ಭಾರತದ ಅತೀದೊಡ್ಡ ರಾಜಕೀಯ ಸಮೀಕ್ಷೆ. ನೀವು ಭಾಗವಹಿಸಿದ್ದೀರಾ?
  • search

ದೀದಿ ಕೃಪೆ: ಏರಿದ್ದ ರೈಲು ಪ್ರಯಾಣ ದರ ಇಳಿಕೆ?

By Srinath
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    thanks-to-mamata-railway-passenger-fares-rollback-soon
    ನವದೆಹಲಿ, ಮಾ.15: ಸರಿಯಾಗಿ 10 ವರ್ಷದ ನಂತರ ನಿನ್ನೆಯಷ್ಟೇ ಏರಿಸಲಾಗಿದ್ದ ರೈಲು ಪ್ರಯಾಣ ದರವನ್ನು ವಾಪಸ್ ಪಡೆಯುವ ಸಾಧ್ಯತೆಗಳು ಹೆಚ್ಚಾಗಿವೆ. ಆದರೆ ಇದರಿಂದ ಪ್ರಯಾಣಿಕರು ಸಧ್ಯಕ್ಕೆ ಖುಷಿಪಡಬಹುದಾದರೂ ದೀರ್ಘಾವಧಿಯಲ್ಲಿ ಇದರಿಂದ ಹೊಡೆತ ಬೀಳುವುದು ನಿಶ್ಚಿತ.

    ರೈಲ್ವೆ ಸಚಿವ ದಿನೇಶ್ ತ್ರಿವೇದಿ ಅವರನ್ನು ರೈಲ್ವೆ ಖಾತೆಯಿಂದ ಕೆಳಗಿಳಿಸಿ, ಆತ ಹೆಚ್ಚಿಸಿರುವ ರೈಲು ಪ್ರಯಾಣ ದರವನ್ನು ತಕ್ಷಣ ವಾಪಸ್ ಪಡೆಯಬೇಕು ಎಂದು ಪ್ರಧಾನಿಗೆ ಖಡಕ್ಕಾಗಿ ಹೇಳಿದ್ದ ಪಶ್ಚಿಮ ಬಂಗಾಳದ ದೀದಿ ಮಮತಾ ಬ್ಯಾನರ್ಜಿ ತಕ್ಷಣಕ್ಕೆ ಒಂದರಲ್ಲಿ ಗೆಲುವಿನ ನಗೆ ಬೀರಿದ್ದಾರೆ. ಅರ್ಥಾತ್ ದಿನೇಶ್ ರಾಜೀನಾಮೆ ಒಗಾಯಿಸಿದ್ದಾರೆ.

    ಆದರೆ ಹೆಚ್ಚಾಗಿರುವ ರೈಲು ಪ್ರಯಾಣ ದರ ಮೊತ್ತವನ್ನು ಜಾರಿಗೆ ತರುವ ಮುನ್ನವೇ ವಾಪಸ್ ಪಡೆಯುವ ಬಗ್ಗೆ ಕೇಂದ್ರ ಸರಕಾರ ಈಗಲೇ ಏನನ್ನೂ ಹೇಳಿಲ್ಲವಾದರೂ ದಿನೇಶ್ ಏರಿಸಿರುವ ರೈಲು ಪ್ರಯಾಣ ದರವನ್ನು ವಾಪಸ್ ಪಡೆಯುವುದು ಬಹುತೇಕ ನಿಶ್ಚಿತ ಎನ್ನಲಾಗಿದೆ. ಅದಕ್ಕಿಂತ ಮುಖ್ಯವಾಗಿ ದೀದಿ ಮಮತಾರ ಎರಡೂ ಬೇಡಿಕೆಗೆ ಪ್ರಧಾನಿ ಸಿಂಗ್ ಅಸ್ತು ಎಂದಿದ್ದಾರೆ ಎಂದು ಉನ್ನತ ಮೂಲಗಳು ತಿಳಿಸಿವೆ.

    ಚೋದ್ಯವೆಂದರೆ ಸಚಿವ ದಿನೇಶ್ ಮಂಡಿಸಿದ್ದ ರೈಲ್ವೆ ಬಜೆಟ್ ಅನ್ನು ಪ್ರಧಾನಿ ಸಿಂಗ್ 'ಪ್ರಗತಿಪರ ಮತ್ತು ಆಧುನಿಕ' ಎಂದು ಬಣ್ಣಿಸಿದ್ದರು. ಕುತೂಹಲದ ಸಂಗತಿಯೆಂದರೆ ಸಚಿವರೊಬ್ಬರು ಮಂಡಿಸಿದ ಬಜೆಟ್ ಬಗ್ಗೆ ಸಂಸತ್ತಿನಲ್ಲಿ ರರ್ಚಿಸುವುದಕ್ಕೂ ಮುನ್ನವೇ ಆ ಸಚಿವರೇ ನಿರ್ಗಮಿಸಿರುವುದು ಭಾರತದ ಇತಿಹಾಸದಲ್ಲಿ ಇದೇ ಮೊದಲು.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    The India Union Railway Minister Dinesh Trivedi who had presented his maiden Rail Budget on Wednesday (Mar 14) has stepped down thanks to Mamata Banerjee. I nthe mean while the Union Govt is all set to yeild to Mamata Banerjee's another demand that rollback of hike in passenger fares.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more