ಮಾನವ ಕಳ್ಳಸಾಗಣೆ: ಜರ್ಮಿನಿಗೆ ತೆರಳುವ ನರ್ಸ್‌ಗಳ ಕೈಲಿದ್ದಿದ್ದು ಅಮೆರಿಕ ವೀಸಾ

ಬೆಂಗಳೂರು, ನವೆಂಬರ್ 30: ಆರ್ಮೇನಿಯಾಕ್ಕೆ ಮಾನವ ಕಳ್ಳಾಸಾಗಣೆ ಮೂಲಕ ರವಾನೆಯಾಗುತ್ತಿದ್ದ 32 ನರ್ಸ್‌ಗಳನ್ನು ಪೊಲೀಸರು ರಕ್ಷಣೆ ಮಾಡಿದ್ದರು ಅವರೆಲ್ಲರೂ ಸುರಕ್ಷಿತವಾಗಿ ತಮ್ಮ ಮನೆಗಳಿಗೆ ತೆರಳಿದ್ದಾರೆ.

ಆರೋಪಿ ಟೋನಿ ಟಾಮ್ ಎಂಬಾತನನ್ನು ಜುಡಿಶಿಯಲ್ ಕಸ್ಟಡಿಗೆ ಒಪ್ಪಿಸಲಾಗಿದೆ. ನರ್ಸ್‌ಗಳೆಲ್ಲರೂ ಕೇರಳ ಮೂಲದವರೆಂದು ತಿಳಿದುಬಂದಿದೆ. ಅಧಿಕಾರಿಗಳು ಪ್ರಶ್ನಿಸಿದಾಗ ಜರ್ಮನ್ ಕಲಿಕೆಯ ಅಲ್ಪಾವಧಿ ಕೋರ್ಸ್‌ಗಾಗಿ ಅವರನ್ನು ಕರೆದೊಯ್ಯುತ್ತಿದ್ದೇನೆ, ಈ ಕುರಿತು ನರ್ಸ್‌ಗಳಿಂದ ಹೇಳಿಕೆಯನ್ನು ದಾಖಲಿಸಿಕೊಂಡು ಗುರುವಾರ ಸಂಜೆ ಅವರನ್ನು ಮನೆಗಳಿಗೆ ಕಳುಹಿಸಕೊಡಲಾಗಿದೆ.

ಜರ್ಮನಿಯಲ್ಲಿ ಕಲಿಕೆಗೆ ತೆರಳುತ್ತಿದ್ದಾರೆ ಎಂದು ಟಾಮಿ ಹೇಳಿದ್ದಾರೆ ಆದರೆ ನರ್ಸ್‌ಗಳ ಕೈಯಲ್ಲಿದ್ದಿದ್ದು ಅಮೆರಿಕ ವೀಸಾ ಎಂದು ಪೊಲೀಸರು ತಿಳಿಸಿದ್ದಾರೆ. ಘಟನೆ ವಿವರ: ಟಾಮ್ 32 ನರ್ಸ್‌ಗಳೊಂದಿಗೆ ರಾತ್ರಿ ವಿಮಾನ ನಿಲ್ದಾಣಕ್ಕೆ ಬಂದಿದ್ದ, ಮಂಗಳವಾರ ಮುಂಜಾನೆ 4 ಗಂಟೆಗೆ ಆರ್ಮೇನಿಯಾ ತೆರಳುವ ವಿಮಾನದಲ್ಲಿ ಕೊರೆದೊಯ್ಯಲು ಯೋಜನೆ ರೂಪಿಸಿದ್ದ ವಿಶ್ವವಿದ್ಯಾಲಯದಲ್ಲಿ ಆ ಕೋರ್ಸ್ ಇರುವ ಬಗ್ಗೆ ಇಮಿಗ್ರೇಶನ್ ಅಧಿಕಾರಿಗಳಿಗೆ ಸಂದೇಹ ಉಂಟಾಗಿ ತಕ್ಷಣ ಬಿಐಎಎಲ್ ಪೊಲೀಸರಿಗೆ ಮಾಹಿತಿ ನೀಡಿ ಬಳಿಕ ಆತನನ್ನು ವಶಕ್ಕೆ ಪಡೆದಿದ್ದಾರೆ.

ಮಂಗಳೂರಿನಲ್ಲಿ ನರ್ಸಿಂಗ್ ಪದವಿ ಅಧ್ಯಯನ ಮಾಡಿದ ಕೇರಳ ಮೂಲದ 32 ನರ್ಸ್ ಗಳನ್ನು ರಕ್ಷಿಸಲಾಗಿದೆ. ಯುನಿವರ್ಸಿಟಿ ಆಫ್ ಟ್ರಡಿಶನಲ್ ಆಫ್ ಆರ್ಮೇನಿಯಾದಲ್ಲಿ ಜರ್ಮನ್ ಕಲಿಕೆಯ ಅಲ್ಪಾವಧಿ ಕೋರ್ಸ್‌ಗೆ ಕರೆದೊಯ್ಯುವ ನೆಪದಲ್ಲಿ ಇವರ ಮಾರಾಟಕ್ಕೆ ಜಾಲ ಹೆಣೆಯಲಾಗಿತ್ತು.

English summary

Tony Tom, 36, who was caught by immigration officials at Kempegowda International Airport in an alleged human trafficking case, was remanded in judicial custody on Thursday. All the 32 women nursing graduates, being taken to Armenia before they were rescued, were sent back to their homes.