ಸವದಿ ಅಶ್ಲೀಲಚಿತ್ರ: ಅಥಣಿಯಲ್ಲಿ ಕರೆಂಟ್ ಕಟ್

ಬೆಂಗಳೂರು, ಫೆ. 7: ರಾಜ್ಯದ ಸಚಿವ ಮಹಾಶಯ ಲಕ್ಷ್ಮಣ ಸವದಿ ಮಂಗಳವಾರ ವಿಧಾನಸಭೆ ಕಲಾಪ ನಡೆಯುತ್ತಿರುವಾಗಲೇ ಯಾವುದೇ ಎಗ್ಗುಸಿಗ್ಗಿಲ್ಲದೆ ಲೈಂಗಿಕ ಚಿತ್ರ ನೋಡಿದ್ದನ್ನು ನಾಡಿನ ಸಾಕ್ಷಿ ಪ್ರಜ್ಞೆಯಂತಿರುವ ಮಾಧ್ಯಮಗಳು ಬಿತ್ತರಿಸುತ್ತಿವೆ.

ನ್ಯೂಸ್ ಚಾನೆಲ್ ಗಳಲ್ಲಿ ಸಂಜೆ 6.50ರಿಂದ ಒಂದೇ ಸಮನೆ ಸವದಿ ಸಾಹೇಬ ಅಶ್ಲೀಲ ಚಿತ್ರ ನೋಡಿದ್ದನ್ನು ಪ್ರಸಾರವಾಗುತ್ತಿದೆ. ಆದರೆ ಇದೇ ವೇಳೆ ಸಚಿವ ಲಕ್ಷಣ ಸವದಿ ಪ್ರತಿನಿಧಿಸುವ ಅಥಣಿ ಕ್ಷೇತ್ರದಾದ್ಯಂತ ವಿದ್ಯುತ್ ಸಂಪರ್ಕ ಕಡಿದುಹಾಕಲಾಗಿದೆ. ಕ್ಷೇತ್ರದ ಮತದಾರ ತಾನು ಕ್ಷೇತ್ರದಲ್ಲಿ ಕಾಲಿಟ್ಟರೆ ಸರಿಯಾದ ಪೂಜೆ ಮಾಡುತ್ತಾನೆ ಎಂಬ ಭೀತಿಗೊಳಗಾಗಿರುವ ಸವದಿ ತಮ್ಮ ಬೆಂಬಲಿಗರಿಗೆ ಹೇಳಿ ತಕ್ಷಣ ಕರೆಂಟ್ ಕಟ್ ಮಾಡಿಸಿದ್ದಾರೆ ಎನ್ನಲಾಗಿದೆ.

English summary

The Cooperative Minister of Karnataka, Lakshman Savadi has watched an adult movie inVidhana Soudha on Feb 7 during the proceedings of the lower house. But there is an immediate power cut in Athani.