Rapido: ರಾಪಿಡೋ ಐಡಿಯಾ ನಂದೇ ಎಂದ ಆಂಧ್ರ ಸಿಎಂ ಚಂದ್ರಬಾಬು ನಾಯ್ಡು
ಬೆಂಗಳೂರಿನಲ್ಲಿ ಹುಟ್ಟಿಕೊಂಡ ರಾಪಿಡೋ ಬೈಕ್ ಟ್ಯಾಕ್ಸಿ ಸಂಸ್ಥೆಯು ನಗರ ಪ್ರಯಾಣಿಕರ ಮೆಚ್ಚುಗೆಗೆ ಪಾತ್ರವಾಗಿದ್ದು ಗೊತ್ತೇ ಇದೆ. ಬಹುಬೇಗನೇ ಇದು ಜನಪ್ರಿಯತೆ ಪಡೆದು ಬೆಂಗಳೂರಿನಲ್ಲಿ ಹೆಚ್ಚು ಮಂದಿ ರಾಪಿಡೋ ಬಳಸುತ್ತಿದ್ದರು. ಆದರೆ ಇದರಿಂದ ಆಟೋ ಕ್ಯಾಬ್ ಚಾಲಕರಿಗೆ ನಷ್ಟ ಎಂದು ದೂರು ಕೇಳಿಬಂದ ಹಿನ್ನೆಲೆ ಸದ್ಯ ಬೈಕ್ ಟ್ಯಾಕ್ಸಿ ಸೇವೆಯನ್ನು ಕರ್ನಾಟಕದಲ್ಲಿ ಬಂದ್ ಮಾಡಲಾಗಿದೆ. ಈ ರಾಪಿಡೋ ಬಗ್ಗೆ ಪಕ್ಕದ ಆಂಧ್ರಪ್ರದೇಶದ ಮುಖ್ಯಮಂತ್ರಿ ಎನ್.ಚಂದ್ರಬಾಬು ನಾಯ್ಡು ಮಾತನಾಡಿರುವ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ರಾಪಿಡೋ ಐಡಿಯಾ ನಂದೇ ಅಂದಿದ್ದಾರೆ ನಾಯ್ಡು. ಇದರ ಹಿಂದಿನ ಕಥೆಯನ್ನೂ ಅವರೇ ಬಿಚ್ಚಿಟ್ಟಿದ್ದಾರೆ.
ಕಾರ್ಯಕ್ರಮವೊಂದರಲ್ಲಿ ಮಾತನಾಡಿರುವ ಚಂದ್ರಬಾಬು ನಾಯ್ಡು ಅವರು ರಾಪಿಡೊ ಸಂಸ್ಥಾಪಕರು ಈ ಹಿಂದೆ ಮಾಜಿ ಟಿಡಿಪಿ ಕಾರ್ಯಕರ್ತರಾಗಿದ್ದರು. ಅವರು ರಾಪಿಡೊ ಸಂಸ್ಥಾಪಕರ ತಂದೆ ಈ ಹಿಂದೆ ಟಿಡಿಪಿ ಕಾರ್ಯಕರ್ತರಾಗಿದ್ದರು. ಅವರು ನನ್ನ ಸಲಹೆಗಳನ್ನು ಸ್ವೀಕರಿಸುತ್ತಿದ್ದರು ಎಂದು ಸಿಎಂ ಚಂದ್ರಬಾಬುನಾಯ್ಡು ಹೇಳಿದ್ದಾರೆ. ಕೇವಲ 4-5 ವರ್ಷಗಳಲ್ಲಿ ರಾಪಿಡೋ ಬಿಲಿಯನ್ ಡಾಲರ್ ಕಂಪನಿಯಾಗಿ ಬೆಳೆದಿದೆ. ಇದು ಕೇವಲ ಒಂದು ಉತ್ತಮ ಐಡಿಯಾವನ್ನು ಹೊಂದಿರುವುದಲ್ಲ, ನೀವು ಹೊಸದಾಗಿ ಯೋಚಿಸಬೇಕು ಎಂದು ನಾಯ್ಡು ಹೇಳಿದ್ದಾರೆ.
ರಾಪಿಡೋ ಅನ್ನು 4-5 ವರ್ಷಗಳಲ್ಲಿ ಶತಕೋಟಿ ಡಾಲರ್ ಕಂಪನಿಯಾಗಿ ಪರಿವರ್ತಿಸಿದರು. ಇದೊಂದು ಹೊಸ ಚಿಂತನೆ ಎಂದು ಹೊಗಳಿದ್ದಾರೆ. 5 ವರ್ಷಗಳ ಕಾಲ ಅಧಿಕಾರದಿಂದ ಹೊರಗುಳಿದಿರುವುದು ಅನೇಕರಿಗೆ ಸಹಾಯ ಮಾಡಿತು ಎಂದು ವಿಮರ್ಶಕರು ಹೇಳುತ್ತಾರೆ. ಆದರೆ ಟಿಡಿಪಿಯ 20 ವರ್ಷಗಳ ಆಡಳಿತವು ಅಸಂಖ್ಯಾತ ಜನರನ್ನು ಬಳಲುವಂತೆ ಮಾಡಿತು ಎಂದಿದ್ದಾರೆ.
ರಾಪಿಡೋ ಸಹ-ಸಂಸ್ಥಾಪಕ ಪವನ್ ಗುಂಟುಪಲ್ಲಿ ಕೂಡ ಒಂದು ಕಾರ್ಯಕ್ರಮದಲ್ಲಿ ಮಾತನಾಡಿರುವ ವಿಡಿಯೋ ವೈರಲ್ ಆಗಿದೆ. ನಾನು ಚಂದ್ರಬಾಬು ನಾಯ್ಡು ಅವರನ್ನು ಭೇಟಿಯಾದೆ, ಅವರು ನನಗೆ ರಾಪಿಡೋ ಪ್ರಾರಂಭಿಸಲು ಸ್ಫೂರ್ತಿ ನೀಡಿದರು ಎಂದು ಹೇಳಿದ್ದಾರೆ. ಮೂವರು ಸೇರಿ ರಾಪಿಡೋ ಕಂಪನಿಯನ್ನು ಬೆಂಗಳೂರಿನಲ್ಲಿ ಶುರು ಮಾಡಿದ್ದರು. ಇದರಲ್ಲಿ ಕರ್ನಾಟಕದ ರಿಷಿಕೇಶ್ ಕೂಡ ಒಬ್ಬರು.
ಫುಡ್ ಡೆಲಿವರಿ ಕ್ಷೇತ್ರಕ್ಕೆ ಕಾಲಿಟ್ಟ ರಾಪಿಡೋ
ಭಾರತದ ಪ್ರಮುಖ ಬೈಕ್ ಟ್ಯಾಕ್ಸಿ ಸೇವೆಗಳಲ್ಲಿ ಒಂದಾದ ರಾಪಿಡೋ ಇದೀಗ ಫುಡ್ ಡೆಲಿವರಿ ಕ್ಷೇತ್ರಕ್ಕೆ ಕಾಲಿಡಲು ಮುಂದಾಗಿದೆ. ಕಂಪನಿಯು ಜುಲೈನಲ್ಲಿ ಬೆಂಗಳೂರಿನಲ್ಲಿ ತನ್ನ ಹೊಸ ವೇದಿಕೆಯಾದ "ಓನ್ಲಿ" ಅನ್ನು ಪ್ರಾರಂಭಿಸಲು ಯೋಜಿಸಿದೆ. ಝೊಮಾಟೊ ಮತ್ತು ಸ್ವಿಗ್ಗಿಯಂತಹ ಕಂಪನಿಗಳಿಗಿಂತ ಭಿನ್ನವಾಗಿ, ರಾಪಿಡೋ ಆರ್ಡರ್ ಮೌಲ್ಯದ ಆಧಾರದ ಮೇಲೆ ಮೂರು ಹಂತದ ವಿತರಣಾ ಶುಲ್ಕ ರಚನೆಯನ್ನು ಅಳವಡಿಸಿಕೊಳ್ಳಲಿದೆ ಎಂದು ತಿಳಿದುಬಂದಿದೆ.
ಝೊಮ್ಯಾಟೊ ಮತ್ತು ಸ್ವಿಗ್ಗಿಯಂತೆ ಯಾವುದೇ ಪ್ಲಾಟ್ಫಾರ್ಮ್ ಶುಲ್ಕವನ್ನು ವಿಧಿಸುವುದಿಲ್ಲ ಎಂದು ರಾಪಿಡೊ ತನ್ನ ರೆಸ್ಟೋರೆಂಟ್ ಪಾಲುದಾರರಿಗೆ ಭರವಸೆ ನೀಡಿದೆ. ಸಾಮಾನ್ಯವಾಗಿ ಆರ್ಡರ್ ಮೌಲ್ಯದ ಶೇ 16ರಿಂದ ಶೇ30ರವರೆಗೆ ಕಮಿಷನ್ ಆಗಿ ಶುಲ್ಕ ವಿಧಿಸುವ ಈಗಿನ ವ್ಯವಸ್ಥೆಗಿಂತ ಭಿನ್ನವಾಗಿರಲಿದೆ ಎಂದು ಹೇಳಿದೆ.
Click it and Unblock the Notifications
Sign in with Google