ಇನ್ಫೋಸಿಸ್ ಮೇಲೆ ವೀಸಾ ವಂಚನೆ ಆರೋಪ

ಕ್ಯಾಲಿಫೋರ್ನಿಯಾ, ಏ.13: ಇನ್ಫೋಸಿಸ್ ಸಂಸ್ಥೆಯ ಮಾಜಿ ಉದ್ಯೋಗಿಯೊಬ್ಬರು ಸಿಬಿಎಸ್ ಮಾಧ್ಯಮಕ್ಕೆ ನೀಡಿದ ಸಂದರ್ಶನವೊಂದರಲ್ಲಿ ಐಟಿ ಲೋಕ ಬೆಚ್ಚಿ ಬೀಳುವಂಥ ಹೇಳಿಕೆ ಕೊಟ್ಟಿದ್ದಾರೆ.

ಅಮೆರಿಕದ ವೀಸಾ ನೀತಿ, ಬಿಸಿನೆಸ್ ವೀಸಾ ನಿಯಮಗಳನ್ನು ಮೀರಿ ಭಾರತದ ಉದ್ಯೋಗಿಗಳನ್ನು ಅಮೆರಿಕಕ್ಕೆ ಕಳುಹಿಸುವ ಮೂಲಕ ದೊಡ್ಡ ವಂಚನೆ ಜಾಲದಲ್ಲಿ ಇನ್ಫೋಸಿಸ್ ಮುಳುಗಿದೆ ಎಂದು ಆರೋಪಿಸಲಾಗಿದೆ.

ಸ್ಥಳೀಯ ಐಟಿ ತಜ್ಞರನ್ನು ನೇಮಕ ಮಾಡಿಕೊಳ್ಳದೆ ಅಕ್ರಮವಾಗಿ ಭಾರತೀಯ ಉದ್ಯೋಗಿಗಳನ್ನು ಕರೆಸಿಕೊಳ್ಳುತ್ತಿರುವುದು ಬೆಳಕಿಗೆ ಬಂದಿದೆ ಎಂದು ಜಾಬ್ ಕನ್ಸಲ್ಟೆಮ್ಟ್ ಜೇ ಪಾಮರ್ ಆರೋಪಿಸಿದ್ದಾರೆ.

ಆದರೆ, ಪಾಮರ್ ಅವರ ಆರೋಪಗಳನ್ನು ಅಲ್ಲಗೆಳೆದಿರುವ ಇನ್ಫೋಸಿಸ್ ಸಂಸ್ಥೆ, 'ಆರೋಪಗಳು ಉತ್ತಮ ಕಥೆಯನ್ನು ಸೃಷ್ಟಿಸಬಹುದೇ ವಿನಾ ಸತ್ಯವನ್ನು ಹೇಳುವುದಿಲ್ಲ' ಎಂದಿದೆ.

ಭಾರತದಿಂದ ಕರೆಸಿಕೊಳ್ಳುವ ಉದ್ಯೋಗಿಗಳಿಗೆ ಕಡಿಮೆ ಸಂಬಳ ನೀಡಿ, ಅಮೆರಿಕದ ಉದ್ಯೋಗಾರ್ಥಿಗಳಿಗೆ ವಂಚಿಸುತ್ತಿರುವ ಆರೋಪವೂ ಇನ್ಫೋಸಿಸ್ ಮೇಲೆ ಹೊರೆಸಲಾಗಿದೆ.

ಎಚ್ -1ಬಿ ವೀಸಾ ಮೇಲೆ ಯುಎಸ್ ಎ ಕಡಿವಾಣ ಹಾಕಿದ ಮೇಲೆ ಬಿ-1 ವೀಸಾ ಬಳಸಿ ತನ್ನ ಉದ್ಯೋಗಿಗಳನ್ನು ಕರೆಸಿಕೊಳ್ಳುತ್ತಿದೆ ಎಂದು ಪಾಮರ್ ಆರೋಪಿಸಿದ್ದಾರೆ.

English summary

A former company insider accused IT giant Infosys of visa fraud by bringing in Indian workers illegally to the US and violating business visa rules. Infosys hit at the allegations saying that the "allegations make for an interesting story, but it is not the facts."