ಸುಂದರ್ ಪಿಚೈ- ಗೂಗಲ್ ಸಿಇಒ ಬಗ್ಗೆ ಒಂದಿಷ್ಟು

ಬೆಂಗಳೂರು, ಆಗಸ್ಟ್ 11: ಇಂಡೋ ಅಮೆರಿಕನ್ ಸುಂದರ್ ಪಿಚೈ ಅವರು ನಿರೀಕ್ಷೆಯಂತೆ ಗೂಗಲ್ ನ ಹೊಸ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿದ್ದಾರೆ. ಆಲ್ಫಾಬೆಟ್ ಕಂಪನಿಯ ಭಾಗವಾಗಿ ಗೂಗಲ್ ಕಾರ್ಯನಿರ್ವಹಿಸಲಿದೆ. ಸುಂದರ್ ಪಿಚೈ ಕುರಿತ ಕೆಲ ಮಾಹಿತಿ ಇಲ್ಲಿದೆ.

ಗೂಗಲ್ ಈಗ ರೀ ಬ್ರ್ಯಾಂಡ್ ಆಗಿದ್ದು, ಆಲ್ಫಾಬೆಟ್ (http://abc.xyz) ಮುಖ್ಯ ಸಂಸ್ಥೆಯಾಗಿದ್ದು ಇದಕ್ಕೆ ಲ್ಯಾರಿ ಪೇಜ್ ಸಿಇಒ ಆಗಿದ್ದಾರೆ. ಸೆರ್ಗೆ ಅವರು ಮುಖ್ಯಸ್ಥರಾಗಿರುತ್ತಾರೆ. ಆಲ್ಫಾಬೆಟ್ ನಲ್ಲಿ ಕ್ಯಾಲಿಕೋ, ನೆಸ್ಟ್, ಫೈಬರ್, ಎಕ್ಸ್ ಲ್ಯಾಬ್, ಲೈಫ್ ಸೈನ್ಸ್, ಇನ್ವೆಸ್ಟ್ ಮೆಂಟ್ ವಿಭಾಗ ಎಲ್ಲವೂ ಸೇರಿರುತ್ತದೆ.[ಚೆನ್ನೈ ಮೂಲದ ಸುಂದರ್ ಗೂಗಲ್ ನೂತನ ಸಿಇಒ]

ಉಳಿದಂತೆ, ಗೂಗಲ್ ನ ಮುಖ್ಯ ವಹಿವಾಟುಗಳಾದ ಸರ್ಚ್, ಆಡ್ಸ್, ಮ್ಯಾಪ್ಸ್, ಆಪ್ಸ್, ಯೂಟ್ಯೂಬ್ ಹಾಗೂ ಆಂಡ್ರಾಯ್ಡ್ ಹಾಗೂ ಸಂಬಂಧಿತ ತಾಂತ್ರಿಕ ಮೂಲ ಸೌಕರ್ಯಗಳ ನಿರ್ವಹಣೆ, ಜವಾಬ್ದಾರಿ ಈಗ ಸುಂದರ್ ಪಿಚೈ ಅವರಿಗೆ ವಹಿಸಲಾಗಿದೆ.

ಸುಂದರ್ ಪಿಚೈ ಅವರ ಬಗ್ಗೆ ಕೆಲ ಮಾಹಿತಿ ಇಲ್ಲಿದೆ:
* ಸುಂದರ್ ಪಿಚೈ ಅವರು ಭಾರತದ ತಮಿಳುನಾಡಿನ ಚೆನ್ನೈನಲ್ಲಿ 1972ರಲ್ಲಿ ಜನಿಸಿದರು. ಇಂದಿಗೂ ಭಾರತೀಯ ಪೌರತ್ವ ಉಳಿಸಿಕೊಂಡಿದ್ದಾರೆ.
* ಸುಂದರ್ ಪಿಚೈ ಅವರ ಪೂರ್ತಿ ಹೆಸರು ಪಿಚೈ ಸುಂದರಾಜನ್, ಜನಪ್ರಿಯ ಹೆಸರು ಸುಂದರ್ ಪಿಚೈ.
* 2004ರಲ್ಲಿ ಗೂಗಲ್ ಸೇರಿದ ಸುಂದರ್ ಅವರು ಮೊದಲಿಗೆ ಪ್ರಾಡೆಕ್ಟ್ ಹಾಗೂ ಇನ್ನೋವೇಷನ್ ಅಧಿಕಾರಿಯಾಗಿದ್ದರು.
* ಪೆನ್ನಿಸಿಲ್ವೆನಿಯಾದ ವಿಶ್ವವಿದ್ಯಾಲಯದಿಂದ ಸೈಬಲ್ ಸ್ಕಾಲರ್ ಎನಿಸಿಕೊಂಡಿದ್ದಾರೆ.
* ಖರಗ್ ಪುರದ ಐಐಟಿಯಿಂದ ಮೆಟರ್ಲರ್ಜಿ ವಿಷಯದಲ್ಲಿ ಪದವಿ ಪಡೆದುಕೊಂಡ ಪಿಚೈ ಅವರು ಆ ಬ್ಯಾಚಿನ ಬೆಳ್ಳಿ ಪದಕ ವಿಜೇತರಾಗಿದ್ದಾರೆ.
* ಅಮೆರಿಕದ ವಾರ್ಟನ್ ವಿಶ್ವವಿದ್ಯಾಲಯ ಹಾಗೂ ಸ್ಟಾನ್ ಫರ್ಡ್ ವಿಶ್ವವಿದ್ಯಾಲಯಿಂದ ಕ್ರಮವಾಗಿ ಎಂಬಿಎ ಹಾಗೂ ಎಂಎಸ್ ಪಡೆದುಕೊಂಡಿದ್ದಾರೆ.
* ಸದ್ಯ ಗೂಗಲ್ ನ ಆಪ್ಸ್, ಕ್ರೋಮ್ ಹಾಗೂ ಆಂಡ್ರಾಯ್ಡ್ ವಿಭಾಗದ ಉಪಾಧ್ಯಕ್ಷರಾಗಿದ್ದಾರೆ.
* ಗೂಗಲ್ ಡ್ರೈವ್, ಜೀಮೇಲ್ ಅಪ್ಲಿಕೇಷನ್, ಗೂಗಲ್ ವಿಡಿಯೋ ಕೊಡೆಕ್ ಎಲ್ಲದರ ಸೃಷ್ಟಿಗೆ ಬಹುತೇಕ ಸುಂದರ್ ಪಿಚೈ ಅವರೇ ಕಾರಣ.
* ಆದರೆ, ಪಿಚೈ ಅವರನ್ನು ಗೂಗಲ್ ನ ಕ್ರೋಮ್ ಆಪರೇಟಿಂಗ್ ಸಿಸ್ಟಮ್ ಹಾಗೂ ಆಂಡ್ರಾಯ್ಡ್ ಅಪ್ಲಿಕೇಷನ್ ನಿರ್ಮಾತೃವಾಗೇ ಗುರುತಿಸಲಾಗಿದೆ.
* ಟ್ವಿಟ್ಟರ್ ಸಂಸ್ಥೆ 2011ರಲ್ಲಿ ಪಿಚೈ ಅವರನ್ನು ತಮ್ಮ ಸಂಸ್ಥೆಗೆ ಸೇರಿಸಿಕೊಳ್ಳಲು ಯತ್ನಿಸಿತ್ತು. ಅದರೆ, ಗೂಗಲ್ ಅವರಿಗೆ 50 ಮಿಲಿಯನ್ ಡಾಲರ್ ಹೆಚ್ಚಿಗೆ ಮೊತ್ತ ನೀಡಿ ಗೂಗಲ್ ನಲ್ಲೇ ಉಳಿಸಿಕೊಂಡಿತ್ತು.
( ಒನ್ ಇಂಡಿಯಾ ಸುದ್ದಿ)

English summary

Few Things Need to Know about Sundar Pichai. Sundar is the new CEO at Google’s new parent company dubbed as Alphabet. He will step into the new position upon the completion of the formation of Alphabet Inc., the new holding company for the Google company family.