Belagavi North Elections: ಕಾಂಗ್ರೆಸ್‌ ಪ್ರಾಬಲ್ಯದ ಕ್ಷೇತ್ರದಲ್ಲಿ ಮತ್ತೆ ಅರಳುವುದೇ ಕಮಲ?

ಬೆಳಗಾವಿ, ಮಾರ್ಚ್‌ 24: ಕರ್ನಾಟಕದ ಪ್ರತಿಷ್ಠಿತ ವಿಧಾನಸಭೆ ಕ್ಷೇತ್ರಗಳಲ್ಲಿ ಬೆಳಗಾವಿ ಉತ್ತರ ವಿಧಾನಸಭಾ ಕ್ಷೇತ್ರವೂ ಒಂದು. ಇದು ಸಾಮಾನ್ಯ ವರ್ಗಕ್ಕೆ ಸೇರಿದ ವಿಧಾನಸಭಾ ಕ್ಷೇತ್ರವಾಗಿದೆ. ಇದು ಬೆಳಗಾವಿ ಜಿಲ್ಲೆಯಲ್ಲಿದೆ. ಬೆಳಗಾವಿ ಸಂಸತ್ತಿನ 8 ವಿಧಾನಸಭಾ ಕ್ಷೇತ್ರಗಳಲ್ಲಿ ಒಂದಾಗಿದೆ. 2008 ರಲ್ಲಿ ಕರ್ನಾಟಕ ವಿಧಾನಸಭೆ ನಕ್ಷೆಯನ್ನು ಪುನಃ ರಚಿಸಿದಾಗ ಈ ಕ್ಷೇತ್ರವು ಅಸ್ತಿತ್ವಕ್ಕೆ ಬಂದಿತು.

ಬೆಳಗಾವಿ ಉತ್ತರ ವಿಧಾನಸಭೆ ಕ್ಷೇತ್ರದಲ್ಲಿ ಎಸ್‌ಸಿ ಮತದಾರರು ಸರಿಸುಮಾರು 20,869 ರಷ್ಟಿದ್ದು, 2018 ರ ಜನಗಣತಿಯ ಪ್ರಕಾರ ಶೇ 8.9 ರಷ್ಟು ಇದ್ದಾರೆ.

ಬೆಳಗಾವಿ ಉತ್ತರ ವಿಧಾನಸಭೆ ಕ್ಷೇತ್ರದಲ್ಲಿ ಎಸ್‌ಟಿ ಮತದಾರರು ಸರಿಸುಮಾರು 9,051 ಆಗಿದ್ದು, 2018 ರ ಜನಗಣತಿಯ ಪ್ರಕಾರ ಶೇ 3.86 ರಷ್ಟು ಇದ್ದಾರೆ.

ಬೆಳಗಾವಿ ಉತ್ತರ ವಿಧಾನಸಭೆ ಕ್ಷೇತ್ರದಲ್ಲಿ ಮುಸ್ಲಿಂ ಮತದಾರರು ಸರಿಸುಮಾರು 65,656 ಆಗಿದ್ದು, ಮತದಾರರ ಪಟ್ಟಿ ವಿಶ್ಲೇಷಣೆಯ ಪ್ರಕಾರ ಇದು ಸುಮಾರು ಶೇ 28 ರಷ್ಟು ಆಗಿದೆ.

ಬೆಳಗಾವಿ ಉತ್ತರ ವಿಧಾನಸಭೆಯಲ್ಲಿ ನಗರ ಮತದಾರರು ಸರಿಸುಮಾರು 2,34,484 ರಷ್ಟಿದ್ದಾರೆ. ಜನಗಣತಿಯ ಪ್ರಕಾರ ಸುಮಾರು ಶೇ 100 ರಷ್ಟಿದೆ.

2019 ರ ಲೋಕಸಭಾ ಚುನಾವಣೆ ಪ್ರಕಾರ, ಬೆಳಗಾವಿ ಉತ್ತರ ವಿಧಾನಸಭೆಯ ಒಟ್ಟು ಮತದಾರರ ಸಂಖ್ಯೆ 2,34,484 ರಷ್ಟಿದೆ.

2019 ರ ಲೋಕಸಭಾ ಚುನಾವಣೆಯಂತೆ ಬೆಳಗಾವಿ ಉತ್ತರ ವಿಧಾನಸಭೆಯ ಮತಗಟ್ಟೆಗಳ ಸಂಖ್ಯೆ 249 ರಷ್ಟಿದೆ.

2018 ರ ವಿಧಾನಸಭಾ ಚುನಾವಣೆಯಲ್ಲಿ ಬೆಳಗಾವಿ ಉತ್ತರ ವಿಧಾನಸಭೆಯ ಮತದಾರರ ಮತದಾನ ಪ್ರಮಾಣ ಶೇ 62.78 ರಷ್ಟಿದೆ.

ಕಳೆದ ಮೂರು ಚುನಾವಣೆ ಫಲಿತಾಂಶಗಳು

2008 ರ ಚುನಾವಣೆ: ಫಿರೋಜ್ ನೂರುದ್ದೀನ್ ಸೇಟ್ ( ಕಾಂಗ್ರೆಸ್ ) : 37,527 ಮತಗಳು
ಶಂಕರಗೌಡ ಐ ಪಾಟೀಲ್ (ಬಿಜೆಪಿ) : 34,154 ಮತಗಳು
2013 ರ ಚುನಾವಣೆ: ಫೈರೋಜ್ ನೂರುದ್ದೀನ್ ಸೇತ್ ( ಕಾಂಗ್ರೆಸ್‌ ) : 45,125 ಮತಗಳು
ರೇಣು ಸುಹಾಸ್ ಕಿಲ್ಲೇಕರ್ ( ಎಂಇಎಸ್‌ ) : 26,915
2018 ರ ಚುನಾವಣೆ: ಅನಿಲ್ ಎಸ್ ಬೆನಕೆ (ಬಿಜೆಪಿ) : 79,060 ಮತಗಳು
ಫೈರೋಜ್ ನೂರುದ್ದೀನ್ ಸೇಠ್ ( ಕಾಂಗ್ರೆಸ್‌ ) : 61,793

ಎಂಟು ಮಂದಿ ಕಾಂಗ್ರೆಸ್‌ ಟಿಕೆಟ್‌ ಆಕಾಂಕ್ಷಿಗಳು

ಎರಡು ಬಾರಿ ಶಾಸಕರಾಗಿ ಆಯ್ಕೆಯಾಗಿರುವ ಫಿರೋಜ್ ಸೇಠ್, ಅವರ ಸಹೋದರ ರಾಜು ಸೇಠ್, ಫಿರೋಜ್ ಪುತ್ರ ಫೈಜಾನ್ ಸೇಠ್ ಕಾಂಗ್ರೆಸ್‌ ಟಿಕೆಟ್‌ಗಾಗಿ ಅರ್ಜಿ ಸಲ್ಲಿಸಿದ್ದಾರೆ. ‌ಬೆಳಗಾವಿ ಮಹಾನಗರ ಪಾಲಿಕೆ ಸದಸ್ಯ ಅಜಿಂ ಪಟವೇಗಾರ್, ಅಶೀಂ ಬಾವಿಕಟ್ಟಿ ಸಹ ಅರ್ಜಿ ಸಲ್ಲಿಸಿದಾರೆ. ಬಿಜೆಪಿಯಿಂದ ಹಾಲಿ ಶಾಸಕ ಅನಿಲ್ ಎಸ್ ಬೆನಕೆ ಅವರಿಗೆ ಟಿಕೆಟ್‌ ಸಿಗುವುದು ಬಹುತೇಕ ಖಚಿತವಾಗಿದೆ.

ಬೆಳಗಾವಿ ಉತ್ತರ ವಿಧಾನಸಭೆ ಕ್ಷೇತ್ರದಲ್ಲಿ ಅಲ್ಪಸಂಖ್ಯಾತರು ಸಂಖ್ಯೆ ದೊಡ್ಡದಿದೆ. ಅದರಲ್ಲೂ ಇದು ಮುಸ್ಲಿಮರ ಪ್ರಾಬಲ್ಯದ ಪ್ರದೇಶವಾಗಿದೆ. ಲಿಂಗಾಯತರು ಹಾಗೂ ಮರಾಠ ಸಮುದಾಯದ ಮತಗಳು ನಿರ್ಣಾಯಕ ಪಾತ್ರ ವಹಿಸಲಿರುವುದು ಅಂಕಿಅಂಶಗಳಿಂದ ತಿಳಿದುಬರುತ್ತದೆ. ಈ ಕ್ಷೇತ್ರದಲ್ಲಿ ಮುಸ್ಲಿಂ ಸಮುದಾಯದ ಮುಖಂಡರಿಗೆ ಟಿಕೆಟ್‌ ನೀಡಲು ಕರ್ನಾಟಕ ಕಾಂಗ್ರೆಸ್‌ ಚಿಂತನೆ ನಡೆಸಿದೆ.

English summary

Belagavi North Karnataka Elections 2023 |