ಬಂಗಾಳ ಚುನಾವಣಾ ಹಿಂಸಾಚಾರ: 'ಸೂಕ್ಷ್ಮ ಮತಗಟ್ಟೆಗಳ ಬಗ್ಗೆ ಯಾವುದೇ ಮಾಹಿತಿಯನ್ನು ಒದಗಿಸಿಲ್ಲ' ಎಂದ ಬಿಎಸ್ಎಫ್ ಡಿಐಜಿ
ಕೋಲ್ಕತ್ತಾ, ಜುಲೈ. 09: ಸೂಕ್ಷ್ಮ ಮತಗಟ್ಟೆಗಳ ಕುರಿತು ಗಡಿ ಭದ್ರತಾ ಪಡೆ (ಬಿಎಸ್ಎಫ್) ಪದೇ ಪದೇ ವಿನಂತಿಸಿದ್ದರೂ, ಪಶ್ಚಿಮ ಬಂಗಾಳ ರಾಜ್ಯ ಚುನಾವಣಾ ಆಯೋಗವು ಅಂತಹ ಮತಗಟ್ಟೆಗಳ ಬಗ್ಗೆ ಯಾವುದೇ ಮಾಹಿತಿಯನ್ನು ಕೇಂದ್ರ ಭದ್ರತಾ ಪಡೆಗಳಿಗೆ ನೀಡಿಲ್ಲ ಎಂದು ಹಿರಿಯ ಬಿಎಸ್ಎಫ್ ಅಧಿಕಾರಿಯೊಬ್ಬರು ಭಾನುವಾರ ತಿಳಿಸಿದ್ದಾರೆ.
ಸೂಕ್ಷ್ಮ ಮತಗಟ್ಟೆಗಳ ಬಗ್ಗೆ ಮಾಹಿತಿ ಕೋರಿ ರಾಜ್ಯ ಚುನಾವಣಾ ಆಯೋಗಕ್ಕೆ ಬಿಎಸ್ಎಫ್ ಹಲವು ಪತ್ರಗಳನ್ನು ಬರೆದಿದೆ. ಆದರೆ ಜೂನ್ 7 ರಂದು ಕೇವಲ ಅಂತಹ ಮತಗಟ್ಟೆಗಳ ಸಂಖ್ಯೆಗಳನ್ನು ತಿಳಿಸಿದೆ ಹೊರತು ಯಾವುದೇ ಮಾಹಿತಿ ನೀಡಲಾಗಿಲ್ಲ. ಆದರೆ, ಅವುಗಳ ಸ್ಥಳದ ಬಗ್ಗೆ ಯಾವುದೇ ಇತರ ಮಾಹಿತಿ ನೀಡಿಲ್ಲ.
ಸ್ಥಳೀಯ ಆಡಳಿತದ ಇಚ್ಛೆಯ ಮೇರೆಗೆ ಬಿಎಸ್ಎಫ್ನ ನಿಯೋಜನೆಯಾಗಿದೆ ಎಂದು ಡಿಐಜಿ ಬಿಎಸ್ಎಫ್ ಎಸ್ಎಸ್ ಗುಲೇರಿಯಾ ಹೇಳಿದ್ದಾರೆ.
ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಗಳ (ಸಿಎಪಿಎಫ್) 59,000 ಪಡೆಗಳು ಮತ್ತು ರಾಜ್ಯ ಸಶಸ್ತ್ರ ಪೊಲೀಸರು ಚುನಾವಣಾ ಕರ್ತವ್ಯಕ್ಕಾಗಿ 25 ರಾಜ್ಯಗಳಿಂದ ಆಗಮಿಸಿದ್ದರು. ಆದರೆ ಸೂಕ್ಷ್ಮ ಮತಗಟ್ಟೆಗಳಲ್ಲಿ ಅವುಗಳನ್ನು ಸಮರ್ಪಕವಾಗಿ ಬಳಸಲಾಗಿಲ್ಲ. ರಾಜ್ಯವು ಕೇವಲ 4,834 ಸೂಕ್ಷ್ಮ ಬೂತ್ಗಳನ್ನು ಮಾತ್ರ ಘೋಷಿಸಿದೆ. ಅದರಲ್ಲಿ ಸಿಎಪಿಎಫ್ಗಳನ್ನು ಮಾತ್ರ ನಿಯೋಜಿಸಲಾಗಿದೆ ಆದರೆ ವಾಸ್ತವವಾಗಿ, ಹೆಚ್ಚು ಸೂಕ್ಷ್ಮ ಮತಗಟ್ಟೆಗಳಿವೆ ಎಂದು ಡಿಐಜಿ ಗುಲೇರಿಯಾ ಮಾಹಿತಿ ನೀಡಿದ್ದಾರೆ.
ಶನಿವಾರ, ಪಶ್ವಿಮ ಬಂಗಾಳ ಪಂಚಾಯತ್ ಚುನಾವಣೆಯ ಸಂದರ್ಭದಲ್ಲಿ ರಾಜ್ಯಾದ್ಯಂತ ವರದಿಯಾದ ಹಿಂಸಾಚಾರದಲ್ಲಿ ಕನಿಷ್ಠ 13 ಜನರು ಸಾವನ್ನಪ್ಪಿದ್ದಾರೆ ಮತ್ತು ಹಲವರು ಗಾಯಗೊಂಡಿದ್ದಾರೆ. ಮುರ್ಷಿದಾಬಾದ್, ಕೂಚ್ ಬೆಹಾರ್, ಮಾಲ್ಡಾ, ದಕ್ಷಿಣ 24 ಪರಗಣಗಳು, ಉತ್ತರ ದಿನಾಜ್ಪುರ ಮತ್ತು ನಾಡಿಯಾದಂತಹ ಹಲವಾರು ಜಿಲ್ಲೆಗಳಿಂದ ಮತಯಂತ್ರಗಳನ್ನು ಎತ್ತಿಕೊಂಡು ಹೋಗಿರುವುದು, ಮತಪೆಟ್ಟಿಗೆಗಳಿಗೆ ಹಾನಿ ಮತ್ತು ಪ್ರಿಸೈಡಿಂಗ್ ಅಧಿಕಾರಿಗಳ ಮೇಲೆ ಹಲ್ಲೆಯ ವರದಿಗಳು ದಾಖಲಾಗಿವೆ.
ಶನಿವಾರ ಪಶ್ಚಿಮ ಬಂಗಾಳ ರಾಜ್ಯದ 3,317 ಗ್ರಾಮ ಪಂಚಾಯತ್ಗಳು, 341 ಪಂಚಾಯತ್ ಸಮಿತಿಗಳು ಮತ್ತು 20 ಜಿಲ್ಲಾ ಪರಿಷತ್ಗಳಿಗೆ ಚುನಾವಣೆ ನಡೆಸಲು ರಾಜ್ಯ ಚುನಾವಣಾ ಆಯೋಗವು ಒಟ್ಟು 61,636 ಮತಗಟ್ಟೆಗಳನ್ನು ಸ್ಥಾಪಿಸಿತ್ತಯ ಎಂದು ಬಿಎಸ್ಎಫ್ ಮಾಹಿತಿ ನೀಡಿದೆ.
ಸುರಕ್ಷಿತ ಮತದಾನ ನಡೆಸಲು ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಗಳ (ಸಿಎಪಿಎಫ್) 59,000 ಸಿಬ್ಬಂದಿ ಮತ್ತು ಇತರ ರಾಜ್ಯ ಪೊಲೀಸ್ ಪಡೆಗಳಿಗೆ ರಾಜ್ಯಾದ್ಯಂತ ಮತಗಟ್ಟೆಗಳ ಭದ್ರತೆಯ ಜವಾಬ್ದಾರಿಯನ್ನು ನೀಡಲಾಗಿತ್ತು. ಇದರಲ್ಲಿ ಸಿಎಪಿಎಫ್ಗಳನ್ನು ಮಾತ್ರ ನಿಯೋಜಿಸಲಾಗಿರುವ 4, 834 ಸೂಕ್ಷ್ಮ ಮತಗಟ್ಟೆಗಳು ಇದ್ದವು ಎಂದು ಮತ್ತಷ್ಟು ಮಾಹಿತಿ ನೀಡಿದ್ದಾರೆ.
ಸಂಜೆಯ ವೇಳೆಗೆ ಮತದಾನ ಪ್ರಕ್ರಿಯೆ ಮುಗಿದ ನಂತರ ರಾಜ್ಯಾದ್ಯಂತ ಇರುವ 339 ಸ್ಟ್ರಾಂಗ್ ರೂಂಗಳಲ್ಲಿ ಎಲ್ಲಾ ಮತಪೆಟ್ಟಿಗೆಗಳನ್ನು ಭದ್ರವಾಗಿ ಇರಿಸಲಾಗಿದ್ದು, ಸ್ಟ್ರಾಂಗ್ ರೂಂಗಳ ಭದ್ರತೆಯ ಜವಾಬ್ದಾರಿಯನ್ನು ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಗಳಿಗೆ (ಸಿಎಪಿಎಫ್) ನೀಡಲಾಗಿದೆ.
Click it and Unblock the Notifications
Sign in with Google