ಅಪರೂಪದ ಪ್ರಾಣಿಯನ್ನು ವಶ ಪಡಿಸಿಕೊಂಡ ಬೆಂ.ಉತ್ತರ ಪೊಲೀಸರು
ಬೆಂಗಳೂರು, ಆ 14: ಭಾತ್ಮೀದಾರರು ನೀಡಿದ ಖಚಿತ ಮಾಹಿತಿಯ ಜಾಡು ಹಿಡಿದು ಹೋದ ಬೆಂಗಳೂರು ಉತ್ತರ ಪೊಲೀಸರು ಅಪರೂಪದ ಪ್ರಾಣಿಯನ್ನು ವಶಪಡಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.
ಮಂಗಳವಾರ (ಆ 13) ಮಹಾಲಕ್ಷ್ಮೀ ಲೇಔಟ್ ಪೊಲೀಸ್ ಠಾಣಾ ಸರಹದ್ದಿನ ಕಮಲಮ್ಮನ ಗುಂಡಿ ಆಟದ ಮೈದಾನದ ಹತ್ತಿರ, ಪಂಗೋಲಿನ್ (ಚಿಪ್ಪು ಹಂದಿ) ಎಂಬ ಪ್ರಾಣಿ ಮತ್ತು ಅದರ ಚಿಪ್ಪುಗಳನ್ನು ಮಾರಾಟ ಮಾಡಲು ಆರೋಪಿಗಳು ಬಂದಿದ್ದರು.
ಸಿಕ್ಕ ಮಾಹಿತಿ ಮೇರೆಗೆ ಮಹಾಲಕ್ಷ್ಮೀ ಲೇಔಟ್ ಪೊಲೀಸರು ದಾಳಿ ಮಾಡಿ ಆರೋಪಿಗಳಾದ, ಬನ್ನೇರುಘಟ್ಟ ರಸ್ತೆಯ ಮುನಿವೆಂಕಟಪ್ಪ( 45) ಮತ್ತು ಗೌತಮ್ (31) ಎನ್ನುವಾತನನ್ನು ಬಂಧಿಸಿ, ಅವರುಗಳ ವಶದಿಂದ ಪಂಗೋಲಿನ್ ಮತ್ತು ಅದರ ಚಿಪ್ಪುಗಳನ್ನು ವಶಪಡಿಸಿಕೊಂಡಿದ್ದಾರೆ.
ಈ ದಾಳಿ ಕಾರ್ಯವನ್ನು ಮಲ್ಲೇಶ್ವರಂ ಉಪ ವಿಭಾಗದ ಎಸಿಪಿ, ಧನಂಜಯರವರ ಮಾರ್ಗದರ್ಶನದಲ್ಲಿ ಮಹಾಲಕ್ಷ್ಮೀ ಲೇಔಟ್ ಪೊಲೀಸ್ ಠಾಣೆಯ ಪ್ರಶಾಂತ್ ನೇತೃತ್ವದಲ್ಲಿ, ವೆಂಕಟರಮಣಪ್ಪ ಹಾಗೂ ಸಿಬ್ಬಂದಿಗಳು ನಡೆಸಿದ್ದಾರೆ.
ಪಂಗೋಲಿನ್ ಒಂದು ಸಸ್ತನಿಯಾಗಿದ್ದು (mammals) ಸಾಮಾನ್ಯವಾಗಿ ಮರದ ಪೊತರೆಗಳಲ್ಲಿ ಮತ್ತು ಮಣ್ಣಿನಲ್ಲಿ ಜೀವಿಸುತ್ತವೆ. ಇದು ಸುಮಾರು ಮೂವತ್ತರಿಂದ ನೂರು ಸೆ.ಮೀನಷ್ಟು ಗಾತ್ರವನ್ನು ಹೊಂದಿರುತ್ತದೆ.
Click it and Unblock the Notifications
Sign in with Google