ಪೆಟ್ರೋಲ್ ಬೆಲೆ ಲೀಟರಿಗೆ 4 ರು. ಏರಿಕೆ ಸಂಭವ
ಕಳೆದ ಫೆ. 13ರಂದೇ ಪೆಟ್ರೋಲ್ ಬೆಲೆ ಲೀಟರಿಗೆ 3 ರು. ಏರಿಸುವುದಾಗಿ ಸೂಚನೆ ಕೊಟ್ಟಿದ್ದವು. ಭಾರತ್ ಪೆಟ್ರೋಲಿಯಂ, ಹಿಂದೂಸ್ತಾನ್ ಪೆಟ್ರೋಲಿಯಂ ಮತ್ತು ಇಂಡಿಯನ್ ಆಯಿಲ್ ಕಾರ್ಪೋರೇಷನ್ಗಳು ಪೆಟ್ರೋಲ್ ಮತ್ತು ಡೀಸೆಲ್ ದರ ಏರಿಸಲು ತುದಿಗಾಲಿನಲ್ಲಿ ನಿಂತಿದ್ದವು.
ಆದರೆ, ಉತ್ತರ ಪ್ರದೇಶ ಸೇರಿದಂತೆ ಐದು ರಾಜ್ಯಗಳಲ್ಲಿ ಚುನಾವಣೆ ಇದ್ದಿದ್ದರಿಂದ ಕೇಂದ್ರ ಸರಕಾರ ಪೆಟ್ರೋಲ್ ಬೆಲೆ ಏರಿಕೆಗೆ ಸಹಮತ ವ್ಯಕ್ತಪಡಿಸಿದ್ದಿಲ್ಲ. ಚುನಾವಣೆ ಮುಗಿಯುವವರೆಗೆ ಏರಿಸದಂತೆ ತಾಕೀತು ಮಾಡಲಾಗಿತ್ತು. ಈಗ ಚುನಾವಣೆ ಪರ್ವ ಮುಗಿದಿದೆ. ಹಾಗಾಗಿ ತೈಲ ಬೆಲೆ ಏರುವುದು ನಿಚ್ಚಳವಾಗಿದೆ.
ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ಬೆಲೆಯಲ್ಲಿ ಏರಿಕೆ ಕಂಡುಬಂದಿದ್ದರೂ ಎರಡು ತಿಂಗಳಿನಿಂದ ತೈಲೋತ್ಪನ್ನಗಳ ಬೆಲೆ ಏರಿಸಿಲ್ಲ. ಇದು ಹೀಗೆ ಬಹುದಿನ ನಡೆಯುವುದು ಸಾಧ್ಯವಿಲ್ಲ. ಬೆಲೆ ಏರಿಸದಿದ್ದರೆ ಕಂಪನಿಗಳು ಭಾರೀ ನಷ್ಟ ಅನುಭವಿಸಬೇಕಾಗುತ್ತದೆ ಎಂದು ಐಓಸಿ ಚೇರ್ಮನ್ ಆರ್.ಎಸ್. ಬುಟೋಲಾ ಹೇಳಿದ್ದಾರೆ.
ಈ ಬೆಲೆ ಏರಿಕೆ ಯಾವಾಗಿನಿಂದ ಜಾರಿಗೆ ಬರುವುದು ಎಂಬುದು ಇನ್ನೂ ನಿಖರವಾಗಿಲ್ಲ. ಆದ್ದರಿಂದ, ಪೆಟ್ರೋಲ್ ಬಂಕುಗಳಲ್ಲಿ 'ನೋ ಸ್ಟಾಕ್' ಬೋರ್ಡ್ ತಗುಲಿ ಹಾಕದಿದ್ದರೆ, ಇಂದೇ ಬೈಕು, ಕಾರುಗಳನ್ನು ಪೆಟ್ರೋಲ್, ಡೀಸೆಲ್ನಿಂದ ಭರ್ತಿ ಮಾಡಿಕೊಳ್ಳುವುದು ಜಾಣತನ.