ಕೋಟಿ ಗೆದ್ದು ಕೋಟಿ ದಾನಮಾಡಿದ ಕೋಟ್ಯಾಧಿಪತಿ

ನ್ಯೂಯಾರ್ಕ್, ಏ.27: ಆತನ ಹೆಸರು ಜೇಮ್ಸ್ ಪೆರಿ, ಆತ ಗೆದ್ದಿದ್ದು ಕೋಟ್ಯಾಂತರ ಡಾಲರ್ ನೀಡೋ ಸ್ಪರ್ಧೆಯಷ್ಟೇ ಅಲ್ಲ. ಎಲ್ಲರ ಹೃದಯವನ್ನು ಕ್ಷಣಾರ್ಧದಲ್ಲೇ ಗೆದ್ದುಬಿಟ್ಟ. ಕೌನ್ ಬನೇಗಾ ಕರೋಡ್ ಪತಿ, ಕನ್ನಡದ ಕೋಟ್ಯಾಧಿಪತಿಯ ದೊಡ್ಡಪ್ಪ "Who Wants To Be A Millionaire" ಆಟದಲ್ಲಿ ಬರೋಬ್ಬರಿ 15,800 ಡಾಲರ್ ಗೆದ್ದ ಜೇಮ್ಸ್ ಅಷ್ಟು ಹಣವನ್ನು ತನ್ನ ಪತ್ನಿ ನ್ಯಾನ್ಸಿ ಆರಂಭಿಸಿರುವ ಎನ್ ಜಿಒಗೆ ನೀಡಿಬಿಟ್ಟ.

ಇದರಲ್ಲಿ ಏನು ವಿಶೇಷ, ಗಂಡ ಗೆದ್ದ ದುಡ್ಡು ಹೆಂಡತಿ ಕೈ ಸೇರಿದೆ ಎಂದು ಮೂಗು ಮುರಿಯುವಂತಿಲ್ಲ. Huntsville ನಿವಾಸಿ ಜೇಮ್ಸ್ ಎರಡು ಬಾರಿ ಬ್ರೈನ್ ಟ್ಯೂಮರ್ ಹೊಡೆತಕ್ಕೆ ಸಿಕ್ಕಿ ಬದುಕುಳಿದ್ದಾನೆ.

ಪ್ರಪಂಚದಲ್ಲಿ ಕೇವಲ 4% ಕಾಣಿಸಿಕೊಳ್ಳುವ ಈ ವಿಚಿತ್ರ ಕಾಯಿಲೆ ಹೆಸರು oligodendroglioma. ಈ ವಿರಳ ಕಾಯಿಲೆ ವಿರುದ್ಧ ಸಮರ ಸಾರಿರುವ ಜೇಮ್ಸ್ ಪತ್ನಿ ನ್ಯಾನ್ಸಿ Operation Oligo Cure ಎಂಬ ಲಾಭರಹಿತ ಸಂಸ್ಥೆ ಹುಟ್ಟುಹಾಕಿದ್ದಾರೆ. ಜೇಮ್ಸ್ ತಾನು ಗೆದ್ದ ಹಣವನ್ನು ಈ ಸಂಸ್ಥೆಗೆ ನೀಡಿ ಎಲ್ಲರ ಮನ ಗೆದ್ದಿದ್ದಾನೆ.

2010ರಲ್ಲಿ ಟ್ಯೂಮರ್ ಫ್ರೀ ಎನಿಸಿಕೊಂಡ 40 ವರ್ಷದ ಪೆರಿಗೆ ಇಬ್ಬರು ಮಕ್ಕಳಿದ್ದಾರೆ. ತಾಳ್ಮೆ ಹಾಗೂ ಸಹಿಸುವ ಗುಣ ನನ್ನ ಪತ್ನಿಯಿಂದ ಕಲಿತೆ. ಇದು ಟ್ಯೂಮರ್ ಕೊಲ್ಲಲು, ಗೇಮ್ ಗೆಲ್ಲಲು ಸಹಕಾರಿಯಾಯಿತು ಎಂದು ಜೇಮ್ಸ್ ಹೇಳಿದ್ದಾನೆ.

English summary

James Perri who won $15,800 on 'Who Wants To Be A Millionaire' donated the entire amount to Operation Oligo Cure, a nonprofit started by his wife, Nancy. James has survived rare brain tumors twice. and now raising funds to cure oligodendroglioma a rare disease.