• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ರೆಡ್ಡಿ ಆಸ್ತಿ ಜಾಲಾಡಲು ಬೆಂಗಳೂರಿಗೆ ಇಂದು ಸಿಬಿಐ ತಂಡ

By Srinath
|
ಬಳ್ಳಾರಿ, ಜ.30: ಶತಾಯಗತಾಯ ಜನಾರ್ದನ ರೆಡ್ಡಿಗೆ ತಕ್ಕ ಶಿಕ್ಷೆಯಾಗುವಂತೆ ಮಾಡುವ ಹಪಾಹಪಿಗೆ ಬಿದ್ದಿರುವ ಸಿಬಿಐ, ರೆಡ್ಡಿ ವಿರುದ್ಧ 2ನೆ ಚಾರ್ಜ್ ಶೀಟ್ ದಾಖಲಿಸಿ, ಅವರಿಗೆ ಜಾಮೀನು ಸಿಗದಂತೆ ಮಾಡುವ ಇರಾದೆ ಹೊಂದಿದೆ. ಈ ನಿಟ್ಟಿನಲ್ಲಿ, ಓಬಳಾಪುರಂ ಅಕ್ರಮ ಗಣಿಗಾರಿಕೆ ಅಕ್ರಮವನ್ನು ಪತ್ತೆ ಹಚ್ಚಲು ಸದ್ಯದಲ್ಲೇ ತನ್ನ ದಂಡೊಂದನ್ನು ಮಾರಿಷಸ್ ಹಾಗೂ ವರ್ಜನ್ ದ್ವೀಪಗಳಿಗೆ ಕಳಿಸಿಕೊಡಲಿದೆ.

ಕರ್ನಾಟಕದ ಮಾಜಿ ಸಚಿವ ಗಾಲಿ ಜನಾರ್ದನ ರೆಡ್ಡಿಯವರ ಮಾಲೀಕತ್ವದ ಸಂಸ್ಥೆಗಳು ವಿದೇಶಗಳಿಗೆ ಅಕ್ರಮವಾಗಿ ವರ್ಗಾಯಿಸಿರುವ ಭಾರಿ ಪ್ರಮಾಣದ ಹಣವನ್ನು ಪತ್ತೆ ಹಚ್ಚಲು ಫೆಬ್ರವರಿ ಮೊದಲ ವಾರ ಕೆಲವು ವಿದೇಶಗಳಿಗೆ ಈ ಸಿಬಿಐ ತಂಡ ಭೇಟಿ ನೀಡಲಿದೆ. ರೆಡ್ಡಿ ಹಾಗೂ ಅವರ ಸಹೋದರರು ಮಾರಿಷಸ್ ಹಾಗೂ ವರ್ಜಿನ್ ದ್ವೀಪ ಸಹಿತ ವಿದೇಶಗಳಲ್ಲಿ 6 ಕಂಪನಿಗಳನ್ನು ಹೊಂದಿದ್ದಾರೆಂದು ಸಿಬಿಐ ತನಿಖೆಯಿಂದ ತಿಳಿದು ಬಂದಿದೆ. ಕಬ್ಬಿಣದ ಅದಿರು ರಫ್ತಿಗಾಗಿ ಚೀನಾದ ಸಂಸ್ಥೆಗಳು ಪಾವತಿಸಿದ ಹಣವನ್ನು ಈ ಕಂಪನಿಗಳಿಗೆ ವರ್ಗಾಯಿಸಲಾಗಿದೆ.

ರೆಡ್ಡಿ ಆಸ್ತಿ ಜಾಲಾಡಲು ಬೆಂಗಳೂರಿಗೆ ಸಿಬಿಐ ತಂಡ: ಈ ಮಧ್ಯೆ, ಸೆಪ್ಟೆಂಬರಿನಲ್ಲಿ ರೆಡ್ಡಿಯನ್ನು ಬಂಧಿಸಿದ ವೇಳೆ ಸಿಬಿಐ ತಂಡ ಬೆಂಗಳೂರಿನಲ್ಲಿಯೂ ರೆಡ್ಡಿಗೆ ಸೇರಿದ ಆಸ್ತಿಪಾಸ್ತಿಯನ್ನು ಜಪ್ತಿ ಮಾಡಿತ್ತು. ಜತೆಗೆ ಬಳ್ಳಾರಿಯಲ್ಲಿ ವಶಪಡಿಸಿಕೊಂಡಿದ್ದ ರೆಡ್ಡಿಯ ರುಕ್ಮಿಣಿ ಹೆಲಿಕಾಪ್ಟರ್ ಅನ್ನು ಯಲಹಂಕದಲ್ಲಿರುವ ಡೆಕ್ಕನ್ ವಾಯುಯಾನ ಸಂಸ್ಥೆಯ ಸುಪರ್ದಿಗೆ ಒಪ್ಪಿಸಿತ್ತು. ಇವರೆಡನ್ನು ಕೋರ್ಟ್ ಅಧಿಕಾರಿಗಳ ಸಮ್ಮುಖದಲ್ಲಿ ಪರಿಶೀಲಿಸಲು ಸಿಬಿಐ ತಂಡ ಇಂದು (ಜನವರಿ 30) ಬೆಂಗಳೂರಿಗೆ ಆಗಮಿಸಲಿದೆ. ಸಿಬಿಐ ಹೈದ್ರಾಬಾದ್‌ ಬ್ರಾಂಚಿನ ಹೆಚ್ಚುವರಿ ಎಸ್ಪಿ ಆರ್‌.ಎಂ. ಖಾನ್‌ ಮತ್ತು ನ್ಯಾಯಾಲಯದ ಸಿಬ್ಬಂದಿ ಲಕ್ಷ್ಮೀ ರೆಡ್ಡಿ ಮೊದಲಾದ ಅಧಿಕಾರಿಗಳು ತಂಡದಲ್ಲಿದ್ದಾರೆ.

ಬಳ್ಳಾರಿಯಲ್ಲಿ ಜಾಲಾಡಿದ ಸಿಬಿಐ: ಈ ಮಧ್ಯೆ ಅಕ್ರಮ ಗಣಿಗಾರಿಕೆ ಪ್ರಕರಣದ ತನಿಖೆ ನಡೆಸಿ ಈಗಾಗಲೇ ಆರೋಪ ಪಟ್ಟಿ ಸಲ್ಲಿಸಿದ ಹೈದರಾಬಾದ್‌ ಸಿಬಿಐನ ಅಧಿಕಾರಿಗಳ ತಂಡ ಸತತ ಎರಡನೇ ದಿನವೂ (ಭಾನುವಾರ) ಬಳ್ಳಾರಿಯಲ್ಲಿ ಜನಾರ್ದನ ರೆಡ್ಡಿ ನಿವಾಸದಲ್ಲಿ ಪರಿಶೀಲನೆ ನಡೆಸಿತು. ರೆಡ್ಡಿ ವಿರುದ್ಧ ಚಾರ್ಜಶೀಟ್‌ನಲ್ಲಿ ಹೆಸರಿಸಲಾಗಿರುವ ಆಸ್ತಿ ಪಾಸ್ತಿಗಳ ಕುರಿತು ಮತ್ತಷ್ಟು ವಿವರಗಳನ್ನು ತಂಡ ಪಡೆದುಕೊಂಡಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ಇನ್ನಷ್ಟು ವಿವಿ ಲಕ್ಷ್ಮಿನಾರಾಯಣ ಸುದ್ದಿಗಳುView All

English summary
Obalapuram Illegal mining case - The CBI team lead by additional SP R.M. Khan, along with two staff of the CBI Special Court at Nampally is to visit Bangalore today (Jan 30) and examine the seized properties of former Karnataka tourism minister Janardhana Reddy here.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more