ದೆಹಲಿ ಉಪ ಚುನಾವಣೆಯಲ್ಲಿ ಎಎಪಿಗೆ ಭರ್ಜರಿ ಜಯ, ಬಿಜೆಪಿಗೆ ಮುಖಭಂಗ

ನವದೆಹಲಿ, ಆಗಸ್ಟ್ 28: ದೆಹಲಿಯ ಬವಾನ ವಿಧಾನಸಭಾ ಕ್ಷೇತ್ರಕ್ಕೆ ನಡೆದ ಉಪ ಚುನಾವಣೆಯಲ್ಲಿ ಎಎಪಿ ಭರ್ಜರಿ ಗೆಲುವು ಸಾಧಿಸಿದೆ. ಈ ಮೂಲಕ ಚುನಾವಣೆಯಲ್ಲಿ ಸೋತು ಬಿಜೆಪಿ ಮತ್ತು ಕಾಂಗ್ರೆಸ್ ಮುಖಭಂಗ ಅನುಭವಿಸಿವೆ.

ಎಎಪಿಯ ಅಭ್ಯರ್ಥಿ ರಾಮ್ ಚಂದರ್ 59,886 ಮತಗಳನ್ನು ಪಡೆದು ಭಾರೀ ಗೆಲುವು ಸಾಧಿಸಿದ್ದಾರೆ. ಅವರು 24,052 ಮತಗಳಿಂದ ಬಿಜೆಪಿಯ ವೇದ್ ಪ್ರಕಾಶ್ ವಿರುದ್ಧ ಜಯಗಳಿಸಿದ್ದಾರೆ.

ಬಿಜೆಪಿಯ ವೇದ ಪ್ರಕಾಶ್ ಕೇವಲ 35,834 ಮತಗಳನ್ನು ಪಡೆದರೆ, ಮೂರನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡ ಕಾಂಗ್ರೆಸ್ ನ ಸುರೇಂದರ್ ಕುಮಾರ್ 31,919 ಮತಗಳನ್ನು ಪಡೆಯಲಷ್ಟೇ ಶಕ್ತವಾದರು.

Thanks to people of Bawana for showing confidence in AAP.

Congratulations Ram Chander Ji for winning election.#दिल्ली_के_दिल_में_केजरीवाल pic.twitter.com/KLOWhtWil0

— AAP (@AamAadmiParty) August 28, 2017

2014ರ ಚುನಾವಣೆಯಲ್ಲಿ ಇಲ್ಲಿ ಎಎಪಿಯಿಂದ ಸ್ಪರ್ಧಿಸಿ ವೇದ ಪ್ರಕಾಶ್ ಗೆಲುವು ಸಾಧಿಸಿದ್ದರು. ಕಳೆದ ದೆಹಲಿ ಮಹಾನಗರ ಪಾಲಿಕೆ ಚುನಾವಣೆ ವೇಳೆ ವೇದ ಪ್ರಕಾಶ್ ಎಎಪಿಗೆ ಕೈಕೊಟ್ಟು ಬಿಜೆಪಿ ಸೇರಿದ್ದರು. ಇದೀಗ ಬಿಜೆಪಿಯಿಂದ ಕಣಕ್ಕಿಳಿದು ವೇದ ಪ್ರಕಾಶ್ ಸೋತಿದ್ದಾರೆ. ಇದು ಬಿಜೆಪಿಗೆ ರಾಜಧಾನಿಯಲ್ಲಿ ಭಾರೀ ಮುಖಭಂಗ ಉಂಟು ಮಾಡಿದೆ.

English summary

AAP candidate Ram Chander wins Delhi’s Bawana bi-poll by defeats BJP's Ved Prakash with the margin of 24052 votes.