ಸಾಲ ತೀರಿಸಲು Air India ಆಸ್ತಿ ಮಾರಾಟ

ನವದೆಹಲಿ, ಮೇ 15: ಸರಕಾರಿ ಸಂಸ್ಥೆಯೊಂದು ಎಂಥಾ ದುಃಸ್ಥಿತಿಗೆ ಬಂದಿದೆ ನೋಡಿ. ಏನೋ, ಮಲ್ಯ ಸಂಸ್ಥೆ ದಿವಾಳಿಯೆದ್ದು UB Tower ಅನ್ನು ಮಾರಾಟಕ್ಕಿಟ್ಟರೆ ಅದು ಅವರ ಖಾಸಗಿ ಸಂಸ್ಥೆ/ ಖಾಸಗಿ ವಿಚಾರ ಅಂದುಕೊಂಡು ಸುಮ್ಮನಾಗಬಹುದು. ಆದರೆ ಇದೇನಿದು ಸರಕಾರಿ ಸಂಸ್ಥೆಗೆ ಇಂತಹ ದುರ್ಗತಿ. ಹಾಗೆಂದು ಇದೇನು ಅನಿರೀಕ್ಷಿತವಲ್ಲ.

24 ಸಾವಿರ ಕೋಟಿ ರೂ. ಸಾಲದಲ್ಲಿ

Air India ಸರಕಾರಿ ವಿಮಾನ ಸಂಸ್ಥೆಗೆ ಸಂಕಷ್ಟಗಳ ಸರಮಾಲೆಯೇ ಎದುರಾಗಿದೆ. ಅತ್ತ ಪೈಲಟುಗಳು ಟೇಕ್ ಆಫ್ ಗೆ ಸುತರಾಂ ಒಪ್ಪದೇ Air Indiaಗೆ ಮತ್ತಷ್ಟು

ತಂದಿದ್ದಾರೆ.

ಈ ಮಧ್ಯೆ Air India ರಿಯಲ್ ಎಸ್ಟೇಟ್ ಅದ್ಭುತವಾಗಿದೆ. ತನ್ನ ಅಮೂಲ್ಯ ಆಸ್ತಿಯನ್ನೇ ಅಡಮಾನವಿಟ್ಟು ಮುಂದಿನ 10 ವರ್ಷಗಳಲ್ಲಿ 5,000 ಕೋಟಿ ರು. ಹಣವೆತ್ತಲು ನಿರ್ಧರಿಸಿದೆ. ಜತೆಗೆ, ಸರಕಾರದ ಖಾತ್ರಿಯಲ್ಲಿ non-convertible debentures ಮೂಲಕ 7,400 ಕೋಟಿ ರು. ಹಣ ಸಂಗ್ರಹಿಸಿ, ಸಾಲ ತೀರಿಸಲು ಮುಂದಾಗಿದೆ.

ಸೋಮವಾರ ನಡೆದ Air India ಆಡಳಿತ ಮಂಡಲಿ ಸಭೆಯಲ್ಲಿ ಈ ಕುರಿತು ಒಮ್ಮತದ ನಿರ್ಧಾರಕ್ಕೆ ಬರಲಾಗಿದೆ. ಜೂನ್ 30ರ ವೇಳೆಗೆ ಈ ನಿರ್ಣಯ ಸ್ಪಷ್ಟ ಸ್ವರೂಪ ಪಡೆಯಲಿದೆ. ಅದಕ್ಕಾಗಿ Air India, ಸೂಕ್ತ ರಿಯಲ್ ಎಸ್ಟೇಟ್ ಕುಳಗಳ ಹುಡುಕಾಟ ನಡೆಸಿದೆ.

ಹೀಗೇ, ಕಿಂಗ್‌ಫಿಶರ್‌ ಏರ್‌ಲೈನ್ಸ್‌ ಸಹ ದಿವಾಳಿ ಹಂತಕ್ಕೆ ತಲುಪಿದೆ. ಹಾಗಾಗಿ ಆ ಕಂಪನಿಯ ಮಾಲೀಕ ಮದ್ಯದ ದೊರೆ ವಿಜಯ್‌ ಮಲ್ಯ ತಮ್ಮ UB Tower ಅನ್ನೇ ಮಾರಾಟ ಕಮ್ ಭೋಗ್ಯಕ್ಕೆ ಇಟ್ಟಿದ್ದಾರೆ. Air India ಸಹ ವಿಜಯ್‌ ಮಲ್ಯರಿಂದ ಪ್ರೇರಣೆ ಪಡೆಯಿತೇ ಎಂಬುದು ಸದ್ಯಕ್ಕೆ ತಿಳಿದುಬಂದಿಲ್ಲ.

English summary

Debt-ridden Air India is to raise about Rs 5,000 crore over 10 years by monetizing its assets. The airline is also going to issue government-backed non-convertible debentures for Rs 7,400 crore for part repayment of working capital loans.