ಪೆಟ್ರೋಲ್ ಮತ್ತು ಡಿಸೇಲ್ ಏರಿಕೆ ಖಂಡಿಸಿದ ಸಿದ್ದರಾಮಯ್ಯ

ಬೆಂಗಳೂರು, ಜೂನ್ 10: ಸತತ ನಾಲ್ಕನೇ ದಿನವೂ ಪೆಟ್ರೋಲ್ ಮತ್ತು ಡಿಸೇಲ್ ಬೆಲೆ ಏರಿಕೆಯಾಗಿದೆ. ಪೆಟ್ರೋಲ್ ಮತ್ತು ಡಿಸೇಲ್ ಬೆಲೆ ಸತತವಾಗಿ ಏರಿಕೆಯಾಗಿರುವುದನ್ನು ಕಾಂಗ್ರೆಸ್ ನಾಯಕ ಸಿದ್ದರಾಮಯ್ಯ ಖಂಡಿಸಿದ್ದಾರೆ.

''ಸತತ ನಾಲ್ಕು ದಿನದಲ್ಲಿ ಪೆಟ್ರೋಲ್ ಮತ್ತು ಡಿಸೇಲ್ ಬೆಲೆಯಲ್ಲಿ 2 ರೂಪಾಯಿ ಹೆಚ್ಚಿಸಲಾಗಿದೆ. ಕಚ್ಚಾ ತೈಲ ದರ ಏರಿಕೆಯಾಗುತ್ತಿದ್ದಂತೆ ಸಾಮಾನ್ಯರ ಮೇಲೆ ಹೊರೆ ಹಾಕುವುದನ್ನು ಮೋದಿ ಬಹಳ ವೇಗವಾಗಿ ಮಾಡ್ತಾರೆ. ಅದೇ ಕಚ್ಚಾ ತೈಲಾ ಬದರ ಇಳಿಕೆಯಾದಾಗ ಬೆಲೆ ಇಳಿಸುವುದಕ್ಕೆ ಹಠ ಮಾಡ್ತಾರೆ.

ಇಂಧನ ಬೆಲೆ ಹೆಚ್ಚುತ್ತಿರುವಾಗ ಬೇಡಿಕೆ ಸುಧಾರಿಸುತ್ತದೆ ಎಂದು ನಾವು ಹೇಗೆ ನಿರೀಕ್ಷಿಸಲು ಸಾಧ್ಯ?'' ಎಂದು ಪ್ರಶ್ನಿಸಿದ್ದಾರೆ.

Petrol & Diesel prices are increased by approx ₹ 2 in 4 days!!@PMOIndia is very fast in burdening the common man when Crude price goes up but becomes numb to provide relief when Crude price goes down.

How can we expect demand to improve when fuel price keeps increasing?

— Siddaramaiah (@siddaramaiah) June 10, 2020

ಬುಧವಾರ ಪೆಟ್ರೋಲ್ ಬೆಲೆಯಲ್ಲಿ 40 ಪೈಸೆ ಹಚ್ಚಳವಾಗಿದೆ. ಡಿಸೇಲ್ ಬೆಲೆಯಲ್ಲಿ 45 ಪೈಸೆ ಹೆಚ್ಚಳವಾಗಿದೆ.

ಸುದೀರ್ಘ ಲಾಕ್‌ಡೌನ್‌ ಇದ್ದ ಕಾರಣ ಸುಮಾರು 83 ದಿನಗಳ ಬಳಿಕ ಜೂನ್ 7 ರಂದು ಮೊದಲ ಸಲ ಪೆಟ್ರೋಲ್ ಮತ್ತು ಡಿಸೇಲ್ ಬೆಲೆ ಏರಿಕೆ ಮಾಡಲಾಯಿತು. ನಂತರ ಜೂನ್ 8, ಜೂನ್ 9 ಹಾಗೂ ಜೂನ್ 10 ಸಹ ಬೆಲೆ ಏರಿಕೆ ಮಾಡಲಾಗಿದೆ.

ಬೆಂಗಳೂರಿನಲ್ಲಿ ಪೆಟ್ರೋಲ್ ಬೆಲೆ ಪ್ರತಿ ಲೀಟರ್‌ಗೆ 75.77 ರೂಪಾಯಿ ಹಾಗೂ ಡಿಸೇಲ್ ಬೆಲೆ 68.09 ರೂಪಾಯಿ ನಿಗದಿಯಾಗಿದೆ.

English summary

Congress leader siddaramaiah condemns petrol and diesel Increase.