• search

ಯುಪಿಎ ಟಿವಿ ಜ್ಯೋತಿಷಿ ಬಾಬಾ ಇದ್ದಂತೆ: ಮೋದಿ

By Srinath
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    modi-compares-upa-with-tainted-nirmal-baba
    ಮುಂಬೈ, ಮೇ 27: ಭಾವಿ ಪ್ರಧಾನಿ ಎಂದೇ ಪರಿಗಣಿತವಾಗಿರುವ ಗುಜರಾತಿನ ಮುಖ್ಯಮಂತ್ರಿ ನರೇಂದ್ರ ಮೋದಿ ಅವರು ಕೇಂದ್ರದ ಯುಪಿಎ ಸರಕಾರವನ್ನು ನಿರ್ಮಲ ಬಾಬಾಗೆ ಹೋಲಿಸಿದ್ದಾರೆ.

    ನರೇಂದ್ರ ಮೋದಿ ಹೇಳುವಂತೆ ನಿರ್ಮಲ ಬಾಬಾ ಕಳಂಕಿತ, ಅವರೊಬ್ಬ ವಂಚಕ ಗುರು. ಕೇಂದ್ರದ ಆಡಳಿತಾರೂಢ ಯುಪಿಎ ಸರಕಾರವು ಸಂಪೂರ್ಣ ಆಡಳಿತ ವೈಫ‌ಲ್ಯ ಕಂಡಿದೆ. ಅದು ಟಿವಿ ಜ್ಯೋತಿಷಿ ನಿರ್ಮಲ್ ಬಾಬಾ ಮಾದರಿಯಲ್ಲಿದೆ. ದೇಶದಲ್ಲಿ ನಾಯಕತ್ವವೇ ಇಲ್ಲ ಎಂದು ಮೋದಿ ಟೀಕಿಸಿದ್ದಾರೆ.

    ಗಗನಚುಂಬಿ ಹಣದುಬ್ಬರ, ಹಗರಣಗಳ ಸರಮಾಲೆ, ಇದೀಗ ಪೆಟ್ರೋಲ್ ಬಾಂಬ್ ಸಿಡಿಸಿರುವ ಯುಪಿಎ ಮೇಲೆ ಮುಗಿಬಿದ್ದ ಮೋದಿ, ಕೇಂದ್ರದ ಯುಪಿಎ ಸರಕಾರವನ್ನು ಜನತಾ ಕೋರ್ಟಿನಲ್ಲಿ ಆರೋಪಿಯಾಗಿ ನಿಲ್ಲಿಸಬೇಕಾದ ಜರೂರತ್ತು ಇದೆ ಎಂದಿದ್ದಾರೆ.

    'ದೆಹಲಿಯಲ್ಲಿ ಒಂದು ಸರಕಾರವಿದೆ. ಅದು 'ವಂಚಕ ದೇವಮಾನವ' ನಿರ್ಮಲ ಬಾಬಾನ ದರ್ಬಾರಿನಂತೆ ಇದೆ. ಕೇವಲ ಒಂದು ಸಿಹಿ ತಿಂಡಿ ನೀಡಿದರೆ ಆಶೀರ್ವದಿಸುವುದಾಗಿ ಬಾಬಾ ಹೇಳಿಕೊಳ್ಳುತ್ತಾರೆ. ದೆಹಲಿ ಸರಕಾರವೂ ಹಾಗೆಯೇ. ವೋಟು ಹಾಕಿ ನಮ್ಮನ್ನು ಅಧಿಕಾರದ ಗದ್ದುಗೆಗೆ ತನ್ನಿ. ಹಣದುಬ್ಬರದಂತಹ ಸಮಸ್ಯೆಗಳನ್ನು 100 ದಿನಗಳಲ್ಲಿ ನಿವಾರಿಸುತ್ತೇವೆ' ಎಂದು ಹೇಳಿಕೊಳ್ಳುತ್ತಿದೆ.

    ಇದು ವಂಚಕ ಬಾಬಾ ಹೇಳುವ ಹಾಗೆ ಇದೆ. ಬಾಬಾ ಆಗ್ಲೋ ಈಗ್ಲೋ ಜೈಲಿಗೆ ಹೋಗಹುದು. ಆದರೆ ನಾನು ಜನತಾ ನ್ಯಾಯಾಲಯದಲ್ಲಿ ಇದನ್ನು ಪ್ರಶ್ನಿಸುತ್ತೇನೆ' ಎಂದು ಮೋದಿ ಬಿಜೆಪಿ ಕಾರ್ಯಕರ್ತರನ್ನುದ್ದೇಶಿಸಿ ಹೇಳಿದ್ದಾರೆ.

    'ಚುನಾವಣಾ ಪ್ರಚಾರದ ಸಮಯದಲ್ಲಿ ನೀಡಿದ್ದ ಭರವಸೆಗಳನ್ನೇ ಈಡೇರಿಸಿಲ್ಲ. ಜನರನ್ನು ತಪ್ಪು ಹಾದಿಗೆ ಎಳೆಯುತ್ತಿದೆ. 'ವಂಚಕ ದೇವಮಾನವ' ನಿರ್ಮಲ ಬಾಬಾ ತನ್ನ ಕಪಟ ಕಾರ್ಯಕ್ರಮಗಳನ್ನು ಜಾರಿಗೊಳಿಸುವಂತೆ ಈ ಸರಕಾರವೂ ಇದೆ. ಕಪಟ ನಿರ್ಮಲ ಬಾಬಾಗಳು ಯುಪಿಎ ಸರಕಾರದಲ್ಲಿ ಹತ್ತಾರು ಮಂದಿ ಇದ್ದಾರೆ' ಎಂದು ಮೋದಿ ಕಿಡಿಕಾರಿದ್ದಾರೆ.

    ಮೋದಿ ಹಿಟ್ಲರ್ ಸಾಮ್ರಾಜ್ಯದ ಸಚಿವನಿದ್ದಂತೆ: ಯುಪಿಎ ಸರಕಾರದ ವಿರುದ್ಧ ಟೀಕಾ ಪ್ರಹಾರ ಮಾಡಿದ ಮೋದಿಯನ್ನು ಕಾಂಗ್ರೆಸ್ ತರಾಟೆಗೆ ತೆಗೆದುಕೊಂಡಿದೆ. ಗುಜರಾತಿನ ಹತಾಶ ಮುಖ್ಯಮಂತ್ರಿ ಮೋದಿ ಆತ್ಮಕ್ಕೆ ಹಿಟ್ಲರ್ ನ ಪ್ರಚಾರಕ ಸಚಿವನಾಗಿದ್ದ ಜೋಸೆಫ್ ಗೊಬೆಲ್ಸ್ ಪರಕಾಯ ಪ್ರವೇಶ ಮಾಡಿದಂತಿದೆ. ಮೋದಿ, ಅಸಾಂವಿಧಾನಿಕ ಪದಗಳ ಪ್ರಯೋಗ ಮಾಡಿದ್ದಾರೆ ಎಂದು ಕಾಂಗ್ರೆಸ್ ವಕ್ತಾರ ಮನೀಶ್ ತಿವಾರಿ ಅವರು ಮೋದಿಗೆ ತಿರುಗೇಟು ನೀಡಿದ್ದಾರೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Gujarat Chief Minister Narendra Modi has compared the Congress-led United Progressive Alliance (UPA) Government with tainted Godman Nirmal Baba.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more