪ್ಪು ಹಣ ಹೊಂದಿರುವ ದೇಶಗಳು ನಮ್ಮ ಕೋರಿಕೆಗೆ ಸ್ಪಂದಿಸಲೇಬೇಕಾಗುತ್ತದೆ.

ವಿದೇಶದಲ್ಲಿರುವ ಎಲ್ಲ ಹಣವೂ ಕಪ್ಪು ಹಣವಲ್ಲ ಎಂಬ ವಾದವಿದೆ. ಭಾರತದಿಂದ ಹೊರಗೊಯ್ದಿರುವ ಅವುಗಳನ್ನು ವಾಪಸ್ ತರುವುದು ಹೇಗೆ?

ಹೌದು, ವಿದೇಶದಲ್ಲಿರುವ ಎಲ್ಲವೂ ಕಪ್ಪು ಹಣವಲ್ಲ ಎಂಬುದನ್ನು ನಾನು ಒಪ್ಪುತ್ತೇನೆ. ಆದರೆ, ಮೊದಲು ಅಕ್ರಮವಾಗಿರಲಿ, ಸಕ್ರಮವಾಗಿರಲಿ ಎಲ್ಲ ಹಣವನ್ನೂ ವಾಪಸ್ ತರಬೇಕು. ವಾಪಸ್ ತಂದ ಮೇಲೆ ಅದು ಅಕ್ರಮವವೋ, ಸಕ್ರಮವೋ ಎಂಬುದನ್ನು ಸಾಬೀತು ಮಾಡಬಹುದು.

ಒಂದು ವೇಳೆ ಹಣವು ಸಕ್ರಮವೇ ಆಗಿದ್ದರೆ ಅದನ್ನು ಸಾಬೀತು ಮಾಡಲು ಒಂದು ದಿನ ಸಾಕು. ಇದಕ್ಕೆ ಯಾರೂ ಮುಂದೆ ಬರದಿದ್ದರೆ ಆಗ ಸರ್ಕಾರ ಎಲ್ಲ ಹಣವನ್ನೂ ವಶಪಡಿಸಿಕೊಳ್ಳಬೇಕು.

ಅನಿವಾಸಿ ಭಾರತೀಯರು ಇಟ್ಟಿರುವ ಹಣ ಏನು ಮಾಡಬಹುದು?

ಅನಿವಾಸಿ ಭಾರತೀಯರು ಇಟ್ಟಿರುವ ಎಲ್ಲ ಹಣವನ್ನೂ ಪರಾಮರ್ಶಿಸಬೇಕು. ಭಾರತೀಯರು ಜಗತ್ತಿನ ಎಲ್ಲಿಯೇ ಸಂಪಾದಿಸುತ್ತಿದ್ದರೂ ಭಾರತ ಸರ್ಕಾರಕ್ಕೆ ತೆರಿಗೆ ಪಾವತಿಸಬೇಕು. ದ್ವಿತೆರಿಗೆ ನೀತಿ ಒಪ್ಪಂದ ಹೊಂದಿರುವ ಎಲ್ಲ ದೇಶಗಳಲ್ಲಿಯೂ ಇದು ಸಾಧ್ಯ.

ಭಾರತೀಯ ಬ್ಯಾಂಕ್‌ಗಳಲ್ಲಿ ವಿದೇಶಿ ಕರೆನ್ಸಿ ಇಡುವುದನ್ನು ಪ್ರೋತ್ಸಾಹಿಸಬೇಕೆ?

ಹೌದು, ಇದನ್ನು ಪ್ರೋತ್ಸಾಹಿಸಬೇಕು. ಇದರಿಂದ ಹಣವು ಭಾರತದಲ್ಲಿಯೇ ಉಳಿಯುತ್ತದೆ ಹಾಗೂ ದೇಶದಿಂದಲೂ ಹೊರ ಹೋಗುವುದಿಲ್ಲ. ದೇಶದ ವಿದೇಶಿ ವಿನಿಮಯವೂ ಹಿಗ್ಗುತ್ತದೆ. [ಕಾನೂನು ಕ್ರಮವೇಕೆ ಸಾಧ್ಯವಿಲ್ಲ?]

ನಿಮ್ಮ ಅಂದಾಜಿನ ಪ್ರಕಾರ ವಿದೇಶದಲ್ಲಿರುವ ಭಾರತೀಯರ ಹಣದ ಮೊತ್ತವೆಷ್ಟು?

ನನ್ನ ಪ್ರಕಾರ ಕನಿಷ್ಠ 500 ಬಿಲಿಯನ್ ಅಮೆರಿಕನ್ ಡಾಲರ್‌ ಮೊತ್ತದಷ್ಟು ಹಣ ವಿದೇಶದಲ್ಲಿದೆ.

ಇದು ಕೇವಲ ಹಣದ ಮೊತ್ತವೇ? ಅಥವಾ ಬಚ್ಚಿಟ್ಟಿರುವ ಆಭರಣಗಲೂ ಸೇರಿವೆಯೇ?

ನೀವು ಹೇಳಿದ್ದು ಸರಿ. ನಾನು ಹೇಳಿದ ಅಂದಾಜು ಮೊತ್ತ ಕೇವಲ ಹಣದ್ದು. ಇದಲ್ಲದೆ, ಭಾರೀ ಪ್ರಮಾಣದ ವಜ್ರಗಳು, ಹವಳಗಳು ಹಾಗೂ ರತ್ನಗಳು ಕೂಡ ವಿದೇಶಿ ಬ್ಯಾಂಕ್‌ಗಳ ಸೇಫ್ ಲಾಕರ್‌ನಲ್ಲಿವೆ. ಇವುಗಳ ಮೊತ್ತವನ್ನು ಕೇವಲ ದೇವರು ಮಾತ್ರ ಲೆಕ್ಕ ಹಾಕಲು ಸಾಧ್ಯ. ಇದರ ಮೊತ್ತವೂ ಲಕ್ಷ ಕೋಟಿ ಡಾಲರ್‌ಗಳಷ್ಟಾಗಬಹುದು. [ಕಪ್ಪು ಹಣ ಹೊರಹೋಗೋದು ತಪ್ಪಿಸಿ]

ಹಲವು ರಾಜಮನೆತನದ ಸದಸ್ಯರು ಚಿನ್ನ ಮತ್ತು ಇತರ ಬೆಲೆಬಾಳುವ ವಸ್ತುಗಳನ್ನು ವಿದೇಶಿ ಬ್ಯಾಂಕ್‌ಗಳ ಸೇಫ್ ಲಾಕರ್‌ನಲ್ಲಿಟ್ಟಿದ್ದಾರೆ. ಅವುಗಳನ್ನೂ ವಾಪಸ್ ತರಬೇಕಾಗಿದೆ.

ಕೇಂದ್ರ ಸರ್ಕಾರ ಕಪ್ಪು ಹಣದ ವಿವಾದಕ್ಕೆ ತಾರ್ಕಿಕ ಅಂತ್ಯ ನೀಡಬಲ್ಲದೇ?

ಇದಕ್ಕಾಗಿ ಸರ್ಕಾರದ ಮೇಲೆ ಒತ್ತಡ ಹೇರಬೇಕು. ಪ್ರತಿ ಭಾರತೀಯ ನಿರೀಕ್ಷಿಸುತ್ತಿರುವ ವಿವಾದವಿದು. ಆದ್ದರಿಂದ ಮುಂದಿನ ಕೆಲವು ತಿಂಗಳುಗಳಲ್ಲಿ ಸುಗ್ರಾವಾಜ್ಞೆ ಹೊರಬರುತ್ತದೆ ಎಂದು ನಾನು ನಿರೀಕ್ಷಿಸಿದ್ದೇನೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Dr R Vaidyanathan, professor of finance with the Indian Institute of Management says central government will have to pass an ordinance to bring black money back.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more