ಪರಭಾಷಿಕರಿಗೆ ಹಾಡಿನ ಪೆಟ್ಟು ಕೊಟ್ಟ ಕಿರಿಕ್ ಕೀರ್ತಿ

By Mahesh

Published: Tuesday, May 17, 2016, 14:28 [IST]

ನಮಸ್ಕಾರ ನಾನು ಕಿರಿಕ್ ಕೀರ್ತಿ ಅಂತಾ.. ಗೊತ್ತಿರ್ಬೇಕಲ್ಲ.. ಎನ್ನುತ್ತಾ ವಿಡಿಯೋ ಭಾಷಣಗಳ ಮೂಲಕ ಜನ ಜಾಗೃತಿ ಮೂಡಿಸುತ್ತಿದ್ದ ಶಿವಮೊಗ್ಗದ ಶಂಕರಘಟ್ಟದ ಪ್ರತಿಭೆ ಕೀರ್ತಿ ಅವರು ಈಗ ರೊಚ್ಚಿಗೆದ್ದಿದ್ದಾರೆ. ಬೆಂಗಳೂರಿನಲ್ಲಿರುವ ವಲಸಿಗರಿಗೆ ತಮ್ಮ ಮೊನಚಾದ ಗೀತ ಸಾಹಿತ್ಯ ಹಾಗೂ ಹಾಡುಗಾರಿಕೆ ಮೂಲಕ ತಟ್ಟಿದ್ದಾರೆ.

ಆದರೆ, ಈ ವಿಡಿಯೋ ಆರಂಭದಲ್ಲೇ 'ಕಿರಿಕ್ ಸೂಚನೆ' ನೀಡಿದ್ದು, ಎಲ್ಲಾ ಪರಭಾಷಿಕರಿಗೂ ಈ ವಿಡಿಯೋ ಅನ್ವಯವಾಗುವುದಿಲ್ಲ. ಇಲ್ಲೇ ಇದ್ದು, ಇಲ್ಲೇ ಬದುಕು ಕಟ್ಟಿಕೊಂಡು, ಬೆಂಗಳೂರಿನ ಬಗ್ಗೆ ಕೆಟ್ಟದಾಗಿ ಮತನಾಡೋರನ್ನು ಗಮನದಲ್ಲಿಟ್ಟುಕೊಂಡು ಈ ವಿಡಿಯೋ ಮಾಡಿದ್ದೇವೆ ಎಂದು ಒಕ್ಕಣೆಯಿದೆ.[ವಿಡಿಯೋ: ಕನ್ನಡದ ರ‍್ಯಾಪ್ ಕಿಂಗ್ ಜೊತೆ ಐಂದ್ರಿತಾ 'ಸೌಂದರ್ಯ ಸಮರ']

Watch video : Kannada activist Kirik Keerthi Namma Bengaluru Feat Chandan Shetty

ಕಿರಿಕ್ ಕೀರ್ತಿ ಅವರ ಸಾಹಿತ್ಯಕ್ಕೆ ಚಂದನ್ ಶೆಟ್ಟಿ ಅವರು ಸಂಗೀತ ಒದಗಿಸಿದ್ದಾರೆ. ಕನ್ನಡದಲ್ಲಿ ಹೊಸ ಅಲೆ ಎಬ್ಬಿಸಿರುವ ಈ ವಿಡಿಯೋ ಬಿಡುಗಡೆಯಾದ ಒಂದು ದಿನದಲ್ಲೇ 10, 746 ವೀಕ್ಷಣೆ 1,320 ಲೈಕ್ಸ್ ಪಡೆದುಕೊಂಡಿದೆ. ಅಂದ ಹಾಗೆ, ಹಾಡಿನ ಸಾಹಿತ್ಯ ಅರ್ಥವಾಗೆಲೆಂದು ಸಬ್ ಟೈಟಲ್ಸ್ ಕೂಡಾ ನೀಡಲಾಗಿದೆ.

ಹಾಡು, ಸಂಗೀತ, ಕಿರಿಕ್ ಅವರ ಉದ್ದೇಶ ಎಲ್ಲವೂ ಮೊದಲ ನೋಟಕ್ಕೆ ಕನ್ನಡಿಗರಿಗೆ ಮೆಚ್ಚುಗೆಯಾಗಿದೆ. ಆದರೆ, ವಿಡಿಯೋದಲ್ಲಿ ಪುನಾರಾವರ್ತನೆಗೊಂಡ ದೃಶ್ಯಗಳು ಸ್ವಲ್ಪ ನೋಡಲು ಕಿರಿಕಿರಿ ಎನಿಸುತ್ತದೆ. ನಿಮಗೇನು ಅನ್ನಿಸುತ್ತದೆಯೋ ಕಾಮೆಂಟ್ ಮಾಡಿ. ಸದ್ಯಕ್ಕೆ ಹಾಡು ನೋಡಿ ಆನಂದಿಸಿ. [ಅಮ್ಮನಿಗೆ ಪ್ರೀತಿಯಿಂದ ಕಾಣಿಕೆ ಕೊಟ್ಟ ಗಾಯಕ ವಾಸು ದೀಕ್ಷಿತ್]

ಬೆಂಗಳೂರು... ಸ್ವರ್ಗ ಬೆಂಗಳೂರು
ನಿಂಗೆ ಇಷ್ಟ ಇಲ್ವಾ ಬಿಟ್ಟು ಹೊಯ್ತಾ ಇರು...