Exclusive:ಕೊರೊನಾ ಸೋಂಕಿತನ ಫ್ಲಾಟ್ ಮೇಟ್ ಇಮೇಲ್ ಲೀಕ್
ಬೆಂಗಳೂರು, ಮಾರ್ಚ್ 3: ಬೆಂಗಳೂರಿನ ಸಾಫ್ಟ್ ವೇರ್ ಸಂಸ್ಥೆಯೊಂದರಲ್ಲಿ ಉದ್ಯೋಗಿಯಾಗಿರುವ ತೆಲಂಗಾಣ ಮೂಲಕದ ಟೆಕ್ಕಿಗೆ ಕೊರೊನಾ ವೈರಸ್ ಸೋಂಕು ತಗುಲಿರುವುದು ಖಚಿತವಾಗಿದೆ. ಸದ್ಯ ಹೈದರಾಬಾದಿನಲ್ಲಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಆದರೆ, ಸೋಂಕು ತಗುಲಿರುವ ಟೆಕ್ಕಿ ಸಂಪರ್ಕಕ್ಕೆ ಬಂದಿರುವವರು ಯಾರು? ಆತ ಯಾವ ಕಂಪನಿಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ? ಆತನ ವಿಳಾಸವೇನು ಎಂಬುದರ ಬಗ್ಗೆ ಕುತೂಹಲ, ಆತಂಕದಿಂದ ಎಲ್ಲರೂ ಪ್ರಶ್ನಿಸುವಾಗ ಆತನ ಫ್ಲಾಟ್ ಮೇಟ್ ತನ್ನ ಸಂಸ್ಥೆಗೆ ಬರೆದಿರುವ ಪತ್ರ ಈಗ ಆತಂಕ ಮೂಡಿಸಿದೆ.
ಕೊರೊನಾ ವೈರಸ್ ಸೋಂಕು ತಗುಲಿರುವ ಟೆಕ್ಕಿಯ ಗುರುತು ಮತ್ತು ಆತ ಕಾರ್ಯ ನಿರ್ವಹಿಸುತ್ತಿರುವ ಐಟಿ ಪಾರ್ಕ್ ಹಾಗೂ ಬೆಂಗಳೂರಿನ ಕಂಪನಿಯ ಹೆಸರನ್ನು ಬಹಿರಂಗ ಪಡಿಸಿಲ್ಲ. ಸಾರ್ವಜನಿಕ ಹಿತದೃಷ್ಟಿಯಿಂದ ಟೆಕ್ಕಿ ವಿವರ ಹಾಗೂ ಕಂಪನಿಯ ಹೆಸರನ್ನು ಗೌಪ್ಯವಾಗಿಡಲಾಗಿದೆ ಆರೋಗ್ಯ ಇಲಾಖೆ ಹೇಳಿದೆ.
ಫೆಬ್ರವರಿ 17 ರಂದು ಕೆಲಸದ ನಿಮಿತ್ತ ದುಬೈಗೆ ತೆರಳಿದ್ದ ಟೆಕ್ಕಿಗೆ ಅಲ್ಲಿಗೆ ಬಂದಿದ್ದ ಹಾಂಗ್ ಕಾಂಗ್ ಮೂಲದ ವ್ಯಕ್ತಿಗಳ ಮೂಲಕ ಕೊರೊನಾ ವೈರಾಣು ಸೋಂಕು ತಗುಲಿರಬಹುದು ಎಂದು ಶಂಕಿಸಲಾಗಿದೆ. ದುಬೈನಿಂದ ಬೆಂಗಳೂರಿಗೆ ಬಂದಿದ್ದ ಟೆಕ್ಕಿಗೆ ತೀವ್ರಜ್ವರ ಕಾಣಿಸಿಕೊಂಡಿದೆ. ಬಳಿಕ ಕೆಎಸ್ಸಾರ್ಟಿಸಿ ಬಸ್ ಮೂಲಕ ಹೈದರಾಬಾದಿಗೆ ತೆರಳಿದ್ದಾನೆ. ಆದರೆ, ಜ್ವರ ಕಡಿಮೆ ಆಗದ ಕಾರಣ ಅಲ್ಲಿನ ಆಸ್ಪತ್ರೆಗೆ ದಾಖಲಾದಾಗ, ಕೊರೊನಾ ಸೋಂಕು ತಗುಲಿರುವುದು ಖಚಿತವಾಗಿದೆ.
ಇದಕ್ಕೆ ಪೂರಕವಾಗಿ ಕೋವಿಡ್ ದಾಳಿಗೆ ತುತ್ತಾಗಿರುವ ಟೆಕ್ಕಿ ಜೊತೆ ಬೆಂಗಳೂರಿನಲ್ಲಿ ಒಂದೇ ಫ್ಲಾಟಿನಲ್ಲಿ ವಾಸವಾಗಿದ್ದ ಸಾಫ್ಟ್ ವೇರ್ ಇಂಜಿನಿಯರ್ ತನ್ನ ಸಂಸ್ಥೆಗೆ ಇಮೇಲ್ ಕಳಿಸಿರುವುದು ಇಲ್ಲಿದೆ.
"ಇತ್ತೀಚಿನ ಸುದ್ದಿಯಂತೆ, ಕೊರೊನಾ ಸೋಂಕಿತ ತೆಲಂಗಾಣ ಟೆಕ್ಕಿ (ಬೆಂಗಳೂರಿನಲ್ಲಿ ಕಾರ್ಯನಿರ್ವಹಣೆ) ನನ್ನ ಫ್ಲಾಟ್ ಮೇಟ್, ಸುದ್ದಿ ತಿಳಿಯುತ್ತಿದ್ದಂತೆ, ನಾನು ಸೋಂಕು ತಗುಲಿದೆಯೇ ಎಂದು ಪರೀಕ್ಷೆಗೊಳಪಡಿಸಿಕೊಂಡಿದ್ದೇನೆ. ಆತ ಕೆಲಕಾಲ ನನ್ನ ಜೊತೆ ಇದ್ದ, ನಾನು ಈಗ ಸಿಕ್ ಲೀವ್ ಪಡೆದುಕೊಳ್ಳುತ್ತಿದ್ದೇನೆ. ನನ್ನ ವೈದ್ಯಕೀಯ ಪರೀಕ್ಷೆ ಫಲಿತಾಂಶ ಬರುವ ತನಕ ನಾನು WFH ಪಡೆಯಲು ಇಚ್ಛಿಸಿದ್ದೇನೆ, ನನ್ನ ಜೊತೆಗಾರ ಉದ್ಯೋಗಿಗಳು, ಸಿಬ್ಬಂದಿಗಳ ಆರೋಗ್ಯದ ಬಗ್ಗೆ ತುರ್ತಾಗಿ ಕಾಳಜಿ ವಹಿಸಬೇಕಾಗಿದೆ ಎಂದು ಮನೀಶ್(ಹೆಸರು ಬದಲಾಯಿಸಲಾಗಿದೆ) ತಾವು ಕಾರ್ಯ ನಿರ್ವಹಿಸುತ್ತಿರುವ ಬಹುರಾಷ್ಟ್ರೀಯ ಕಂಪನಿಗೆ ಇಮೇಲ್ ಕಳಿಸಿದ್ದಾರೆ. ಈ ಮೂಲಕ ಸೋಂಕು ಹೆಚ್ಚು ಹರಡದಂತೆ ಆತ ಕಾಳಜಿ ವಹಿಸಿರುವುದು, ಒಂದು ವೇಳೆ ಸೋಂಕು ತಗುಲಿದ್ದರೆ, ಇಡೀ ಐಟಿ ಪಾರ್ಕ್ ಆತಂಕ ಎದುರಿಸಬೇಕಾದ ಪರಿಸ್ಥಿತಿಯಿದೆ ಎಂಬುದನ್ನು ಒಂದು ಇಮೇಲ್ ನಲ್ಲಿ ತೋರಿಸಿದ್ದಾರೆ.
Click it and Unblock the Notifications
Sign in with Google