ಭಾರತದ ಅತೀದೊಡ್ಡ ರಾಜಕೀಯ ಸಮೀಕ್ಷೆ. ನೀವು ಭಾಗವಹಿಸಿದ್ದೀರಾ?
  • search

ಮಂತ್ರಿಗಿರಿಗಾಗಿ ಒತ್ತಾಯ, 30 ಶಾಸಕರ ಸಹಿ ಸಂಗ್ರಹ

By Mahesh
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Ct Ravi
    ಬೆಂಗಳೂರು, ಏ.26: ಹೊಸ ಖಾತೆ ಇಲ್ಲ, ಖಾತೆ ಮರುಹಂಚಿಕೆ ಮಾತ್ರ ಎಂದು ಪಕ್ಷದ ರಾಜ್ಯಾಧ್ಯಕ್ಷ ಕೆಎಸ್ ಈಶ್ವರಪ್ಪ ಹೇಳಿದ್ದನ್ನು ಕೇಳಿಸಿಕೊಂಡ ಶಾಸಕರು ಮತ್ತೆ ತಮ್ಮ ಆಟ ಶುರು ಮಾಡಿದ್ದಾರೆ. ಸಿಟಿ ರವಿ ನೇತೃತ್ವದಲ್ಲಿ ಸಹಿ ಸಂಗ್ರಹ ಕಾರ್ಯ ಗುಟ್ಟಾಗಿ ನಡೆದಿದೆ.

    ವಿಶೇಷ ಎಂದರೆ, ಸಿಎಂ ಸದಾನಂದ ಗೌಡರ ಅಭಯ ಹಸ್ತ ಸಿಕ್ಕಿದ ಮೇಲೂ ಶಾಸಕ ಅಪ್ಪಚ್ಚು ರಂಜನ್ ಕೂಡಾ ಅತೃಪ್ತ ನಾಯಕ ಸಿಟಿ ರವಿ ಬಳಗದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿಟಿ ರವಿ ಜೊತೆ ಮಾಜಿ ಸಚೇತಕ ಜೀವರಾಜ್ ಸೇರಿದಂತೆ 30 ಮಂದಿ ಸಚಿವ ಸ್ಥಾನಾಕಾಂಕ್ಷಿಗಳಿದ್ದಾರೆ.

    ಯಡಿಯೂರಪ್ಪ ರಗಳೆ ನಂತರ ಕರ್ನಾಟಕ ಬಿಜೆಪಿ ಮತ್ತೊಂದು ಹೊಸ ಸಂಕಟ ಎದುರಿಸಲು ಸಿದ್ಧವಾಗಬೇಕಿದೆ. ಶಾಸಕ ಸಿಟಿ ರವಿ, ಅಪ್ಪಚ್ಚು ರಂಜನ್, ಸೊಗಡು ಶಿವಣ್ಣ, ಅಪ್ಪು ಪಟ್ಟನಶೆಟ್ಟಿ ಹಾಗೂ ಇತರರು ಪಕ್ಷ ಕಟ್ಟಿದ ಕಾರ್ಯಕರ್ತರು ಎಂಬುದನ್ನು ಮತ್ತೆ ನೆನಪಿಸಿಕೊಡಲು ಸಂಕಲ್ಪಿಸಿದ್ದಾರೆ.

    ಬಿಜೆಪಿ ನಾನು ಕಟ್ಟಿದ ಪಕ್ಷ ಎಂದು ಎಲ್ಲೆಡೆ ಹೇಳಿಕೊಂಡು ಯಡಿಯೂರಪ್ಪ ಹೇಳಿಕೊಂಡು ತಿರುಗಾಟ ಮಾಡಿದ್ದು, ಈಗ ಈ ಹೊಸ ಬಂಡಾಯ ವೀರರಿಗೆ ಮಾದರಿಯಾಗಲಿದೆ.

    ಪಕ್ಷ ಒಬ್ಬರಿಂದ ಕಟ್ಟಲು ಸಾಧ್ಯವಿಲ್ಲ. ನಮ್ಮಂಥ ಹಳಬರಿಗೆ ಸೂಕ್ತ ಸ್ಥಾನಮಾನ ನೀಡದಿರುವುದು ಸರಿಯಲ್ಲ ಎಂದು ಬಿಜೆಪಿ ವರಿಷ್ಠರಿಗೆ ಮನವರಿಕೆ ಮಾಡಿಕೊಡಲು ಸಿಟಿ ರವಿ ನೇತೃತ್ವದ ಬಣ ಸಿದ್ಧವಾಗಿದೆ. ಈ ಬಗ್ಗೆ ಪಕ್ಷದ ರಾಷ್ಟ್ರಾಧ್ಯಕ್ಷ ನಿತಿನ್ ಗಡ್ಕರಿ ಅವರಿಗೆ ಪತ್ರ ಬರೆಯಲು ಸಿದ್ಧತೆ ನಡೆದಿದೆ.

    ಹೊಸಬರಿಗೆ ಸಂಪುಟದಲ್ಲಿ ಸ್ಥಾನ ಕಲ್ಪಿಸಿ, ಹಳಬರನ್ನು ಮೂಲೆಗುಂಪು ಮಾಡಿ, ಸಂಪುಟ ವಿಸ್ತರಣೆ ಇಲ್ಲ, ಖಾತೆ ಪುನರ್ ವಿಂಗಡಣೆ ಮಾಡಲು ಹೊರಟಿರುವ ಈಶ್ವರಪ್ಪ ಹಾಗೂ ಸದಾನಂದ ಗೌಡ ಅವರ ಯೋಜನೆ ತಡೆಗಟ್ಟಲು ಸಿಟಿ ರವಿ ಬಣ ಸಹಿ ಸಂಗ್ರಹ, ವರಿಷ್ಠರಿಗೆ ಪತ್ರ ಮುಂತಾದ ಅಸ್ತ್ರಗಳೊಂದಿಗೆ ಸಿದ್ಧವಾಗಿದೆ.

    ಈ ನಡುವೆ ಬಿಜೆಪಿ ಪಕ್ಷದ ಒಳ ಪಂಗಡಗಳಲ್ಲೇ ಅಲ್ಲಿಂದ ಇಲ್ಲಿಗೆ ಇಲ್ಲಿಂದ ಅಲ್ಲಿಗೆ ಹಾರುವುದರಲ್ಲಿ ಹೆಸರುವಾಸಿಯಾಗಿರುವ ಸಾಗರದ ಶಾಸಕ ಬೇಳೂರು ಗೋಪಾಲಕೃಷ್ಣ ಅವರ ಸುಳಿವು ಇನ್ನೂ ನಮ್ಮ ಬಾತ್ಮಿದಾರರಿಗೆ ಸಿಕ್ಕಿಲ್ಲ. ಸಚಿವ ಸ್ಥಾನದ ಪ್ರಮುಖ ಆಕಾಂಕ್ಷಿಯಾಗಿರುವ ಬೇಳೂರು ಅವರು ಯಾವ ಬಣದಲ್ಲೂ ಇನ್ನೂ ಕಾಣಿಸಿಕೊಳ್ಳದಿರುವುದು ಈ ದಿನದ ಮಟ್ಟಿಗೆ ಅಚ್ಚರಿಯ ಸಂಗತಿಯಾಗಿದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    The Karnataka BJP is facing a fresh problem. Old Horses of BJP like CT Ravi are busy in sign campaign to get cabinet berth in DV Sadananda Gowda. Earlier, KS Eshwarappa said only cabinet re shuffle is possible no new entry is allowed.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more