ಮತದಾರರ ಐಡಿ ಕಾರ್ಡ್ ಪೊಲೀಸ್ ವಶ: ವ್ಯಕ್ತಿಗಳ ಪತ್ತೆ ಕಾರ್ಯ ಆರಂಭ

ಬೆಂಗಳೂರು, ಮೇ 10: ರಾಜರಾಜೇಶ್ವರಿನಗರ ವಿಧಾನಸಭೆ ಕ್ಷೇತ್ರದಲ್ಲಿ ಪತ್ತೆಯಾದ ಮತದಾರರ ಚೀಟಿಗಳ ವ್ಯಕ್ತಿಗಳನ್ನು ಪತ್ತೆ ಮಾಡಲು ಪೊಲೀಸರು ಮುಂದಾಗಿದ್ದು, ವಶಪಡಿಸಿಕೊಂಡ 9 ಸಾವಿರಕ್ಕೂ ಹೆಚ್ಚು ಮತದಾರರ ಐಡಿಕಾರ್ಡ್‌ಗಳ ಪೈಕಿ ಕೆಲವನ್ನು ತಮ್ಮ ಸುಪರ್ದಿಗೆ ತೆಗೆದುಕೊಂಡಿದ್ದಾರೆ.

ಕಾರ್ಡ್‌ಗಳಲ್ಲಿರುವ ವ್ಯಕ್ತಿಗಳಿಗಾಗಿ ಈಗಾಗಲೇ ತನಿಖೆ ಆರಂಭಿಸಿರುವ ಪೊಲೀಸರು, ಐಡಿ ಕಾರ್ಡ್‌ಗಳನ್ನು ಒತ್ತೆಯಾಗಿಒಟ್ಟುಕೊಂಡು ಕೆಲವನ್ನು ಗೃಹಪಯೋಗಿ ವಸ್ತುಗಳನ್ನು ರಾಜಕೀಯ ಪಕ್ಷಗಳ ಅಭ್ಯರ್ಥಿಗಳು ಕೊಡುಗೆಯಾಗಿ ನೀಡಿದ್ದರು ಎಂದು ಪಲೀಸ್‌ ಮೂಲಗಳು ತಿಳಿಸಿವೆ.

ಕಳೆದ ಎರಡು ದಿನಗಳ ಹಿಂದೆ ರಾಜರಾಜೇಶ್ವರಿನಗರ ಕ್ಷೇತ್ರದ ವ್ಯಾಪ್ತಿಯಲ್ಲಿರುವ ಜಾಲಹಳ್ಳಿಯ ಅಪಾರ್ಟ್‌ಮೆಂಟ್‌ ಒಂದರ ಮೇಲೆ ದಾಳಿ ನಡೆಸಿ 9746 ಮತದಾರರ ಗುರುತಿನ ಚೀಟಿಗಳನ್ನು ವಶಪಡಿಸಿಕೊಳ್ಳಲಾಗಿತ್ತು.

ಅದರಲ್ಲಿ ಕೆಲವು ಗುರುತಿನ ಚೀಟಿಗಳನ್ನು ತನಿಖೆಗಾಗಿ ಪೊಲೀಸರು ತೆಗೆದುಕೊಂಡಿದ್ದಾರೆ. ಹಲವರು ರಾಜಕೀಯ ಪಕ್ಷಗಳಿಂದ ಹಣ ಪಡೆದು ತಮ್ಮ ಮತದಾರರ ಚೀಟಿಯನ್ನು ಮಾರಿಕೊಂಡಿರಬಹುದು ಎಂದು ಪೊಲೀಸರು ಸಂಶಯ ವ್ಯಕ್ತಪಡಿಸಿದ್ದಾರೆ. ಆದರೆ ಎಷ್ಟೇ ತನಿಖೆ ನಡೆಸಿದರೂ ಈ ಅಕ್ರಮದಲ್ಲಿ ಯಾವುದೇ ರಾಜಕೀಯ ಪಕ್ಷಗಳು ಭಾಗಿಯಾಗಿರುವ ಕುರಿತು ಸುಳಿವು ದೊರೆತಿಲ್ಲ.

ಅಪಾರ್ಟ್‌ಮೆಂಟ್‌ನಲ್ಲಿ 200 ಮತದಾರರ ಚೀಟಿಗಳನ್ನೊಳಗೊಂಡಿದ್ದ ಸಾಕಷ್ಟು ಬಂಡಲ್‌ಗಳು ಪತ್ತೆಯಾಗಿದೆ. ಆ ಬಂಡಲ್‌ನ್ನು ಮತದಾರರ ಹೆಸರಿರುವ ಪಟ್ಟಿಯಿಂದ ಸುತ್ತುವರೆದಿದೆ. ಇದರಿಂದ ಒಂದೇ ಪಕ್ಷಕ್ಕೆ ಮತ ಹಾಕಲು ನಿರ್ಧರಿಸಿದ್ದ ಗುಂಪೊಂದು ಈ ರೀತಿ ಗುರುತಿನ ಚೀಟಿಯನ್ನು ಒಟ್ಟು ಮಾಡಿರಬಹುದು ಎಂದು ಸಂಶಯ ವ್ಯಕ್ತವಾಗಿದೆ. ಅಥವಾ ಆ ಅಪಾರ್ಟ್‌ಮೆಂಟ್‌ನಲ್ಲಿರುವ ಪ್ರಭಾವಿ ವ್ಯಕ್ತಿ ಯಾರೋ ಈ ಕೆಲಸ ಮಾಡಿರಬಹುದು ಎಂದು ಕೂಡ ಅಂದಾಜಿಸಲಾಗಿದೆ.

English summary

A day after the raid seizure of 9746 original voter ID cards from a flat in Jalahalli under Rajarajeshwari Nagar constituency, the police on wednesday collected a few cards to trace its holders.