ನಿತ್ಯಾನಂದಗೆ ಏನೆಲ್ಲ ಸೆಕ್ಸ್ ಟೆಸ್ಟ್ ಮಾಡ್ತಾರೆ ಗೊತ್ತಾ?
ಕಡ್ಡಾಯವಾಗಿ ಸಮಗ್ರ ರಕ್ತ ಪರೀಕ್ಷೆ ನಡೆಯುತ್ತದೆ. ಜತೆಗೆ ಹಾರ್ಮೊನುಗಳ ಪ್ರಮಾಣ ತಿಳಿದುಕೊಳ್ಳಬೇಕಾಗುತ್ತದೆ. ಇನ್ನೂ ಹಲವಾರು ಟೆಸ್ಟುಗಳನ್ನು ಮಾಡಬೇಕಾಗುತ್ತದೆ. ಅದಕ್ಕಾಗಿ ಮೂರ್ನಾಲ್ಕು ದಿನಗಳ ಕಾಲ ಪರೀಕ್ಷೆಗೆ ತುತ್ತಾದ ವ್ಯಕ್ತಿ ಆಸ್ಪತ್ರೆಗೆ ಅಂಡಲೆಯಬೇಕಾಗುತ್ತದೆ. ವೀರ್ಯ ಪರೀಕ್ಷೆ, ನಿಮಿರುವಿಕೆ ಉತ್ತೇಜಿಸುವ ಔಷಧಗಳನ್ನೂ ವ್ಯಕ್ತಿಗೆ ನೀಡಬೇಕಾಗುತ್ತದೆ.
ಇದೆಲ್ಲಕ್ಕಿಂತ ಮುನ್ನ ವೈದ್ಯರು ಪರೀಕ್ಷಾರ್ಥಿಯ (ಈ ಪ್ರಕರಣದಲ್ಲಿ ನಿತ್ಯಾನಂದನ) ಇಡೀ ಬೆತ್ತಲೆ ದೇಹವನ್ನು ಬರಿಗಣ್ಣಲ್ಲಿ ಸೂಕ್ಷ್ಮವಾಗಿ ಅವಲೋಕಿಸುತ್ತಾರೆ. ಏಕೆಂದರೆ ಪರೀಕ್ಷಾರ್ಥಿ ಈ ಹಿಂದೆ ಯಾವುದಾದರೂ ಶಸ್ತ್ರಚಿಕಿತ್ಸೆಗಳು ನಡೆದಿವೆಯಾ? ಏನಾದರೂ ಕುರುಹುಗಳು ಕಾಣಸಿಗುತ್ತಾವಾ? ಶಸ್ತ್ರಚಿಕಿತ್ಸೆ ಆಗಿದ್ದರೆ ಯಾವಾಗ, ಏತಕ್ಕಾಗಿ ಮಾಡಲಾಗಿದೆ ಎಂಬುದರ ವಿವರಣೆ ಪಡೆಯಲಿದ್ದಾರೆ. ಅಂದರೆ ಅದೊಂದು ತರಹದ ಪ್ರೀಮೆಡಿಕಲ್ ಹಿಸ್ಟರಿ.
ಅದಾದನಂತರ ನಿಮಿರುವಿಕೆ ವೈಫಲ್ಯ ಟೆಸ್ಟ್. ವೀರ್ಯ ವಿಶ್ಲೇಷಣೆ. ವೀರ್ಯ ಗಣತಿ. ವೀರ್ಯ ಗುಣಮಟ್ಟದ ಟೆಸ್ಟುಗಳು ನಡೆಯುತ್ತವೆ. ಇದರಿಂದ ವ್ಯಕ್ತಿಗೆ ಷಂಡತ್ವ ಇದೆಯಾ, ಇಲ್ವಾ ಎಂಬುದು ತಿಳಿದುಬರುತ್ತದೆ. ಇವುಗಳಲ್ಲಿ ಪರೀಕ್ಷಾರ್ಥಿಯು ಕನಿಷ್ಠ ಪ್ರಮಾಣದಲ್ಲಿ ಪಾಸಾದರು ಆ ವ್ಯಕ್ತಿಯಲ್ಲಿ ಲೈಂಗಿಕ ಸಾಮರ್ಥ್ಯ ಇದೆ (potent) ಎಂದು ವೈದ್ಯಲೋಕ ಘೋಷಿಸುತ್ತದೆ.
ಮುಂದೆ ಥೈರಾಯಿಡ್ ಪರೀಕ್ಷೆಯೂ ನಡೆಯುತ್ತದೆ. ಇದರಿಂದ ವ್ಯಕ್ತಿಯ ಫಲವತ್ತತೆಯನ್ನು ಅಳೆಯಬಹುದು. ಕಡಿಮೆ ಹಾರ್ಮೋನು ಇದ್ದರೆ (T4 hormones) ಕಡಿಮೆ ವೀರ್ಯ ಇದೆ ಎಂದರ್ಥ. ಇನ್ನು, ಈ ನಿಮಿರುವಿಕೆ ಟೆಸ್ಟ್ ವೇಳೆ ಏನೇ ಉದ್ರೇಕಕಾರಿ ಔಷಧಗಳನ್ನು ನೀಡಿದರೂ ಪುರುಷನಿಗೆ ನಿಮಿರುವಿಕೆ ಸಾಧ್ಯವಾಗುವುದಿಲ್ಲ. Testosterone, FSH (follicle-stimulating hormone), LH (luteinizing hormone) ನಂತಹ ಟೆಸ್ಟುಗಳೂ ಪುರುಷತ್ವ ಸಾಬೀತುಪಡಿಸಲು ನೆರವಾಗುತ್ತವೆ.
ನಿತ್ಯಾನಂದ ಸ್ವಾಮಿ ಪ್ರಕರಣದಲ್ಲಿ ಈ ಟೆಸ್ಟುಗಳೆಲ್ಲ ಆದ ಮೇಲೆ ಏನಾಗುತ್ತದೆ. ವೈದ್ಯರು ಆಳವಾದ ಅಧ್ಯಯನಗಳ ನಂತರ ತಮ್ಮ ವರದಿಯನ್ನು ನ್ಯಾಯಾಲಯಕ್ಕೆ ಒಪ್ಪಿಸುತ್ತಾರೆ. ಮುಂದೆ ಆ ವೈದ್ಯಕೀಯ ವರದಿಯನ್ನು ಆಧಾರವಾಗಿಸಿಕೊಂಡು ನ್ಯಾಯಾಲಯ ನಿತ್ಯಾನಂದನ ಬಗ್ಗೆ ತನ್ನ ತೀರ್ಪನ್ನು ಘೋಷಿಸುತ್ತದೆ.
ಒಂದು ವೇಳೆ ಈ ವೈದ್ಯಕೀಯ ಪರೀಕ್ಷೆಗಳಿಂದ ನಿತ್ಯಾನಂದ ಪ್ರಭುಗಳು ಷಂಡರಲ್ಲ ಎಂಬುದು ಸಾಬೀತಾದರೆ ನಿಜಕ್ಕೂ ಪ್ರಭುವಿಗೆ ಪೀಕಲಾಟಕ್ಕೆ ಇಟ್ಟುಕೊಳ್ಳುತ್ತದೆ. ನಿತ್ಯಾ ರಗಳೆ ವಿಪರೀತವಾಗುತ್ತದೆ. ಆದರೆ ಸದ್ಯಕ್ಕಂತೂ crossed fingers body language ನೊಂದಿಗೆ ಪ್ರಭುಗಳು ಧ್ಯಾನಸ್ಥರಾಗಬೇಕಾಗುತ್ತದೆ!
Click it and Unblock the Notifications
Sign in with Google