ಉದ್ಧಟತನದ ಚಾಲಕರ ಕಿವಿ ಹಿಂಡಲು ಮುಂದಾದ ಬಿಎಂಟಿಸಿ
ಬೆಂಗಳೂರು, ಅಕ್ಟೋಬರ್. 05: ತನ್ನ ಚಾಲಕರ ಅನುಚಿತ ವರ್ತನೆ, ವೇಗದ ಚಾಲನೆ, ಟ್ರಾಫಿಕ್ ನಿಯಮ ಉಲ್ಲಂಘನೆ ಎಲ್ಲದಕ್ಕೂ ಬ್ರೇಕ್ ಹಾಕಲು ಸ್ವತಃ ಬಿಎಂಟಿಸಿಯೇ ಮುಂದಾಗಿದೆ.
ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ ತನ್ನ ಚಾಲಕರಿಗೆ ಶಿಸ್ತು ಕಲಿಸಲು ಅಭಿಯಾನ ಆರಂಭಮಾಡಿದೆ. ಪ್ರಯಾಣಿಕರಿಗೆ ಅಗತ್ಯ ಜಾಗದಲ್ಲಿ ನಿಲುಗಡೆ ಕಲ್ಪಿಸದ, ಟ್ರಾಫಿಕ್ ನಿಯಮಗಳನ್ನು ಪಾಲಿಸದ ಚಾಲಕರ ಕಿವಿ ಹಿಂಡಲಿದೆ.[ಕ್ಯಾಬ್, ಟ್ಯಾಕ್ಸಿ, ಮಿನಿ ಬಸ್ ವಿರುದ್ಧ ಬಿಎಂಟಿಸಿ ಸಮರ]
ಸೋಮವಾರ 69 ನೇ ಬಸ್ ಡೇ ಅಂಗವಾಗಿ ' ಬಸ್ ಸ್ಟಾಪ್ ಡಿಸಿಪ್ಲೀನ್ ಕ್ಯಾಂಪೇನ್' ಆರಂಭ ಮಾಡಲಾಗಿದ್ದು ಆರು ವರ್ಷಗಳ ಕಾಲ ಮುಂದುವರಿಯಲಿದೆ. ಶಿಸ್ತು ಉಲ್ಲಂಘನೆ ಮಾಡುವ ಚಾಲಕರನ್ನು ಶಿಕ್ಷೆಗೆ ಗುರಿ ಮಾಡಲಾಗುವುದು ಎಂದು ಬಿಎಂಟಿಸಿ ಅಧಿಕಾರಿಗಳು ತಿಳಿಸಿದ್ದಾರೆ.
ಬಸ್ ಸ್ಟಾಪ್ ಡಿಸಿಪ್ಲೀನ್ ಕ್ಯಾಂಪೇನ್ ಹೈಲೈಟ್ಸ್
* ಪೀಕ್ ಅವರ್ ನಲ್ಲಿ 11 ವಿಶೇಷ ತಂಡಗಳು ಪ್ರಮುಖ ಬಸ್ ನಿಲ್ದಾಣಗಳಲ್ಲಿ ಚಾಲಕರ ಚಲನವಲನಗಳನ್ನು ಗಮನಿಸುತ್ತವೆ.
* ಟ್ರಾಫಿಕ್ ಸಮಸ್ಯೆ ಹೇರಳವಾಗಿರುವ ಸಿಲ್ಕ್ ಬೋರ್ಡ್, ಮಾನ್ಯತಾ ಟೆಕ್ ಪಾರ್ಕ್ ಸೇರಿದಂತೆ ವಿವಿಧೆಡೆ ತಂಡಗಳು ವಿಶೇಷ ನಿಗಾ ಇಡಲಿವೆ.[ನಿಮ್ಮ ಹೆಸರಲ್ಲೂ ನಕಲಿ ಸಿಮ್ ಕಾರ್ಡ್ ತಗೊಂಡಿರಬಹುದು!]
* ಚಾಲಕರು ಮೊಬೈಲ್ ನಲ್ಲಿ ಮಾತನಾಡುತ್ತ ಚಾಲನೆ ಮಾಡುತ್ತಿದ್ದರೆ, ವಾಹನಗಳ ನಡುವೆ ಸರಿಯಾದ ಅಂತರ ಕಾಯ್ದುಕೊಳ್ಳದಿದ್ದರೆ ಶಿಕ್ಷೆಗೆ ಗುರಿಯಾಗಬೇಕಾಗುತ್ತದೆ.
* ಅಲ್ಲದೇ ನಾಗರಿಕರೊಂದಿಗೆ ಉತ್ತಮ ನಡವಳಿಕೆ ತೋರಬೇಕು, ಜತೆಗೆ ಪಾದಚಾರಿಗಳ ಬಗ್ಗೆ ಎಚ್ಚರಿಕೆ ವಹಿಸಬೇಕು ಎಂದು ತಿಳಿಸಲಾಗಿದೆ.
Click it and Unblock the Notifications
Sign in with Google