ಬೆಂಗಳೂರಿನಲ್ಲಿ ಮತ್ತೆ ಮೂರು ವಾರ್ಡ್ ಕಂಟೈನ್ಮೆಂಟ್ ಜೋನ್
ಬೆಂಗಳೂರು, ಮೇ 6: ಬೆಂಗಳೂರಿನಲ್ಲಿ ಹೊಸ ಕೊರೊನಾ ಸೋಂಕಿತರ ಸಂಖ್ಯೆ ಸ್ವಲ್ಪ ಕಡಿಮೆಯಾಗುತ್ತಿದ್ದಂತೆ ನಿಧಾನವಾಗಿ ವಾಣಿಜ್ಯ ಚಟುವಟಿಕೆಗಳು ಆರಂಭವಾಗುತ್ತಿದೆ. ಸಾರ್ವಜನಿಕರು ಹಳೆಯ ಬೆಂಗಳೂರು ಎಂಬ ಭಾವನೆಗೆ ಮರಳುತ್ತಿದ್ದಾರೆ.
Recommended Video
ಮತ್ತೊಂದೆಡೆ ಬೆಂಗಳೂರಿನಲ್ಲಿ ಕೊರೊನಾ ವೈರಸ್ ಕಂಟೈನ್ಮೆಂಟ್ ಜೋನ್ಗಳ ಸಂಖ್ಯೆ ಮತ್ತೆ ಏರಿಕೆಯಾಗಿದೆ. ನಗರದಲ್ಲಿ ಹೊಸ ಸೋಂಕಿತರು ಪತ್ತೆಯಾದ ಮೂರು ವಾರ್ಡ್ಗಳನ್ನು ರೆಡ್ಜೋನ್ ಪ್ರದೇಶ ಎಂದು ನಿರ್ಧರಿಸಿ ಸೀಲ್ಡೌನ್ ಮಾಡಲು ಮುಂದಾಗಿದ್ದಾರೆ.
ಹೊಸದಾಗಿ ಸೋಂಕಿತರು ವರದಿಯಾದ ಬಿಟಿಎಂ ಲೇಔಟ್ ವಾರ್ಡ್, ಬೇಗೂರು ಪಾರ್ಡ್ ಹಾಗೂ ಶಿವಾಜಿನಗರ ವಾರ್ಡ್ಗಳನ್ನು ಕಂಟೈನ್ಮೆಂಟ್ ಜೋನ್ ಎಂದು ತೀರ್ಮಾನಿಸಲಾಗಿದೆ. ಈ ಮೂಲಕ ಬೆಂಗಳೂರಿನಲ್ಲಿ ಒಟ್ಟು ಕಂಟೈನ್ಮೆಂಟ್ ಜೋನ್ ಸಂಖ್ಯೆ 24ಕ್ಕೆ ಏರಿಕೆಯಾಗಿದೆ. ಮುಂದೆ ಓದಿ.....
ಗರ್ಭಿಣಿಯಿಂದ ಬಿಟಿಎಂ ಸೀಲ್ಡೌನ್
ಬೆಂಗಳೂರಿನಲ್ಲಿ ದಿನದಿಂದ ದಿನಕ್ಕೆ ಕಂಟೈನ್ಮೆಂಟ್ ಜೋನ್ಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ಬಿಟಿಎಂ ಲೇಔಟ್ ವಾರ್ಡ್ನಲ್ಲಿ ತುಂಬು ಗರ್ಭಿಣಿಗೆ ಕೊರೊನಾ ಸೋಂಕು ಪತ್ತೆಯಾಗಿದ್ದು, ಜಯನಗರದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಶುಕ್ರವಾರ ಡಿಲವರಿಗೆ ವೈದ್ಯರು ಡೇಟ್ ನೀಡಿದ್ದು, ಹುಟ್ಟುವ ಮಗುವಿಗೆ ಸೋಂಕು ತಗುಲಿದ್ಯಾ ಎಂಬ ಅನುಮಾನ ಕಾಡುತ್ತಿದೆ. ಮುನ್ನೆಚ್ಚರಿಕೆ ಕ್ರಮವಾಗಿ ಗರ್ಭಿಣಿ ವಾಸವಿದ್ದು ಮನೆ ಸುತ್ತಮುತ್ತ ಪ್ರದೇಶ ಸೀಲ್ಡೌನ್ ಮಾಡಲಾಗಿದೆ.
ಪೇದೆಯಿಂದ ಬೇಗೂರು ಪಾರ್ಡ್ ಸೀಲ್
ಬೇಗೂರು ಪೊಲೀಸ್ ಠಾಣೆಯಲ್ಲಿ ಪೇದೆಯೊಬ್ಬರಿಗೆ ಕೊರೊನಾ ವೈರಸ್ ಸೋಂಕು ದೃಢಪಟ್ಟಿದ್ದು, ಇದೀಗ ಮುನ್ನೆಚ್ಚರಿಕೆ ಕ್ರಮವಾಗಿ ಬೇಗೂರು ವಾರ್ಡ್ ಕಂಟೈನ್ಮೆಂಟ್ ಜೋನ್ಗೆ ಸೇರ್ಪಡೆಯಾಗಿದ್ದು, ಪೇದೆ ಸಂಚರಿಸಿದ್ದ ಸುತ್ತಮುತ್ತ ಪ್ರದೇಶ ಸೀಲ್ಡೌನ್ ಮಾಡಲಾಗಿದೆ.
ಶಿವಾಜಿನಗರದಲ್ಲಿ ಹೌಸ್ ಕೀಪಿಂಗ್ ವ್ಯಕ್ತಿ
ಶಿವಾಜಿನಗರ ವಾರ್ಡ್ನಲ್ಲಿ ಹೌಸ್ ಕೀಪಿಂಗ್ ಕೆಲಸ ಮಾಡುತ್ತಿದ್ದ ವ್ಯಕ್ತಿಗೆ ಕೊರೊನಾ ಸೋಂಕು ತಗುಲಿದೆ. ಹಾಗಾಗಿ, ಶಿವಾಜಿನಗರ ವಾರ್ಡ್ನ್ನು ಕಂಟೈನ್ಮೆಂಟ್ ಜೋನ್ಗೆ ಸೇರಿಸಲಾಗಿದೆ. ಮುನ್ನೆಚ್ಚರಿಕೆ ಕ್ರಮವಾಗಿ ಆ ವ್ಯಕ್ತಿ ವಾಸವಿರುವ ಸುತ್ತ ಪ್ರದೇಶ ಸೀಲ್ಡೌನ್ ಮಾಡಲಾಗಿದೆ.
ಉಳಿದ ಕಂಟೈನ್ಮೆಂಟ್ ಜೋನ್ ಗಳ ಪಟ್ಟಿ
ವಾರ್ಡ್ ನಂಬರ್ 188 ಬಿಳೆಕಳ್ಳಿ, 189 ಹೊಂಗಸಂದ್ರ, 84 ಹಗಡೂರು, 18 ರಾಧಾಕೃಷ್ಣ ಟೆಂಪಲ್, 59 ಮಾರುತಿ ಸೇವಾನಗರ, 62 ರಾಮಸೇವಾ ಪಾಳ್ಯ, 78 ಪುಲಕೇಶಿನಗರ, 93 ವಸಂತ ನಗರ, 118 ಸುಧಾಮನಗರ, 124 ಹೊಸಹಳ್ಳಿ, 133 ಹಂಪಿನಗರ, 134 ಬಾಪೂಜಿ ನಗರ, 158 ದೀಪಾಂಜಲಿ ನಗರ, 166 ಕರೆಸಂದ್ರ, 169 ಬೈಯ್ಯಸಂದ್ರ, 135 ಪದ್ಮರಾಯನಪುರ, 136 ಜಗಜೀವನ್ರಾಮ್ ನಗರ, 138 ಚಲವಾದಿ ಪಾಳ್ಯ, 139 ಕೆಆರ್ ಮಾರ್ಕೆಟ್, 37 ಯಶವಂತಪುರ, 160 ರಾಜರಾಜೇಶ್ವರಿ ನಗರ ಕಂಟೈನ್ಮೆಂಟ್ ಝೋನ್ ಪಟ್ಟಿಯಲ್ಲಿದೆ.
Click it and Unblock the Notifications
Sign in with Google