ಐಟಿ ರಿಟರ್ನ್ಸ್ ವಿಳಂಬವಾದರೆ ದಂಡ ಸದ್ಯಕ್ಕಿಲ್ಲ!
ನವದೆಹಲಿ, ಜುಲೈ13 : 2016-17ನೇ ಸಾಲಿನ ಆರ್ಥಿಕ ವರ್ಷದಲ್ಲಿ ಆದಾಯ ತೆರಿಗೆ ಪಾವತಿ ಮಾಡುವಲ್ಲಿ ವಿಳಂಬವಾದರೆ ಚಿಂತಿಸಬೇಡಿ. ವಿತ್ತ ಸಚಿವ ಅರುಣ್ ಜೇಟ್ಲಿ ಅವರು ಕಳೆದ ಬಜೆಟ್ ನಲ್ಲಿ ಘೋಷಿಸಿದ ಹೊಸ ನೀತಿ ಪ್ರಸಕ್ತ ವರ್ಷಕ್ಕೆ ಅನ್ವಯವಾಗುವುದಿಲ್ಲ. ನಿಗದಿತ ಅವಧಿಯೊಳಗೆ ಐಟಿ ರಿಟರ್ನ್ಸ್ ಸಲ್ಲಿಸದಿದ್ದರೆ 10,000 ರು ದಂಡ ವಿಧಿಸಲಾಗುತ್ತದೆ.
ಆನ್ ಲೈನ್ ನಲ್ಲಿ ಆದಾಯ ತೆರಿಗೆ ಪಾವತಿ ಮಾರ್ಗದರ್ಶಿ
ಆದರೆ, ನಿಗದಿತ ಅವಧಿಯೊಳಗೆ ಐಟಿ ರಿಟರ್ನ್ಸ್ ಮಾಡದಿದ್ದರೆ ವಿಧಿಸಲಾಗುವ 10,000 ರು ದಂಡ ಈ ವರ್ಷದಿಂದ ಜಾರಿಗೆ ಬರುತ್ತಿಲ್ಲ.
ಏಪ್ರಿಲ್ 01,2018ರಿಂದ ಸಲ್ಲಿಕೆಯಾಗುವ ಐಟಿ ಆರ್ ಗೆ ಹೊಸ ನೀತಿ ಜಾರಿಯಾಗಲಿದೆ. 2016-17 ಹಾಗೂ 2017-18 ರ ಮುಂಚಿತವಾದ ಐಟಿ ರಿಟರ್ನ್ಸ್ ಮೇಲೆ ಈ ನೀತಿ ಅನ್ವಯವಾಗುವುದಿಲ್ಲ.
ಐಟಿ ರಿಟರ್ನ್ಸ್ ಸಲ್ಲಿಸಲು ಜುಲೈ31 ಕೊನೆ ದಿನಾಂಕವಾಗಿದೆ. ಬಾಕಿ ಉಳಿಸಿಕೊಂಡ ತೆರಿಗೆದಾರರು ಡಿಸೆಂಬರ್ 31 ರೊಳಗೆ ರಿಟರ್ನ್ಸ್ ಸಲ್ಲಿಸಿದರೆ 5,000 ರು ತನಕ ದಂಡ ವಿಧಿಸಲಾಗುತ್ತದೆ. ನಂತರ ಹೊಸ ನೀತಿಯಂತೆ 10,000 ರು ದಂಡ ವಿಧಿಸಲಾಗುತ್ತದೆ.
Click it and Unblock the Notifications
Sign in with Google