ಯುವರಾಜ ರಾಹುಲ್ ಆಫ್ಘನ್ ಯುವರಾಣಿ ಲವ್ವಿಡವ್ವಿ

ನವದೆಹಲಿ, ಜೂ.26:ಎಐಸಿಸಿ ಪ್ರಧಾನ ಕಾರ್ಯದರ್ಶಿ, ಭಾರತ ಭವಿಷ್ಯದ ಪ್ರಧಾನಿ, ಕಾಂಗ್ರೆಸ್ ಯುವರಾಜ ರಾಹುಲ್ ಗಾಂಧಿಗೆ ಪ್ಯಾರ್ ಗೆ ಆಗ್ಬುಟೈತೆ. 43 ವರ್ಷದ ಚಿರಯುವಕ ಇನ್ನೂ ಮದುವೆಯಾಗದಿರುವುದು ಅನೇಕರ ನಿದ್ದೆ ಕೆಡಿಸಿತ್ತು. ಆದರೆ, ಈಗ ರಾಹುಲ್ ಮದುವೆ ಅಫ್ಘಾನ್ ಯುವರಾಣಿಯೊಂದಿಗೆ ಆಗುವ ಲಕ್ಷಣಗಳಿದೆ ಎಂದು ಜನಪ್ರಿಯ ದೈನಿಕ ದಿ ಸಂಡೇ ಗಾರ್ಡಿಯನ್ ವರದಿ ಮಾಡಿದೆ.

ರಾಹುಲ್ ಗಾಂಧಿ ಅವರು ಅಫ್ಘಾನಿಸ್ತಾನದ ಯುವರಾಣಿಯನ್ನು ಪ್ರೀತಿಸುತ್ತಿದ್ದು, ಆಕೆಯನ್ನು ಮದುವೆಯಾಗುವ ಸಾಧ್ಯತೆ ಹೆಚ್ಚಿದೆ. ಇಬ್ಬರಲ್ಲೂ ಅನ್ಯೋನ್ಯತೆ ಹೆಚ್ಚಿದೆ, ರಾಹುಲ್ ಅಣತಿಯಂತೆ ಇಸ್ಲಾಂ ಧರ್ಮ ತೊರೆಯಲು ಸಿದ್ಧಲಾಗಿದ್ದಾಳೆ ಎಂದು ಲಂಡನ್ನಿನ ಜನಪ್ರಿಯ ದೈನಿಕವೊಂದು ವರದಿ ಮಾಡಿದೆ.

ಫ್ರಾನ್ಸ್ ಪ್ರವಾಸದಲ್ಲಿ ಮುಸ್ಲಿಂ ಚೋಕರಿಯೊಂದಿಗೆ ರಾಹುಲ್ ಸುತ್ತಾಡಿದ ವಿಷಯವನ್ನು ಜೆಡಿಯುನ ಸುಬ್ರಮಣಿಯಂ ಸ್ವಾಮಿ ಟ್ವಿಟ್ಟರ್ ನಲ್ಲಿ ಬಹಿರಂಗಪಡಿಸಿದ್ದರು.

"What is Rahul doing in Nice, France with an Afghan Muslim girl domiciled in Italy. She was seen wearing a wedding ring!" ಎಂದು ಟ್ವೀಟ್ ಮಾಡಿದ್ದನ್ನು ಇಲ್ಲಿ ಸ್ಮರಿಸಬಹುದು.

ಅಫ್ಘಾನಿಸ್ತಾನದ ಅರಸು ದಿವಂಗತ ಮಹಮ್ಮದ್ ಜಹೀರ್ ಶಾ ಅವರ ಮೊಮ್ಮಗಳಾದ ಈ ಅಫ್ಘಾನಿ ಸುಂದರ ಯುವರಾಣಿ ಹಾಗೂ ರಾಹುಲ್ ನಡುವಿನ ಸಂಬಂಧ, ಇಬ್ಬರು ಜೊತೆ ಜೊತೆಗೆ ಜಿಮ್ ನಲ್ಲಿ ಕಾಲ ಕಳೆದಿದ್ದು, ವಿದೇಶವಲ್ಲದೆ ದೆಹಲಿಯಲ್ಲೂ ಸುತ್ತಿದ್ದನ್ನು ಪತ್ರಿಕೆ ವರದಿ ಮಾಡಿದೆ.

ಯುವರಾಣಿಯ ಹೆಸರನ್ನು ಮಾತ್ರ ಇದುವರೆಗೆ ಬಹಿರಂಗಪಡಿಸಿಲ್ಲ. ಆದರೆ ಆಕೆ ಈಗ ಕ್ರೈಸ್ತ ಧರ್ಮಕ್ಕೆ ಮತಾಂತರವಾಗಿದ್ದಾಳಂತೆ. ರಾಹುಲ್ ತಾಯಿ ಸೋನಿಯಾ ಗಾಂಧಿ ಕೂಡ ಇಟಲಿಯವರಾಗಿದ್ದು, ಕ್ರೈಸ್ತ ಧರ್ಮಕ್ಕೆ ಸೇರಿದವರಾಗಿದ್ದಾರೆ.

ಭಾನುವಾರದಂದು ಸೋನಿಯಾ ಗಾಂಧಿ ಮನೆಯಲ್ಲಿ ಇವರಿಬ್ಬರು ಜತೆಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇವರಿಬ್ಬರು ವಿದೇಶಗಳಲ್ಲಿ ಕೆಲವು ಸಲ ಜತೆಯಾಗಿ ರಜಾ ದಿನಗಳನ್ನು ಕಳೆದಿದ್ದಾರೆ. ಇವರು ಮುಂದಿನ ಕೆಲವೇ ತಿಂಗಳಲ್ಲಿ ಮದುವೆ ಬಂಧನಕ್ಕೆ ಒಳಗಾಗಲಿದ್ದಾರೆ ಎಂದು ಸಂಡೇ ಗಾರ್ಡಿಯನ್ ತನ್ನ ವರದಿಯಲ್ಲಿ ಹೇಳಿದೆ.

ಇತ್ತೀಚೆಗೆ 43ನೇ ವಸಂತಕ್ಕೆ ಕಾಲಿಟ್ಟ ರಾಹುಲ್ ಗಾಂಧಿಗೆ ಅನೇಕ ವಿದೇಶಿ ಯುವತಿಯರ ಜೊತೆಗೆ ಗೆಳೆತನ ಇರುವುದು ಬಹಿರಂಗ ಸತ್ಯವಾಗಿದೆ. ಆದರೆ, ಅಫ್ಘಾನ್ ಯುವರಾಣಿ ಜೊತೆ ರಾಹುಲ್ ದೆಹಲಿಯ ಅಮನ್ ಹೋಟೆಲ್ ನ ಫಿಟ್ ನೆಸ್ ಸೆಂಟರ್ ನಲ್ಲಿ ತುಂಬಾ ಸಲ ಕಾಣಿಸಿಕೊಂಡಿದ್ದಾರೆ. ವಿದೇಶದಲ್ಲಿ ಬೆಳೆದ ಯುವರಾಣಿಯನ್ನು ಮತಾಂತರ ಮಾಡಿಸಲು ರಾಹುಲ್ ಗೆ ಯಾವುದೇ ಕಷ್ಟವಾಗಿಲ್ಲ ಎಂದು ಸಂಡೇ ಗಾರ್ಡಿಯನ್ ವರದಿ ಮಾಡಿದೆ.

ಅಪ್ಪನ ಹಾದಿಯಲ್ಲಿ ರಾಹುಲ್ : 1965ರಲ್ಲಿ ಅಪ್ಪ ರಾಜೀವ್ ಗಾಂಧಿ ತೆಗೆದುಕೊಂಡ ನಿರ್ಣಯದಂತೆ ಅಪ್ಪನ ಹಾದಿಯಲ್ಲೇ ಮಗ ರಾಹುಲ್ ಕೂಡಾ ಸಾಗಲಿದ್ದು, ವಿದೇಶಿ ಮಹಿಳೆಯನ್ನು ಮನೆ ತುಂಬಿಸಿಕೊಳ್ಳಲಿದ್ದಾನೆ.

1933ರಿಂದ ನಾಲ್ಕು ದಶಕಗಳ ಕಾಲ ಯುವರಾಣಿಯ ಅಜ್ಜ ಜಹೀರ್ ಶಾ ಅಫ್ಘಾನಿಸ್ತಾನದಲ್ಲಿ ರಾಜ್ಯಭಾರ ಮಾಡಿದ್ದರು. 1973ರಲ್ಲಿ ದಾಯಾದಿ ಮಹಮ್ಮದ್ ದೌಡ್ ಖಾನ್ ದಾಳಿಯಿಂದ ರಾಜ ಸಿಂಹಾಸನ ಬಿಟ್ಟ ಜಹೀರ್ ಶಾ ದೇಶವನ್ನು ಬಿಟ್ಟು ಇಟಲಿಯಲ್ಲಿ ತಲೆಮರೆಸಿಕೊಂಡಿದ್ದರು.

2002ರಲ್ಲ ಕಾಬೂಲ್ ಗೆ ಹಿಂತಿರುಗಿದಾಗ ಅಫ್ಘಾನಿಸ್ತಾನದ ರಾಷ್ಟ್ರಪಿತ ಎಂಬ ಬಿರುದು ಕೊಟ್ಟು ಸ್ವಾಗತಿಸಲಾಗಿತ್ತು. 2007ರಲ್ಲಿ 93ನೇ ವಯಸ್ಸಿನಲ್ಲಿ ಜಹೀರ್ ಶಾ ದೇಹಾಂತ್ಯವಾಗಿತ್ತು. ರಾಹುಲ್ ನ ಯುವರಾಣಿ ಬೆಳೆದಿದ್ದೆಲ್ಲ ವಿದೇಶಗಳಲ್ಲಿ ಹಾಗೂ ಮೈಗೂಡಿಸಿಕೊಂಡಿದ್ದು ವಿದೇಶಿ ಸಂಸ್ಕೃತಿಯನ್ನು, ಹೀಗಾಗಿ ರಾಹುಲ್ ಸರಿಯಾದ ಜೋಡಿ ಎನ್ನಲಾಗಿದೆ.

English summary

India's future prime minister, AICC general secretary Rahul Gandhi may be 'seriously involved' with a grand-daughter of the late Mohamed Zahir Shah, the hereditary King of Afghanistan claims The Sunday Guardian report.