ಶ್ರೀಲಂಕಾದ ಸ್ಫೋಟದಲ್ಲಿ ಅದೃಷ್ಟವಶಾತ್ ಪಾರಾದ ನಟಿ ರಾಧಿಕಾ

ಕೊಲಂಬೋ, ಏಪ್ರಿಲ್ 21 : ಕನ್ನಡ ಸೇರಿದಂತೆ ಹಲವು ಭಾಷೆಗಳಲ್ಲಿ ನಟಿಸಿರುವ ಹಿರಿಯ ತಮಿಳು ಚಿತ್ರರಂಗದ ನಟಿ ರಾಧಿಕಾ ಶರತ್ ಕುಮಾರ್ ಅವರು ಅದೃಷ್ಟವಶಾತ್ ಶ್ರೀಲಂಕಾದ ಬಾಂಬ್ ಸ್ಫೋಟದಿಂದ ಪಾರಾಗಿದ್ದಾರೆ. ಈ ಕುರಿತಂತೆ ರಾಧಿಕಾ ಅವರು ಟ್ವೀಟ್ ಮಾಡಿ, ಘಟನೆ ಬಗ್ಗೆ ದಿಗ್ಭ್ರಮೆ ವ್ಯಕ್ತಪಡಿಸಿದ್ದಾರೆ. ರಾಧಿಕಾ ಅವರು ಈಗ ಕನ್ನಡದಲ್ಲಿ ಪುನೀತ್ ರಾಜ್ ಕುಮಾರ್ ಅಭಿನಯದ 'ಯುವರತ್ನ'ದಲ್ಲಿ ಅಭಿನಯಿಸುತ್ತಿದ್ದಾರೆ.

ಶ್ರೀಲಂಕಾದ ಕೊಲಂಬೋ ಸೇರಿದಂತೆ ಹಲವೆಡೆ 8 ಬಾರಿ ಬಾಂಬ್​ಸ್ಫೋಟವಾಗಿದ್ದು, ಸುಮಾರು 185 ಮಂದಿ ಸಾವನ್ನಪ್ಪಿದ್ದು, 500ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ.

ಬಾಂಬ್​ಸ್ಫೋಟವಾದ ಹೋಟೆಲ್​ಗಳಲ್ಲಿ ಒಂದಾದ ಸಿನ್ನಾಮೋನ್ ಗ್ರ್ಯಾಂಡ್​ನಲ್ಲಿ ರಾಧಿಕಾ ಶರತ್​ಕುಮಾರ್​ಉಳಿದುಕೊಂಡಿದ್ದರು ಎಂದು ತಿಳಿದು ಬಂದಿದೆ. ಘಟನೆ ಬಗ್ಗೆ ಟ್ವೀಟ್ ಮಾಡಿ, ಆ ಹೋಟೆಲ್​ನಿಂದ ಹೊರಟ ನಂತರ ಅಲ್ಲಿ ಬಾಂಬ್ ಸ್ಫೋಟವಾಗಿದೆ ಎಂದಿದ್ದಾರೆ.

OMG bomb blasts in Sri Lanka, god be with all. I just left Colombo Cinnamongrand hotel and it has been bombed, can’t believe this shocking.

— Radikaa Sarathkumar (@realradikaa) April 21, 2019

'ಘಟನೆ ನಡೆದ ವಿಷಯ ನನಗೆ ನ್ಯೂಸ್​ನಿಂದ ತಿಳಿದಿದ್ದು, ಇದರಿಂದ ಆಘಾತವಾಗಿದೆ. ಇದು ವಿಷಾದನೀಯ ಘಟನೆ. ನೊಂದವರ ಕುಟುಂಬದವರಿಗೆ ದೇವರು ಶಕ್ತಿ ಕೊಡಲಿ' ಎಂದು ಟ್ವೀಟ್ ಮಾಡಿದ್ದಾರೆ.

Pl be safe Mam ! It’s really scary hearing something like that ...Come back in good shape and safely ..Lots of love to you ❤️.

— Ramya Subramanian (@ramyavj) April 21, 2019

ಕೊಲಂಬೋದಲ್ಲಿ ಇಂದು ಬಾಂಬ್​ಸ್ಫೋಟ ನಡೆದ ಚರ್ಚ್​ಗೂ ರಾಧಿಕಾ ಅವರು ಭೇಟಿ ನೀಡುತ್ತಿದ್ದರು ಎಂದು ತಿಳಿದು ಬಂದಿದೆ. ಆದರೆ, ಈ ಬಾರಿ ಇಂದು ಚರ್ಚ್ ಗೆ ಭೇಟಿ ನೀಡಿರಲಿಲ್ಲ. ಆದರೆ, ಅವರು ಉಳಿದುಕೊಂಡ ಹೋಟೆಲ್ ನಲ್ಲಿ ಸ್ಫೋಟವಾಗಿದೆ.

English summary

South Indian Vetern actress Radhika Sarath Kumar tweeted her utter disbelief at the Sri Lankan bomb blasts. She said she had a narrow escape from the blast that took place at the Cinnamon hotel in Colombo.