112 ಕೋಟಿ ರೂಪಾಯಿ ಬರ ಪರಿಹಾರ ಘೋಷಿಸಿದ ರಾಜ್ಯ ಸರ್ಕಾರ

ಬೆಂಗಳೂರು, ಜನವರಿ.27: ಕರ್ನಾಟಕದ 14 ಜಿಲ್ಲೆಗಳನ್ನು ಬರಪೀಡಿತ ಎಂದು ರಾಜ್ಯ ಸರ್ಕಾರ ಘೋಷಿಸಿದೆ. ಬರ ನಿರ್ವಹಣೆಗೆ ಬರೋಬ್ಬರಿ 112 ಕೋಟಿ ರುಪಾಯಿ ಅನುದಾನವನ್ನು ಬಿಡುಗಡೆ ಮಾಡುವುದಾಗಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಘೋಷಣೆ ಮಾಡಿದ್ದಾರೆ.

ರಾಜ್ಯದ 14 ಜಿಲ್ಲೆಗಳ 49 ತಾಲೂಕುಗಳನ್ನು ಬರಪೀಡಿತ ಎಂದು ಗುರುತಿಸಲಾಗಿದೆ. ಈ ತಾಲೂಕುಗಳಲ್ಲಿ ಬರ ನಿರ್ವಹಣೆಗೆ ಜಿಲ್ಲಾವಾರು ಅನುದಾನವನ್ನು ಸರ್ಕಾರವು ಘೋಷಣೆ ಮಾಡಿದೆ. ರಾಜ್ಯ ವಿಪತ್ತು ನಿರ್ವಹಣಾ ನಿಧಿಯಡಿ ಅನುದಾನವನ್ನು ಬಿಡುಗಡೆ ಮಾಡಲಾಗಿದೆ.

ಬೇಸಿಗೆ ಕಾಲದಲ್ಲಿ ಬರದ ತೀವ್ರತೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆಗಳಿವೆ. ಈ ಹಿನ್ನೆಲೆಯಲ್ಲಿ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳಲು ಸರ್ಕಾರವು ಸೂಚನೆ ನೀಡಿದೆ. ಇನ್ನು, ರಾಜ್ಯ ಸರ್ಕಾರವು ಬಿಡುಗಡೆಗೊಳಿಸಿರುವ ಬರ ನಿರ್ವಹಣೆಯ ಹಣವು ಆಯಾ ಜಿಲ್ಲೆಗಳ ಜಿಲ್ಲಾಧಿಕಾರಿಗಳ ಪಿಡಿ ಖಾತೆಗೆ ಜಮೆ ಆಗಲಿದೆ. ಪ್ರಕೃತಿ ವಿಕೋಪ ಪರಿಹಾರ ಕಾರ್ಯಗಳಿಗೆ ಈ ಅನುದಾನವನ್ನು ಬಳಕೆ ಮಾಡಿಕೊಳ್ಳಲು ಸೂಚಿಸಲಾಗಿದೆ. ಹಾಗಿದ್ದಲ್ಲಿ ಯಾವ ಯಾವ ಜಿಲ್ಲೆಗೆ ಸರ್ಕಾರದಿಂದ ಅದೆಷ್ಟು ಪರಿಹಾರ ಘೋಷಣೆ ಆಗಿದೆ ಎಂಬುದರ ಪಟ್ಟಿ ಇಲ್ಲಿದೆ ನೋಡಿ.

ಬರಪೀಡಿತ ಜಿಲ್ಲೆ ಹಾಗೂ ಸರ್ಕಾರ ಘೋಷಿಸಿದ ಪರಿಹಾರ:

ಬರಪೀಡಿತ ಜಿಲ್ಲೆ	ಪರಿಹಾರ ಧನ
ಬಳ್ಳಾರಿ	15 ಕೋಟಿ ರುಪಾಯಿ
ದಾವಣಗೆರೆ	14 ಕೋಟಿ ರುಪಾಯಿ
ಚಿತ್ರದುರ್ಗ	13 ಕೋಟಿ ರುಪಾಯಿ
ಬೆಂಗಳೂರು ಗ್ರಾಮಾಂತರ	10 ಕೋಟಿ ರುಪಾಯಿ
ಚಿಕ್ಕಬಳ್ಳಾಪುರ	10 ಕೋಟಿ ರುಪಾಯಿ
ಕೋಲಾರ	10 ಕೋಟಿ ರುಪಾಯಿ
ಬೀದರ್	5 ಕೋಟಿ ರುಪಾಯಿ
ಚಾಮರಾಜನಗರ	5 ಕೋಟಿ ರುಪಾಯಿ
ಕೊಪ್ಪಳ	5 ಕೋಟಿ ರುಪಾಯಿ
ರಾಮನಗರ	5 ಕೋಟಿ ರುಪಾಯಿ
ವಿಜಯಪುರ	5 ಕೋಟಿ ರುಪಾಯಿ
ತುಮಕೂರು	5 ಕೋಟಿ ರುಪಾಯಿ
ರಾಯಚೂರು	5 ಕೋಟಿ ರುಪಾಯಿ
ಯಾದಗಿರಿ	5 ಕೋಟಿ ರುಪಾಯಿ

English summary

Karnataka Government Released 112 Crore Rupees Drought Relief Fund For 14 District.