Breaking; ಪಾಕ್‌ ಕಡೆಯಿಂದ ಬಂದ ಡ್ರೋನ್ ಹೊಡೆದುರುಳಿಸಿದ ಸೇನೆ

ಚಂಡೀಗಢ, ಮೇ 10; ಪಾಕಿಸ್ತಾನದಿಂದ ಹೆರಾಯಿನ್ ಸರಬರಾಜು ಮಾಡುತ್ತಿದ್ದ ಡ್ರೋನ್‌ ಅನ್ನು ಭಾರತೀಯ ಯೋಧರು ಹೊಡೆದುರುಳಿಸಿದ್ದಾರೆ. ಸುಮಾರು 10 ಕೆಜಿ ಮಾದಕ ವಸ್ತುವನ್ನು 9 ಪ್ಯಾಕ್‌ಗಳಲ್ಲಿ ಡ್ರೋನ್ ಮೂಲಕ ಸಾಗಣೆ ಮಾಡಲಾಗುತ್ತಿತ್ತು.

ಅಮೃತಸರದ ಬಿಎಸ್ಎಫ್ ಡಿಐಜಿ ಬಿ. ಸಿಂಗ್ ಈ ಕುರಿತು ಮಾಹಿತಿ ನೀಡಿದರು, "ಪಾಕಿಸ್ತಾನ ಕಡೆಯಿಂದ ರಾತ್ರಿ 11.15ರ ಸುಮಾರಿಗೆ ಡ್ರೋನ್ ಹಾರಿ ಬರುವುದನ್ನು ಕಣ್ಗಾವಲು ಪಡೆ ಸಿಬ್ಭಂದಿ ಗಮನಿಸಿದ್ದರು. ತಕ್ಷಣ 9 ಸುತ್ತು ಗುಂಡು ಹಾರಿಸಿದರು" ಎಂದರು.

BSF troops foiled another smuggling attempt through Pakistan drone. Vigilant BSF troops fired at the drone coming from Pakistan & brought it down. The drone was carrying 9 packets: BSF Punjab Frontier pic.twitter.com/a0qLmnw4fd

— ANI (@ANI) May 9, 2022

"ಅಮೃತಸರದಲ್ಲಿ ಅಂತರಾಷ್ಟ್ರೀಯ ಗಡಿಯ ಸಮೀಪ ನೆಲಕ್ಕೆ ಬಿದ್ದ ಡ್ರೋನ್ ಪರಿಶೀಲನೆ ನಡೆಸಿದಾಗ ಮಾದಕ ವಸ್ತು ಸಾಗಾಟ ಮಾಡುತ್ತಿರುವುದು ಬೆಳಕಿಗೆ ಬಂದಿದೆ. ಇದು ಹೆಕ್ಸಾಕಾಪ್ಟರ್ ಮಾದರಿಯ ಡ್ರೋನ್ ಆಗಿದೆ" ಎಂದು ಡಿಜಿಪಿ ಮಾಹಿತಿ ನೀಡಿದರು.

ಡ್ರೋನ್ ಮೂಲಕ ಪಾಕಿಸ್ತಾನ ಕಡೆಯಿಂದ ಮಾದಕ ವಸ್ತು ಸಾಗಾಟ ಮಾಡಲಾಗುತ್ತಿತ್ತು. 9 ಪ್ಯಾಕ್‌ಗಳ ಮೂಲಕ ಸುಮಾರು 10 ಕೆಜಿ ಹೆರಾಯಿನ್ ಸಾಗಣೆ ಮಾಡುತ್ತಿರುವುದು ಪತ್ತೆಯಾಗಿದೆ.

ಪಂಜಾಬ್‌ನಲ್ಲಿ ಭಾರತ-ಪಾಕಿಸ್ತಾನವು 553 ಕಿ. ಮೀ. ಗಡಿಯನ್ನು ಹೊಂದಿದೆ. ಪಾಕಿಸ್ತಾನ ಮೂಲಕ ಆಗಾಗ ಡ್ರೋನ್ ಮೂಲಕ ಮಾದಕ ವಸ್ತುಗಳ ಸಾಗಾಟ ನಡೆಯುತ್ತಿದೆ. ಇದೇ ಮಾದರಿ ಕೃತ್ಯವೂ ಸೋಮವಾರ ರಾತ್ರಿ ನಡೆದಿದೆ.

English summary

BSF troops foiled another Heroin smuggling attempt through Pakistan drone at Punjab. Vigilant BSF troops fired at the drone around 11.15 pm and brought it down.