ಬೆಂಗಳೂರಲ್ಲಿ ಅವಿವಾಹಿತನ ಕಾಮದಾಸೆಗೆ ಮಗು ಬಲಿ
ರಶ್ಮಿ (ಹೆಸರು ಬದಲಿಸಲಾಗಿದೆ) ಮೈಮೇಲೆಲ್ಲ 17 ಕಚ್ಚಿದ ಗಾಯಗಳಾಗಿದ್ದು, ತುಟಿ ಹರಿದಿದೆ. ಬನಶಂಕರಿಯ ರಾಮಕೃಷ್ಣ ಸೇವಾಶ್ರಮ ಆಸ್ಪತ್ರೆಯಲ್ಲಿ ಮಗುವನ್ನು ದಾಖಲಿಸಲಾಗಿದ್ದು, ತನ್ನ ಮೇಲಾಗಿರುವ ದೌರ್ಜನ್ಯದಿಂದ ತುಂಬಾ ಕುಗ್ಗಿಹೋಗಿದೆ, ತೀವ್ರ ಮಾನಸಿಕ ಆಘಾತಕ್ಕೆ ತುತ್ತಾಗಿದೆ. ದೌರ್ಜನ್ಯ ನಡೆಸಿರುವ ದೊರೆಸ್ವಾಮಿಯನ್ನು ಕುಮಾರಸ್ವಾಮಿ ಲೇಔಟ್ ಪೊಲೀಸರು ಬಂಧಿಸಿದ್ದಾರೆ.
ಕುಮಾರಸ್ವಾಮಿ ಬಡಾವಣೆಯಲ್ಲಿ ವಾಸಿಸುತ್ತಿರುವ ರುದ್ರೇಶ್ ಮತ್ತು ರಾಧಾಳ ಮೊದಲ ಮಗುವೇ ರಶ್ಮಿ. ರುದ್ರೇಶ್ ಬೇಕರಿಯೊಂದರಲ್ಲಿ ವಾಸಿರುತ್ತಿದ್ದು, ಪಕ್ಕದ ಮನೆಯಲ್ಲಿರುವ ದುರುಳ ದೊರೆಸ್ವಾಮಿ ರುದ್ರೇಶ್ ಸ್ನೇಹ ಸಂಪಾದಿಸಿದ್ದ. ಬೆಂಗಳೂರಿನಲ್ಲಿ ಜೀವನ ಅಷ್ಟು ಸಲೀಸಾಗಿ ನಡೆಯದಿದ್ದರಿಂದ ದಂಪತಿಗಳು ಹಾಸನ ಜಿಲ್ಲೆಯ ಹಾರೋಹಳ್ಳಿಯ ತಮ್ಮ ಮನೆಯಲ್ಲಿ 9 ತಿಂಗಳ ಹಿಂದೆ ಸ್ಥಳಾಂತರಗೊಂಡಿದ್ದರು.
ರಶ್ಮಿ ಬಿದ್ದು ಕಾಲು ಮುರಿದುಕೊಂಡಿದ್ದರಿಂದ ಚಿಕಿತ್ಸೆಗಾಗಿ ಪಾಲಕರು ಓಡಾಡುತ್ತಿದ್ದರು. ಇದರ ಬಗ್ಗೆ ತಿಳಿದಿದ್ದ ರಿಯಲ್ ಎಸ್ಟೇಟ್ ದಂಧೆ ಮಾಡುತ್ತಿರುವ ದೊರೆಸ್ವಾಮಿ ಮಗುವಿಗೆ ತನ್ನ ಪರಿಚಯದ ಮೂಳೆತಜ್ಞರಿಂದ ಉಚಿತ ಚಿಕಿತ್ಸೆ ಕೊಡಿಸುವುದಾಗಿ ಹೇಳಿದ್ದ. ಅಲ್ಲದೆ, ರುದ್ರೇಶ್ಗೆ ಹೊಸ ಬೇಕರಿ ಆರಂಭಿಸಲು ಸಹಾಯ ಮಾಡುವುದಾಗಿ ವಾಗ್ದಾನವನ್ನೂ ನೀಡಿದ್ದ.
ದೊರೆಸ್ವಾಮಿಯ ಬಣ್ಣದ ಮಾತಿಗೆ ಮರುಳಾದ ರುದ್ರೇಶ್ ಮೂರು ದಿನಗಳ ಹಿಂದೆ ತನ್ನ ಮಗಳನ್ನು ದೊರೆಸ್ವಾಮಿ ಮನೆಗೆ ಕರೆದುಕೊಂಡು ಬಂದಿದ್ದ. ಕೆಲಸವಿಲ್ಲದ ರುದ್ರೇಶ್, ದೊರೆಸ್ವಾಮಿ ಹೇಳುತ್ತಿದ್ದ ರಿಯಲ್ ಎಸ್ಟೇಟ್ಗೆ ಸಂಬಂಧಿಸಿದ ಕೆಲಸಗಳನ್ನೂ ಮಾಡುತ್ತಿದ್ದ. ಆ ದೌರ್ಭಾಗ್ಯದ ದಿನದಂದು ರಶ್ಮಿಯನ್ನು ದೊರೆಸ್ವಾಮಿ ಬಳಿಬಿಟ್ಟು ರುದ್ರೇಶ್ ಹೊಸೂರಿಗೆ ಹೋಗಿದ್ದಾನೆ.
ಮರಳಿ ಬಂದಾಗ ರಶ್ಮಿ ದೊರೆಸ್ವಾಮಿ ಬಳಿಯಿರಲಿಲ್ಲ. ತನಗೂ ಕೆಲಸವಿದ್ದಿದ್ದರಿಂದ ಸ್ನೇಹಿತನ ಬಳಿ ಬಿಟ್ಟಿದ್ದಾಗಿ ಹೇಳಿದ ದೊರೆಸ್ವಾಮಿ, ಮರುದಿನ ಹಾರೋಹಳ್ಳಿಗೆ ಮಗಳನ್ನು ಕರೆದುಕೊಂಡು ಬರುವುದಾಗಿ ನಂಬಿಸಿ ರುದ್ರೇಶ್ನನ್ನು ಮರಳಿ ಕಳಿಸಿದ್ದಾನೆ. ಎರಡು ದಿನವಾದರೂ ಮಗುವನ್ನು ಕರೆದುಕೊಂಡು ಬರದಿದ್ದರಿಂದ ವಿಚಾರಿಸಿದಾಗ, ನಾನೇನು ನಿನ್ನ ಮಗುವನ್ನು ಯಾರಿಗೂ ಮಾರುವುದಿಲ್ಲ ಎಂದೆಲ್ಲ ದೊರೆಸ್ವಾಮಿ ರೇಗಾಡಿದ್ದಾನೆ.
ಆದರೆ, ದೊರೆಸ್ವಾಮಿ ಮಾಡಿದ್ದೇನೆಂದರೆ, ಬೆಳಿಗ್ಗೆ 10 ಗಂಟೆಯಿಂದ ಮಧ್ಯಾಹ್ನದವರೆಗೆ ಪುಟ್ಟಮಗು ರಶ್ಮಿಯನ್ನು ಲೈಂಗಿಕವಾಗಿ ಹಿಂಸಿಸಿದ್ದಾನೆ. ದೇಹದ ಮೇಲೆಲ್ಲ ಕಚ್ಚಿ ಗಾಯಗೊಳಿಸಿದ್ದಾನೆ. ಮಗು ತೀವ್ರವಾಗಿ ಗಾಯಗೊಂಡು ಕಿರುಚಲು ಆರಂಭಿಸಿದಾಗ ಹೆದರಿದ ದೊರೆಸ್ವಾಮಿ ರಾಮಕೃಷ್ಣ ಸೇವಾಶ್ರಮ ಆಸ್ಪತ್ರೆಗೆ ಕರೆತಂದಿದ್ದಾನೆ. ಆಸ್ಪತ್ರೆಯವರು ವಿಚಾರಿಸಿದಾಗ ಮಗು ಬಿದ್ದು ಗಾಯಗೊಂಡಿದೆ ಎಂದೆಲ್ಲ ಹೇಳಿದ್ದಾನೆ. ಅನುಮಾನಗೊಂಡು ಮತ್ತಷ್ಟು ವಿಚಾರಿಸಿದಾಗ ಅಲ್ಲಿಂದ ಪರಾರಿಯಾಗಿದ್ದಾನೆ.
ಆಸ್ಪತ್ರೆಯವರು ಕೂಡಲೆ ಮಕ್ಕಳ ಸಹಾಯವಾಣಿಗೆ ಕರೆ ಮಾಡಿ ಮಗುವಿನ ಮೇಲೆ ಆದ ದೌರ್ಜನ್ಯದ ಬಗ್ಗೆ ತಿಳಿಸಿದ್ದಾರೆ. ಮಕ್ಕಳ ಸಹಾಯವಾಣಿ ಪಾಲಕರನ್ನು ಸಂಪರ್ಕಿಸಿ ಮಗುವಿನ ಮೇಲೆ ನಡೆದ ದೌರ್ಜನ್ಯದ ಬಗ್ಗೆ ತಿಳಿಸಿದ್ದಾರೆ. ಕೂಡಗೆ ಬೆಂಗಳೂರಿಗೆ ಧಾವಿಸಿದ ರಾಧಾಗೆ ತನ್ನ ಪುಟ್ಟ ಮಗುವನ್ನು ಭಯಾನಕ ಸ್ಥಿತಿಯಲ್ಲಿ ನೋಡಿ ತಡೆಯಲಾರದೆ ಭೋರೆಂದು ಅತ್ತುಬಿಟ್ಟಿದ್ದಾಳೆ. ಇದನ್ನು ಕಂಡ ರಶ್ಮಿ ಮತ್ತಷ್ಟು ಆಘಾತಗೊಂಡು ಡಿಪ್ರೆಷನ್ನಿಗೆ ಜಾರಿದೆ.
-
Bengaluru: ಬೆಂಗಳೂರಿನ ಹೋಟೆಲ್ಗಳಲ್ಲಿ ಗ್ರಾಹಕರಿಗೆ ಶಾಕ್: ಸಾಂಬಾರ್ ಬದಲು ಬೇರೆ ಆಯ್ಕೆ - ಪೋಸ್ಟ್ ವೈರಲ್, ಡಿಸಿ ಹೇಳಿದ್ದೇನು -
Sulekere: ಮಂಡ್ಯದಲ್ಲಿ ಸೂಳೇಕೆರೆ ಮರುನಾಮಕರಣ ಚರ್ಚೆ: ಇತಿಹಾಸಕ್ಕೆ ಮಸಿ ಬಳಿಯಬೇಡಿ ಎಂದ ಜಗದೀಶ್ ಕೊಪ್ಪ -
B Khata: ಬಿ ಖಾತಾದಿಂದ ಎ ಖಾತಾ ಪರಿವರ್ತನೆ ಸವಾಲುಗಳು: ವೆಚ್ಚ, ಪ್ರಕ್ರಿಯೆ ಸ್ವಂತ ವಿವರ ಹಂಚಿಕೊಂಡ ಆಸ್ತಿದಾರ ಶ್ರೀನಿವಾಸ ಮಠ -
Rain in Karnataka: ಬಿರು ಬಿಸಿಲಿನ ನಡುವೆ ಬೆಂಗಳೂರು ಸೇರಿ ಕರ್ನಾಟಕದ ಈ ಜಿಲ್ಲೆಗಳಲ್ಲಿ ನಾಲ್ಕು ದಿನ ಮಳೆ: ಐಎಂಡಿ ರಿಪೋರ್ಟ್ -
ವಿಶ್ವಕಪ್ ಕಿರೀಟದ ಹಿಂದೆ ದೈವಬಲ: ಕರಾವಳಿಯ ಅಳಿಯ ಸೂರ್ಯಕುಮಾರ್ ಯಾದವ್ ನಡೆಗೆ ಮೆಚ್ಚುಗೆಗಳ ಸುರಿಮಳೆ -
New Airport: 3 ಜಿಲ್ಲೆ ಜನರ ಅನುಕೂಲಕ್ಕಾಗಿ ಸರ್ಕಾರದ ಮಾಸ್ಟರ್ ಪ್ಲ್ಯಾನ್: ಬಳ್ಳಾರಿ ಬಳಿ ಹೊಸ ಏರ್ಪೋರ್ಟ್ -
KSRTC: ಸಾರಿಗೆ ಲೋಕಕ್ಕೆ 'ಪಲ್ಲಕ್ಕಿ' ಮೆರುಗು: ವಿಶ್ವ ಮಹಿಳಾ ದಿನಾಚರಣೆ ಪ್ರಯುಕ್ತ 115 ಹೊಸ ಬಸ್ಗಳ ಲೋಕಾರ್ಪಣೆ -
ಬೆಂಗಳೂರಲ್ಲಿ ಗ್ಯಾಸ್ ಏಜೆನ್ಸಿಗಳ ಭರ್ಜರಿ ದಂಧೆ: ಸಿಲಿಂಡರ್ ಸಿಗದೇ ಗ್ರಾಹಕರು ಕಂಗಾಲು; ಕಾಳಸಂತೆಯಲ್ಲಿ ₹3,000ಕ್ಕೆ ಮಾರಾಟ -
LPG Gas: ಎಲ್ಪಿಜಿ ನಿಯಮಗಳಲ್ಲಿ ಭಾರೀ ಬದಲಾವಣೆ; ಗ್ರಾಹಕರು ದೂರು ನೀಡಲು ಸಹಾಯವಾಣಿ ಸಂಖ್ಯೆಗಳ ಬಿಡುಗಡೆ -
Gold Rate March 13: ಸತತ 3ನೇ ದಿನವೂ ಚಿನ್ನ - ಬೆಳ್ಳಿ ಬೆಲೆ ಭರ್ಜರಿ ಕುಸಿತ, ಎಷ್ಟಾಗಿದೆ ಇಂದಿನ ಬಂಗಾರದ ಬೆಲೆ -
Resort: ಕರ್ನಾಟಕದಲ್ಲಿ ಶುರುವಾಯ್ತು ರೆಸಾರ್ಟ್ ರಾಜಕೀಯ: ‘ಅವರು ನಮ್ಮ ಅತಿಥಿಗಳು’ ಎಂದ ಉಪ ಮುಖ್ಯಮಂತ್ರಿ ಡಿ.ಕೆ ಶಿವಕುಮಾರ್ -
Horoscope March 13: ಈ ರಾಶಿಯವರ ಬದುಕಲ್ಲಿ ಸಕಾರಾತ್ಮಕ ಬೆಳವಣಿಗೆ, ಅಧಿಕ ಲಾಭ; ದಿನ ಭವಿಷ್ಯ
Click it and Unblock the Notifications
Sign in with Google