ಮೋದಿ ಪ್ರಧಾನಿಯಾಗಬೇಕು ಏಕೆ?... ಟ್ವೀಟ್ ನೋಡಿ
ModiasPMBecause ಎಂಬ ಕೀ ಪದ ಟ್ವೀಟ್ಟರ್ ಟ್ರೆಂಡ್ ಪಟ್ಟಿಯಲ್ಲಿ ಕಳೆದ 12 ಗಂಟೆಗಳಿಂದ ಇದ್ದು, ಟ್ರೆಂಡ್ ಪಟ್ಟಿಯಲ್ಲಿ ಹೆಚ್ಚು ಕಾಲ ಅಗ್ರಸ್ಥಾನ ಕಾಯ್ದುಕೊಂಡ ಕೀ ಪದ ಎನಿಸಿದೆ.
ನರೇಂದ್ರ ಮೋದಿ ಪ್ರಧಾನಿಯಾಗಬೇಕು ಏಕೆ? ಎಂಬುದಕ್ಕೆ ಎಲ್ಲರೂ ಮೋದಿ ಅವರ ವೈವಿಧ್ಯಮಯ ವ್ಯಕ್ತಿತ್ವ, ಸರ್ವಾಂಗೀಣ ಅಭಿವೃದ್ಧಿ ಮಂತ್ರವೇ ಕಾರಣ ಎಂದಿದ್ದಾರೆ. ಗುಜರಾತಿನಲ್ಲಿ ಇಂಧನ, ಇ ಆಡಳಿತ, ಸೌರ ಶಕ್ತಿ, ಜಲ ಸಂರಕ್ಷಣೆ ಇವೆ ಮುಂತಾದ ಕ್ಷೇತ್ರಗಳಲ್ಲಿ ಮೋದಿ ಸರ್ಕಾರ ಕಂಡ ಪ್ರಗತಿ ಅಂತಾರಾಷ್ಟ್ರೀಯ ಗುಣಮಟ್ಟದ್ದಾಗಿದೆ.
ಮಹಾತ್ಮಾ ಗಾಂಧೀಜಿ ಕಂಡ ರಾಮ ರಾಜ್ಯದ ಕನಸು ನನಸು ಮಾಡುವ ತಾಕತ್ತು ಮೋದಿ ಒಬ್ಬರಿಗೆ ಇರುವುದು. ಸ್ವಾಮಿ ವಿವೇಕಾನಂದ ಅವರ ಜಾಣ್ಮೆ, ಸರ್ದಾರ್ ಪಟೇಲ್ ಅವರ ಧೈರ್ಯ ಮೋದಿಗಿದೆ ಎಂದು ಜನರು ಅಭಿಪ್ರಾಯಪಟ್ಟಿದ್ದಾರೆ.
ಈ ಸಮೀಕ್ಷೆಗಳಂತೆ ಈ ಹಿಂದೆ ಕೂಡಾ ಪ್ರಧಾನಿ ರೇಸ್ ನಲ್ಲಿ ಮೋದಿ ಎಲ್ಲರಿಗಿಂತ ಮುಂದಿದ್ದಾರೆ ಎಂಬುದು ಗಮನಾರ್ಹ. ಇಂಡಿಯಾ ಟುಡೇ ನಡೆಸಿದ 'Mood of the Nation' ಸಮೀಕ್ಷೆಯಲ್ಲಿ ರಾಹುಲ್ ಹಾಗೂ ಮನ ಮೋಹನ್ ಸಿಂಗ್ ರನ್ನು ಮೋದಿ ಹಿಂದಿಕ್ಕಿದ್ದರು.
ಯುಎಸ್ ಎ ಕಾಂಗ್ರೆಸ್ಸಿಗರು ಮೋದಿಯನ್ನು 'King of Governance' ಹೊಗಳಿದ್ದರು. ವಿಕಿಲೀಕ್ಸ್ ಸಹ ಜನಾಭಿಪ್ರಾಯ ಮೋದಿ ಕಡೆ ಇದೆ ಎಂದು ಮಾಹಿತಿ ಹೊರ ಹಾಕಿತ್ತು.
ಟೈಮ್ಸ್ ಮ್ಯಾಗಜೀನ್ ನ ಮುಖಪುಟದಲ್ಲಿ ರಾರಾಜಿಸಿರುವ ಮೋದಿ ಮುಂದೊಮ್ಮೆ ಭಾರತದ ಮುಖಪುಟದಲ್ಲಿ ಪ್ರಕಾಶಮಾನವಾಗಿ ಬೆಳಗಲಿ ಎಂದು ಸಾರ್ವಜನಿಕರು ಅಭಿಪ್ರಾಯಪಟ್ಟಿದ್ದಾರೆ.