ನೀವು ಮನೆ ಬಾಡಿಗೆ ಕಟ್ಟಿದರೂ, ಮನೆಗೆ ಯಾರು, ಯಾವಾಗ ಬರಬೇಕು ಎಂದು ನಿರ್ಧರಿಸುವುದು ಸೊಸೈಟಿ!
ಬೆಂಗಳೂರು, ಮಾರ್ಚ್. 28: ಸೊಸೈಟಿಗಳು ಮತ್ತು ರೆಸಿಡೆಂಟ್ ವೆಲ್ಫೇರ್ ಅಸೋಸಿಯೇಷನ್ (RWA) ನಿವಾಸಿಗಳಿಗೆ ಬಾಡಿಗೆದಾರರಿಗೆ ಶಿಸ್ತು ಮತ್ತು ಸೌಕರ್ಯವನ್ನು ಕಾಪಾಡಿಕೊಳ್ಳಲು ಮಾರ್ಗಸೂಚಿಗಳು ಮತ್ತು ನಿಬಂಧನೆಗಳನ್ನು ನೀಡುವುದು ಸಾಮಾನ್ಯ ಅಭ್ಯಾಸವಾಗಿದೆ. ಆದರೆ, ಸಿಲಿಕಾನ್ ಸಿಟಿಯ ಈ ಅಪಾರ್ಟ್ಮೆಂಟ್ನವರು ನೀಡಿರುವ ಮಾರ್ಗಸೂಚಿ ನೋಡಿ ಬ್ಯಾಚುಲರ್ಸ್ಗಳು ತಬ್ಬಿಬಾಗಿದ್ದಾರೆ.
ಹೆಚ್ಚು ಮುಂದುವರೆದಿರುವ ವಿಶ್ವದ ನಗರಗಳ ಪಟ್ಟಿಯಲ್ಲಿ ಇರುವ ಬೆಂಗಳೂರಿನ ಕುಂದಲಹಳ್ಳಿ ಗೇಟ್ನಲ್ಲಿರುವ ಸೊಸೈಟಿಯೊಂದು ಹುಬ್ಬೇರಿಸುವ ಮಾರ್ಗಸೂಚಿಗಳನ್ನು ಹೊರಡಿಸಿದೆ. ಬ್ಯಾಚುಲರ್ಗಳು ಮತ್ತು ಅವಿವಾಹಿತ ಮಹಿಳೆಯರು ತಾವು ಬಾಡಿಗೆ ಪಡೆದಿರುವ ಫ್ಲ್ಯಾಟ್ಗಳಿಗೆ ರಾತ್ರಿ 10 ಗಂಟೆಯ ನಂತರ ಅತಿಥಿಗಳನ್ನು ಕರೆಯುವಂತಿಲ್ಲ. ಇಮೇಲ್ ಮೂಲಕ ಮಾಲೀಕರಿಂದ ಪೂರ್ವಾನುಮತಿ ಪಡೆಯದೇ ಮನೆಯಲ್ಲಿ ಯಾರನ್ನು ಇರಿಸಿಕೊಳ್ಳುವಂತಿಲ್ಲ.
ಈ ಬಗ್ಗೆ ಬಳಕೆದಾರೊಬ್ಬರು ರೆಡ್ಡಿಟ್ನಲ್ಲಿ ಹೊಸ ಮಾರ್ಗಸೂಚಿಗಳನ್ನು ಪೋಸ್ಟ್ ಮಾಡಿ ' ಬೆಂಗಳೂರು ಬ್ಯಾಚುಲರ್ಗಳಿಗೆ ಅಲ್ಲ' ಎಂದು ಬೇಸರ ಹೊರಹಾಕಿದ್ದಾರೆ. ಇದರಲ್ಲಿ 1000 ರೂಪಾಯಿ ದಂಡ ಅಥವಾ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಫ್ಯ್ಲಾಟ್ ಖಾಲಿ ಮಾಡಿಸುವಿಕೆ ಕೂಡ ಸೇರಿದೆ. ನಿಬಂಧನೆಗಳಲ್ಲಿ "ರಾತ್ರಿ 10 ಗಂಟೆಯ ನಂತರ ಜೋರಾಗಿ ಸಂಗೀತ ಹಾಕುವಂತಿಲ್ಲ ಮತ್ತು ರಾತ್ರಿ ಪಾರ್ಟಿಗಳಿಗೆ ಅವಕಾಶವಿಲ್ಲ" ಎಂಬ ನಿಯಮಗಳನ್ನು ವಿಧಿಸಿಲಾಗಿದೆ.
ನಿಯಮಗಳನ್ನು ಪಾಲಿಸದೇ ಉಲ್ಲಂಘಿಸುವವರಿಗೆ 1,000 ರೂಪಾಯಿಗಳ ದಂಡ ಅಥವಾ ಮನೆಯಿಂದ ಹೊರಹಾಕಲಾಗುವುದು. ರಾತ್ರಿ 10 ಗಂಟೆಯ ನಂತರ ಜೋರಾಗಿ ಸಂಗೀತ ಹಾಕುವಂತ್ತಿಲ್ಲ. ತಡರಾತ್ರಿವರೆಗೂ ಪಾರ್ಟಿಗಳನ್ನು ಮಾಡಬಾರದು . ರಾತ್ರಿ 10 ಗಂಟೆಯ ನಂತರ ಫೋನ್ ಕರೆಗಳಿಗೆ ಕಾರಿಡಾರ್ ಮತ್ತು ಬಾಲ್ಕನಿಗಳನ್ನು ಬಳಸಬಾರದು ಎಂದು ಕೆಲ ಸಾಮಾನ್ಯ ನಿಯಮಗಳನ್ನು ಸೊಸೈಟಿ ಉಲ್ಲೇಖಿಸಿದೆ
ಮಾರತಹಳ್ಳಿಯ ಈ ಸೊಸೈಟಿಯಲ್ಲಿ, ಅತಿಥಿಗಳು ವಾಪಸ್ ಹೋಗಿದ್ದಾರೆಯೇ ಎಂದು ಖಚಿತಪಡಿಸಿಕೊಳ್ಳಲು ಗಾರ್ಡ್ಗಳು ಬ್ಯಾಚುಲರ್ಗಳ ಫ್ಲಾಟ್ಗಳನ್ನು ಮೇಲ್ವಿಚಾರಣೆ ಮಾಡುತ್ತಾರೆ .ಯಾವುದೇ ಪುರುಷರು ಮಹಿಳೆಯರ ಫ್ಲಾಟ್ಗಳಿಗೆ ಪ್ರವೇಶಿಸುವಂತಿಲ್ಲ ಎಂದು ಬಳಕೆದಾರರು ಪ್ರತಿಕ್ರಿಯಿಸಿದ್ದಾರೆ. ಈ ಮಾರ್ಗಸೂಚಿಗಳು ಇಂಟರ್ನೆಟ್ನಲ್ಲಿ ಭಾರೀ ಆಕ್ರೋಶಕ್ಕೆ ಕಾರಣವಾಗಿವೆ.
ಅನೇಕ ನೆಟ್ಟಿಗರು ಇದಕ್ಕೆ ಪ್ರತಿಕ್ರಿಯಿಸಿದ್ದು, ನಿಯಮಗಳು ಹಾಸ್ಟೆಲ್ಗಳಿಗಿಂತ ಕೆಟ್ಟದಾಗಿದೆ ಮತ್ತು ಸೊಸೈಟಿಯ ನಿಯಮಗಳು ಹೆಚ್ಚು ಹಾಸ್ಯಾಸ್ಪದವಾಗುತ್ತಿವೆ ಎಂದು ಹೇಳಿದ್ದಾರೆ. ಇನ್ನೊಬ್ಬ ಬಳಕೆದಾರರು ರಾತ್ರಿ 10 ಗಂಟೆಯ ನಂತರ ಬಾಲ್ಕನಿಗಳಲ್ಲಿ ಫೋನ್ ಕರೆಗಳನ್ನು ಮಾಡದಿರುವಂತಹ ಸಾಮಾನ್ಯ ನಿಯಮಗಳನ್ನು ಬೆಂಬಲಿಸಿ, ಇತರ ಆನಿರ್ದಿಷ್ಟ ಮಾರ್ಗಸೂಚಿಗಳನ್ನು ಟೀಕಿಸಿದ್ದಾರೆ.
ಕೆಲವು ಬಳಕೆದಾರರು ಸೊಸೈಟಿಗಳಿಗಿಂತ ಸ್ವತಂತ್ರ ಮನೆಗಳಿಗೆ ತಮ್ಮ ಆದ್ಯತೆ ಎಂದು ಹೇಳಿದ್ದಾರೆ. ಇತರರು ಪರಿಸ್ಥಿತಿಯು ಭೀಕರವಾಗಿದೆ ಎಂದು ಸೂಚಿಸಿದ್ದಾರೆ. ಒಬ್ಬ ವ್ಯಕ್ತಿಯು ಬಾಡಿಗೆದಾರರು ತಮ್ಮದೇ ಆದ ನಿಯಮಗಳ ಪ್ರಕಾರ ಬದುಕಬೇಕು. ಆದರೆ, ಜೊತೆಗೆ ಪಾರ್ಟಿಗಳನ್ನು ತಪ್ಪಿಸಬಹುದು ಎಂದು ವಾದಿಸಿದ್ದಾರೆ.
ಅದಕ್ಕಾಗಿಯೇ ನಾನು ಸೊಸೈಟಿಗಳಲ್ಲಿ ಉಳಿಯಲು ದ್ವೇಷಿಸುತ್ತೇನೆ. ಕೇವಲ 3 ರಿಂದ 5 ಅಂತಸ್ತಿನ ಕಟ್ಟಡಗಳು ಅತ್ಯುತ್ತಮವಾಗಿವೆ. ಈ ಸೊಸೈಟಿಗಳಲ್ಲಿ ತುಂಬಿದ ಬಾಡಿಗೆಗೆ ಹೋಲಿಸಿದರೆ ಇಲ್ಲಿ ಬಾಡಿಗೆಯೂ ಕಡಿಮೆ ಎಂದು ಇನ್ನೊಬ್ಬ ಬಳಕೆದಾರರು ಹೇಳಿದ್ದಾರೆ.
ಭಾರತದಲ್ಲಿ ಬಾಡಿಗೆದಾರರನ್ನು ಶೋಷಣೆಯಿಂದ ರಕ್ಷಿಸಲು ಮತ್ತು ಅವರ ಮಾಲೀಕರಿಂದ ನ್ಯಾಯಯುತವಾಗಿ ಪರಿಗಣಿಸಲು ಅವರಿಗಾಗಿ ಬಾಡಿಗೆದಾರರ ಹಕ್ಕುಗಳನ್ನು ರಚಿಸಲಾಗಿದೆ. ಈ ಹಕ್ಕುಗಳು ಭೂಮಾಲೀಕರಿಂದ ಹಸ್ತಕ್ಷೇಪವಿಲ್ಲದೆ ತಮ್ಮ ಮನೆಯನ್ನು ಆನಂದಿಸುವ ಹಕ್ಕನ್ನು, ಕೆಲವು ಕನಿಷ್ಠ ವಸತಿ ಸೌಕರ್ಯಗಳ ಹಕ್ಕು ಮತ್ತು ಮಾಲೀಕರು ಅಥವಾ ಅವರ ಏಜೆಂಟ್ ಅನ್ನು ಯಾವುದೇ ಸಮಯದಲ್ಲಿ ಸಂಪರ್ಕಿಸುವ ಹಕ್ಕನ್ನು ಹೊಂದಿದ್ದಾರೆ.
Click it and Unblock the Notifications
Sign in with Google