ವಿಚ್ಛೇದಿತೆಯ ಗ್ಯಾಂಗ್ ರೇಪ್, ವಿಡಿಯೋ ಚಿತ್ರೀಕರಣ

ಗಾಜಿಯಾಬಾದ್, ಮೇ 15: ಇಲ್ಲಿನ ಕೈಲಾಬೆಟ್ಟ ಪ್ರದೇಶದಲ್ಲಿ ಮಹಿಳೆಯೊಬ್ಬರಿಗೆ ಮತ್ತುಬರಿಸುವ ಔಷಧ ನೀಡಿ, ಆಕೆಯ ಮೇಲೆ ಸಾಮೂಹಿಕ ಅತ್ಯಾಚಾರವೆಸಗಿದ ಇಬ್ಬರು ದುರುಳರು ತಮ್ಮ ಕುಕೃತ್ಯವನ್ನು ವಿಡಿಯೋ ಚಿತ್ರೀಕರಣ ಮಾಡಿದ್ದಾರೆ.

ಬಾಧಿತ ಮಹಿಳೆ ಮೀರತ್ ನಿವಾಸಿ. ಕಳೆದ ಮೂರು ವರ್ಷಗಳಿಂದ ಆಕೆ ನೌಷಾದ್ ಎಂಬ ವ್ಯಕ್ತಿಯ ಜತೆ ವಾಸವಿದ್ದರು. ಆತ ಸದರಿ ಮಹಿಳೆಯನ್ನು ಮದುವೆಯಾಗುವುದಾಗಿ ಭರವಸೆ ನೀಡಿದ್ದ ಎಂದು ಪೊಲೀಸ್ ವರಿಷ್ಠ ರಾಮ್ ಅಭಿಲಾಷ್ ತ್ರಿಪಾಠಿ ತಿಳಿಸಿದ್ದಾರೆ.

ತನಗೆ ಮತ್ತುಬರಿಸುವ ಔಷಧ ನೀಡಿ ನೌಷಾದ್ ಮತ್ತು ಅವನ ಗೆಳೆಯ ಓಂ ಪ್ರಕಾಶ್ ನನ್ನ ಮೇಲೆ ಅತ್ಯಾಚಾಋವೆಸಗಿದ್ದಾರೆ. ಅಲ್ಲದೆ ನಗ್ನಾವಸ್ಥೆಯಲ್ಲಿದ್ದ ನನ್ನ ಚಿತ್ರಗಳನ್ನು ಸೆರೆಹಿಡಿದಿದ್ದಾರೆ. ಜತೆಗೆ ಅದನ್ನೆಲ್ಲ ಎಂಎಂಎಸ್ ಸಹ ಮಾಡಿದ್ದಾರೆ ಎಂದು ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ಮಹಿಳೆ ಅಲವತ್ತುಕೊಂಡಿದ್ದಾರೆ.

ಬಾಧಿತ ಮಹಿಳೆ ವಿಚ್ಛೇದಿತೆ. ಮಹಿಳೆಗೆ ನಾಲ್ಕು ವರ್ಷದ ಮಗುವಿದೆ. 'ಅತ್ಯಾಚಾರ ಪ್ರಕರಣವನ್ನು ಬಹಿರಂಗಗೊಳಿಸಿದರೆ/ ಪೊಲೀಸರಿಗೆ ದೂರು ನೀಡಿದರೆ ಪರಿಣಾಮ ನೆಟ್ಟಗಿರುವುದಿಲ್ಲವೆಂದು ಆರೋಪಿಗಳು ಬೆದರಿಸಿದ್ದರು' ಎಂದು ಬಾಧಿತ ಮಹಿಳೆ ದೂರಿನಲ್ಲಿ ಹೇಳಿಕೊಂಡಿದ್ದಾಳೆ.

ಪ್ರಕರಣದ ಸಂಬಂಧ ಪೊಲೀಸರು ಯಾರನ್ನೂ ಬಂಧಿಸಿಲ್ಲ.

English summary

Two men gangrape divorcee woman MMS Ghaziabad UP. A woman was allegedly gangraped by two persons, who made a vidoe of the crime after giving her sedatives in Kaila Bhatta area here, police said.