ಒಂದೇ ದಿನ 60 ಸಾವಿರ ಕೋಟಿ ಮಾರ್ಕೆಟ್ ಮೌಲ್ಯ ಹೆಚ್ಚಿಸಿಕೊಂಡ ಎಸ್ ಬಿಐ

Updated: Wednesday, October 25, 2017, 20:38 [IST]

ಭಾರತದ ಷೇರು ಮಾರುಕಟ್ಟೆಯಲ್ಲಿ ಸರಕಾರಿ ಸ್ವಾಮ್ಯದ ಬ್ಯಾಂಕ್ ಗಳು ಬುಧವಾರ 'ದೀಪಾವಳಿ' ಆಚರಿಸಿದವು. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಪಂಜಾಬ್ ನ್ಯಾಷನಲ್ ಬ್ಯಾಂಕ್, ಬ್ಯಾಂಕ್ ಆಫ್ ಬರೋಡಾ, ಕೆನರಾ ಬ್ಯಾಂಕ್, ಬ್ಯಾಂಕ್ ಆಫ್ ಇಂಡಿಯಾ ಷೇರುಗಳು ಶೇ 25ಕ್ಕಿಂತ ಹೆಚ್ಚು ಏರಿಕೆ ಕಂಡವು.

ಕೇಂದ್ರ ಹಣಕಾಸು ಸಚಿವಾಲಯವು ಮಂಗಳವಾರ ನಡೆಸಿದ ಪತ್ರಿಕಾಗೋಷ್ಠಿಯಲ್ಲಿ ಸರಕಾರಿ ಸ್ವಾಮ್ಯದ ಬ್ಯಾಂಕ್ ಗಳಿಗೆ 2.10 ಲಕ್ಷ ಕೋಟಿ ಬಂಡವಾಳ ಪೂರೈಸುವುದಾಗಿ ಘೋಷಣೆ ಮಾಡಲಾಗಿತ್ತು. ಇದರಿಂದ ಉತ್ತೇಜಿತಗೊಂಡ ಸೆನ್ಸೆಕ್ಸ್ ದಿನದ ಅಂತ್ಯಕ್ಕೆ ನಾನೂರು ಅಂಶಕ್ಕೂ ಹೆಚ್ಚು ಏರಿಕೆ ಕಂಡು, 33 ಸಾವಿರ ಅಂಶಗಳನ್ನು ಮೀರಿ, ಹೊಸ ದಾಖಲೆ ಬರೆಯಿತು.

ಇನ್ನು ನಿಫ್ಟಿ 87 ಅಂಶಗಳು ಏರಿಕೆ ಕಂಡು, ದಿನಾಂತ್ಯಕ್ಕೆ 10,295.35 ಅಂಶಕ್ಕೆ ಕೊನೆಗೊಂಡಿತು. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಬಂಡವಾಳ ಒಂದೇ ದಿನದಲ್ಲಿ 60 ಸಾವಿರ ಕೋಟಿ ರುಪಾಯಿ ಏರಿಕೆ ಕಂಡಿದೆ. ಯಾವ ಸರಕಾರಿ ಸ್ವಾಮ್ಯದ ಬ್ಯಾಂಕ್ ಎಷ್ಟು ಏರಿಕೆ ಕಂಡಿವೆ ಎಂಬುದರ ವಿವರ ಇಂತಿದೆ.

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಶೇ 27.58

ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಶೇ 46.20

ಬ್ಯಾಂಕ್ ಆಫ್ ಬರೋಡಾ ಶೇ 31.47

ಕೆನರಾ ಬ್ಯಾಂಕ್ ಶೇ 38.05

ಬ್ಯಾಂಕ್ ಆಫ್ ಇಂಡಿಯಾ ಶೇ 33.96

ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ ಶೇ 14.90

ಐಡಿಬಿಐ ಬ್ಯಾಂಕ್ ಶೇ 20.07

ಇಂಡಿಯನ್ ಬ್ಯಾಂಕ್ ಶೇ 21.48

ಯೂನಿಯನ್ ಬ್ಯಾಂಕ್ ಶೇ 34.07

ಇಂಡಿಯನ್ ಓವರ್ ಸೀಸ್ ಬ್ಯಾಂಕ್ ಶೇ 19.82

ಸಿಂಡಿಕೇಟ್ ಬ್ಯಾಂಕ್ ಶೇ 17.37

ವಿಜಯಾ ಬ್ಯಾಂಕ್ ಶೇ 8.55