ಈಗ ಜೆಡಿಯು ಶಾಸಕನ ನಂಗಾನಾಚ್ ಮೊಬೈಲಿನಲ್ಲಿ
ಏನಾಯಿತೆಂದರೆ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಪಕ್ಷಕ್ಕೆ ಸೇರಿರುವ ಶ್ಯಾಮ್ ಬಹಾದೂರ್ ಸಿಂಗ್ ಎಂಬ ರಸಿಕ ಶಾಸಕ ತನ್ನ ಕ್ಷೇತ್ರದಲ್ಲಿ ನಡೆದ ಮದುವೆ ಸಮಾರಂಭವೊಂದರಲ್ಲಿ ಬಾರ್ ಬಾಲೆಯ ಜತೆಗೆ ಕುಣಿದು ಕುಪ್ಪಳಿಸಿದ್ದಾನೆ ಎನ್ನಲಾಗಿದೆ. ಇದನ್ನು ಯಾರೋ ಮೊಬೈಲ್ ಫೋನ್ನಲ್ಲಿ ಚಿತ್ರೀಕರಿಸಿ, ಬಿಡುಗಡೆಯನ್ನೂ ಮಾಡಿದ್ದಾರೆ. ಇದನ್ನು ಕಂಡು ಹೌಹಾರಿರುವ ಪ್ರತಿಪಕ್ಷಗಳು, ಕೂಡಲೇ ನಿತೀಶ್ ಕುಮಾರ್ ಮತ್ತು ಅವರ ಪಕ್ಷದ ಮೇಲೆ ಟೀಕಾಸ್ತ್ರ ಸುರಿಮಳೆಗೈದಿದ್ದಾರೆ.
ಫೆಬ್ರವರಿ 8ರ ರಾತ್ರಿ ಅಜಯ್ ಸಿಂಗ್ ಎಂಬ ಇಟ್ಟಿಗೆ ವ್ಯಾಪಾರಿ ಜತೆ ಮದುವೆ ಮನೆಗೆ ಹೋಗಿದ್ದ ಶಾಸಕ ಸಿಂಗ್, ಅಲ್ಲಿ ಅತಿಥಿಗಳ ಮನರಂಜಿಸಲು ಕರೆಸಿದ್ದ ಮನರಂಜನಾ ತಂಡದಲ್ಲಿ ಯುವತಿಯ ಕುಣಿದಿದ್ದಾರೆ. ಈ ಮೊಬೈಲ್ ವಿಡಿಯೋ ಈಗ ಪಟ್ನಾ ಪಟ್ಟಣದಾದ್ಯಂತ ಹರಿದಾಡುತ್ತಿದೆ. ಜತೆಗೆ ಟಿವಿ ಚಾನೆಲುಗಳಲ್ಲೂ ಒಂದೇ ಸಮನೆ ಬಿತ್ತರವಾಗುತ್ತಿವೆ. ಶ್ಯಾಮ್, ಬಿಹಾರದ ಸಿವಾನ್ ಜಿಲ್ಲೆಯ ಬಧಾರಿಯಾ ವಿಧಾನಸಭಾ ಕ್ಷೇತ್ರವನ್ನು ಪ್ರತಿನಿಧಿಸುತ್ತಿದ್ದಾರೆ.
Click it and Unblock the Notifications
Sign in with Google