ಮತ್ತೆ ನೆಲಕಚ್ಚಿದ ಕಿಂಗ್ ಫಿಷರ್, ಪ್ರಯಾಣಿಕರ ಪರದಾಟ
ಸಂಬಳ ಸಿಗದೆ ಪರದಾಡುತ್ತಿರುವ ಕೋಲ್ಕತ್ತಾದ ಪೈಲಟ್ ಗಳು ಮುಷ್ಕರ ಹೂಡಿರುವ ಹಿನ್ನೆಲೆಯಲ್ಲಿ ಹಲವು ಕಡೆ ವಿಮಾನ ಸಂಚಾರದಲ್ಲಿ ವ್ಯತ್ಯಯ ಉಂಟಾಗಿದೆ. ಸುಮಾರು 32 ವಿಮಾನಗಳು ದಿಢೀರ್ ಆಗಿ ರದ್ದಾದ ಪರಿಣಾಮ ಪ್ರಯಾಣಿಕರು ಪರದಾಡುವಂತಾಗಿದೆ.
ಎರಡನೇ ಹಾಗೂ ಮೂರನೇ ಸ್ತರದ ನಗರಗಳಾದ ಲಖ್ನೋ, ಭುವನೇಶ್ವರ, ಪಾಟ್ನ, ಶ್ರೀನಗರ ಹಾಗೂ ಹೈದರಾಬಾದ್ ಗಳಲ್ಲಿ ವಿಮಾನಯಾನ ಸ್ಥಗಿತಗೊಂಡಿದೆ. ಪ್ರತಿದಿನ 240 ವಿಮಾನಗಳ ಬದಲು 160 ವಿಮಾನಯಾನಕ್ಕೆ ಕಿಂಗ್ ಫಿಷರ್ ಕುಸಿದಿದೆ.
ಇದಲ್ಲದೆ ಸಿಂಗಪುರ, ಬ್ಯಾಂಕಾಕ್, ಬೆಂಗಳೂರು, ವಿಜಯವಾಡ ಹಾಗೂ ಚೆನ್ನೈ ವಿಮಾನಗಳು ರದ್ದಾಗಿದೆ. ದೆಹಲಿ- ಬೆಂಗಳೂರು ವಿಮಾನ ಬುಕ್ಕಿಂಗ್ ಸೇವೆ ಸ್ಥಗಿತಗೊಳಿಸಲಾಗಿದೆ.
'ಸುಮಾರು 100 ಕೋಟಿ ರು ಎಸ್ ಬಿಐ ಗೆ ಪಾವತಿಸಿದ್ದೇವೆ. ಬ್ಯಾಂಕ್ ಸಾಲದ ಸಮಸ್ಯೆ ಎದುರಿಸುತ್ತಿರುವ್ವುದು ನಿಜ. ಆದರೆ, ನಾಲ್ಕು ದಿನಗಳಲ್ಲಿ ವಿಮಾನ ಸಂಚಾರ ಮತ್ತೆ ಮೊದಲಿನ ಸ್ಥಿತಿಗೆ ಬರಲಿದೆ' ಎಂದು ಸಿಇಒ ಸಂಜಯ್ ಅಗರವಾಲ್ ಹೇಳಿದ್ದಾರೆ.
ಆದರೆ, ಸುಮಾರು 7000 ಕೋಟಿ ರು ಸಾಲ ಹೊಂದಿರುವ ವಿಜಯ್ ಮಲ್ಯ ಒಡೆತನ ಕಿಂಗ್ ಫಿಷರ್ ಸಂಸ್ಥೆಯ ಆರ್ಥಿಕ ಬಿಕ್ಕಟ್ಟು ಸದ್ಯಕ್ಕೆ ಬಗೆಹರಿಯುವಂತಿಲ್ಲ. ಮೂಲಗಳ ಪ್ರಕಾರ ಮಾರ್ಚ್ ೨೮ರವರೆಗೂ ವಿಮಾನಯಾನ ಸ್ಥಗಿತಗೊಳ್ಳುವ ಎಲ್ಲಾ ಲಕ್ಷಣಗಳು ಕಂಡು ಬಂದಿದೆ.
Click it and Unblock the Notifications
Sign in with Google