ಮದ್ವೆಗೆ ಲೇಟಾಗಿ ಬಂದ ವರನಿಗೆ ಹೆಣ್ಣು ಇಲ್ಲ ಹಣ್ಣು ಇಲ್ಲ
ಗಾಜಿಯಾಬಾದ್ ನ ಮುರಾದ್ ನಗರದಲ್ಲಿ ಬೆಳಗ್ಗೆ 10.30ಕ್ಕೆ ಮದುವೆ ಹಾಲ್ ನಲ್ಲಿ ವಧು ನಗ್ಮಾ ಕಡೆಯವರು ಕಾದು ಕೂತಿದ್ದರು. ಮಧ್ಯಾಹ್ನವಾದರೂ ಹುಡುಗನ ಕಡೆಯವರು ಪತ್ತೆಯಾಗಲಿಲ್ಲ. ಕೆಲವರು ಕದ್ದುಮುಚ್ಚಿ ಹೊಟ್ಟೆಪೂಜೆ ಮುಗಿಸಿಕೊಂಡರು. ಇನ್ನು ಕೆಲವರು ವರನ ಕಡೆಯವರನ್ನು ಚೆಚ್ಚಲು ತೋಳು ಮಡಚಿಕೊಂಡು ಸನ್ನದ್ಧರಾಗಿದ್ದರು.
ವರ ಜಮೀಲನ ಕಡೆಯವರು ಯಾವ ಡಕೋಟ ಎಕ್ಸ್ ಪ್ರೆಸ್ ಹತ್ತಿ ಬಂದರೋ ಏನೋ ಛತ್ರಕ್ಕೆ ಬರುವಷ್ಟರಲ್ಲಿ ಸಂಜೆ ನಮಾಜು ಸಮಯ ಮೀರಿತ್ತು. ವರನ ಕಡೆಯವರು ಮದುವೆ ಹಾಲ್ ಗೆ ಕಾಲಿಡುತ್ತಿದ್ದಂತೆ ವಧುವಿನ ಕಡೆಯವರು ಮುಗಿ ಬಿದ್ದು ಹಿಗ್ಗಾ ಮುಗ್ಗಾ ಚೆಚ್ಚಿ ಸ್ವಾಗತಿಸಿದ್ದಾರೆ.
ಈ ರೀತಿ ಹೊಡಿಬಡಿ ಸ್ವಾಗತ ಸಿಕ್ಕಿದ್ದು ಕಂಡು ಗಾಬರಿಗೊಂಡ ವರ ಜಮೀಲ್ ಗೆ ಇನ್ನೊಂದು ಶಾಕ್ ಕಾದಿತ್ತು. ಲೇಟ್ ಆಗಿ ಬಂದ ಕಾರಣ ಮದುವೆ ಕೂಡಾ ಕೈತಪ್ಪಿಹೋಗಿತ್ತು. ನಗ್ಮಾಳಿಗೆ ಇನ್ನೊಬ್ಬ ಯುವಕನನ್ನು ಕೊಟ್ಟು ಮದುವೆ ಮುಗಿಸಲಾಗಿತ್ತು. ಪೊಲೀಸರು ಬಂದು ಎರಡೂ ಕಡೆಯವರಿಗೆ ಸಮಾಧಾನ ಮಾಡಿದ ಮೇಲೆ ಈ ಗಲಾಟೆ ಎಪಿಸೋಡ್ ಮುಕ್ತಾಯವಾಗಿದೆ.
Click it and Unblock the Notifications
Sign in with Google