ನಿಮ್ಮ ವಸ್ತು ಇತರರ ಬಳಕೆಗೆ ನೀಡಲು ಸಿದ್ಧರಿದ್ದೀರಾ?
ಆದರೆ, ಇಂಥ ವಸ್ತುಗಳನ್ನು, ಅಂದರೆ ನಮಗೆ ಅಗತ್ಯವಿಲ್ಲದ ಮತ್ತು ಇತರರಿಗೆ (ಪರಿಚಯಸ್ಥರಿಗೆ) ಅಗತ್ಯವಿರುವ ವಸ್ತುಗಳನ್ನು ಹಂಚಿಕೊಳ್ಳುವಂತಾದರೆ ಹೇಗೆ? ಅಗತ್ಯವಿರುವವರಿಗೆ ಉಪಯೋಗವೂ ಆಗುತ್ತದೆ ನಮಗೆ ನಾಲ್ಕು ಕಾಸು ಬಂದ ಹಾಗೆಯೂ ಆಗುತ್ತದೆ. ನಂಬಿಗಸ್ಥ ಕಂಪನಿ ಮುಖಾಂತರ ನಡೆಯುವುದರಿಂದ ಇಂಥ ವ್ಯವಹಾರಗಳಲ್ಲಿ ಜನರಿಗೆ ನಂಬಿಕೆಯೂ ಹುಟ್ಟುತ್ತದೆ.
ಇಂಥದೊಂಡು ಪರಿಕಲ್ಪನೆಯನ್ನು ಮುಂದಿಟ್ಟುಕೊಂಡು ರೂಂಗಾ ಇಂಕ್ ಮತ್ತು ಇನ್ಫೋಟೋರೋಸ್ ಕಾರ್ಪ್ ಕಂಪನಿಗಳೆರಡು ಒಪ್ಪಂದ ಮಾಡಿಕೊಂಡಿವೆ. ಅಮೆರಿಕದಲ್ಲಿ ಬಳಕೆಯಲ್ಲಿರುವ ಈ ಕಲ್ಪನೆಯನ್ನು ಭಾರತಕ್ಕೂ ವಿಸ್ತಾರ ಮಾಡುವ ಉದ್ದೇಶವನ್ನು ಇವೆರಡೂ ಕಂಪನಿಗಳು ಹೊಂದಿವೆ. ಆರಂಭದಲ್ಲಿ ಬೆಂಗಳೂರಿನಲ್ಲಿ ಈ ಪರಿಕಲ್ಪನೆ ಮೂರ್ತರೂಪ ಪಡೆಯಲಿದೆ.
"ಭಾರತದಲ್ಲಿ ಆಗಲೇ ನಡೆಯುತ್ತಿರುವ ವಸ್ತು-ಹಂಚಿಕೆ-ವ್ಯವಹಾರಗಳಲ್ಲಿ ರೂಂಗಾದ ಯೋಜನೆಗಳು ಸಕಾರಾತ್ಮಕವಾಗಿ ಕಾರ್ಯರೂಪಕ್ಕೆ ಬಂದರೆ ಯಶಸ್ವಿಯಾಗುವುದರಲ್ಲಿ ಸಂದೇಹವೇ ಇಲ್ಲ. ಪ್ರಾಡಕ್ಟ್-ಬೆಳವಣಿಗೆ ಮಾತ್ರವಲ್ಲದೆ ಭಾರತದಲ್ಲಿ ರೂಂಗಾಕ್ಕಿರುವ ಅವಕಾಶಗಳೂ ಬಹಳ ಉತ್ಸಾಹದಾಯಕವಾಗಿದೆ" ಎಂದು ಇನ್ಫೋಟೋರೋಸಿನ ಅಧ್ಯಕ್ಷರಾದ ಸುನಿಲ್ ಮೂರ್ತಿಯವರು ಒನ್ಇಂಡಿಯಾ-ಕನ್ನಡಕ್ಕೆ ತಿಳಿಸಿದರು.
ರೂಂಗಾ : ನಂಬಿಕಸ್ಥರೊಡನೆ ವಸ್ತು ಹಂಚಿಕೆಗೆಂದು ನಿರ್ಮಿಸಿದ ನಿಯಂತ್ರಿತ ಸೋಷಿಯಲ್ ತಂಗುದಾಣ ರೂಂಗಾ. ಕ್ರೈಗ್ಸ ಲಿಸ್ಟ್ ಹಾಗೂ ಫ್ರೀ ಸೈಕಲ್-ಗಳಿಗೆ ಪರ್ಯಾಯವಾದ ರೂಂಗಾದಲ್ಲಿ ಬಳಕೆದಾರರು ತಮ್ಮ ಪೋಸ್ಟುಗಳನ್ನು ಯಾರು ನೋಡುತ್ತಾರೆಂದು ನಿರ್ಧರಿಸಬಹುದು. ಈ ಹಂಚಿಕೆ ನಂಬಿಕಸ್ಥರಲ್ಲಿ ಮಾತ್ರವಾದದ್ದರಿಂದ ಬಳಕೆದಾರನು ತನಗೆ ಬೇಡವಾದ ವಸ್ತುವನ್ನು ಬಾಡಿಗೆ/ಬಳಕೆ/ಮಾರಾಟಕ್ಕಾಗಿ ಕೊಡಬಲ್ಲ. ಅನ್ಯರಿಂದ ತನಗೆ ಬೇಕಾಗಿರುವ ವಸ್ತುಗಳನ್ನೂ ಪಡೆಯಬಲ್ಲ.
ಇನ್ಫೋಟೋರೋಸ್ : ಉದ್ಯಮ, ಗ್ರಾಹಕ ಮಟ್ಟದಲ್ಲಿ ಕ್ಲೌಡ್ ತಂತ್ರಜ್ಞಾನ ಹಾಗೂ ಕನ್ಸಲ್ಟಿಂಗ್ ಸೇವೆಗಳನ್ನೊಳಗೊಂಡಿರುವ ಕಂಪನಿ ಇನ್ಫೋಟೋರೋಸ್. ಅಮೆರಿಕದಲ್ಲಿ ಅಟ್ಲಾಂಟಾ ಹಾಗೂ ಭಾರತದಲ್ಲಿ ಬೆಂಗಳೂರಿನಲ್ಲಿ ಸಂಸ್ಥಾಪಿತವಾಗಿರುವ ಇನ್ಫೋಟೋರೋಸ್ ಪ್ರಾಡಕ್ಟ್-ಇಂಜಿನಿಯರಿಂಗ್, ಜಾಹಿರಾತು, ಡಿಜಿಟಲ್ ಮಾಧ್ಯಮ, ಬ್ಯಾಂಕಿಂಗ್ ಹಾಗೂ ಹಣಕಾಸು ಸೇವೆ - ಇವೇ ಮೊದಲಾದ ಕ್ಷೇತ್ರಗಳಲ್ಲಿ ಪರಿಣತಿಯ ಇತಿಹಾಸವನ್ನು ಹೊಂದಿದೆ.
Click it and Unblock the Notifications
Sign in with Google