ಭಾರತದ ಅತೀದೊಡ್ಡ ರಾಜಕೀಯ ಸಮೀಕ್ಷೆ. ನೀವು ಭಾಗವಹಿಸಿದ್ದೀರಾ?
  • search

ಏನೂ ಅಂತ ಮಾತ್ನಾಡ್ತೀರಿ ಮಿಸ್ಟರ್ ಸುಬ್ಬಾರೆಡ್ಡಿ !?

By Srinath
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    lawyers-can-break-traffic-rules-kn-subba-reddy
    ಬೆಂಗಳೂರು, ಜ. 23: ವಕೀಲರ ಮೇಲೆ ಪೊಲೀಸರು ಹಲ್ಲೆ ನಡೆಸುವುದು ಅಕ್ಷಮ್ಯ ಅಪರಾಧ. ಆದರೆ ಅದೇ ವಕೀಲರು ಹೆಲ್ಮೆಟ್ ಧರಿಸದೆ, ದ್ವಿಚಕ್ರವಾಹನದಲ್ಲಿ ಮೂವರು ಸಂಚರಿಸಿದರೂ ತಪ್ಪಲ್ಲ ಎಂದು ವಕೀಲರ ಯಜಮಾನಿಕೆ ಹೊತ್ತಿರುವ ಬೆಂಗಳೂರು ವಕೀಲರ ಸಂಘದ ಅಧ್ಯಕ್ಷ ಕೆಎನ್ ಸುಬ್ಬಾರೆಡ್ಡಿ ಫರ್ಮಾನು ಹೊರಡಿಸಿದ್ದಾರೆ.

    ಕಳೆದ ವಾರ ವಕೀಲರ ಮುಷ್ಕರದ ಮಧ್ಯೆಯೇ ಸನ್ಮಾನ್ಯ ಸುಬ್ಬಾರೆಡ್ಡಿ ಅವರು ಮಾಧ್ಯಮದ ಜತೆ ಮಾತನಾಡುತ್ತಾ ಈ ಹೇಳಿಕೆ ನೀಡಿದ್ದಾರೆ. ಬೆಳಗಿನ ಹೊತ್ತು ಟ್ರಾಫಿಕ್ ದಟ್ಟಣೆ ಕಡಿಮೆಯಿರುತ್ತದೆ. ಆಗ ವಕೀಲರು (ಹೌದು ವಕೀಲರು ಮಾತ್ರ. ಸದ್ಯ ಎಲ್ಲ ಸವಾರರು ಅಲ್ಲ!) ಟ್ರಾಫಿಕ್ ರೂಲ್ಸ್ ಅನ್ನು ಗಾಳಿಗೆ ತೂರಿ, ಗಾಳಿಯಲ್ಲಿ ವಾಹನಗಳನ್ನು ಓಡಿಸಿಕೊಂಡು ಹೋಗಬಹುದು. ಇನ್ನು ಕೆಲಸದ ಒತ್ತಡದಿಂದ ಒಂದೇ ವಾಹನದಲ್ಲಿ ಮೂವರು ಸಂಚರಿಸಬಹುದು ಎಂದೂ ಪ್ರಕಾಂಡ ನ್ಯಾಯ ಪಂಡಿತ ಸುಬ್ಬಾರೆಡ್ಡಿ ವಾದ ಮಂಡಿಸಿದ್ದಾರೆ.

    ಹೋಲ್ಡ್ ಆನ್ ಸುಬ್ಬಾರೆಡ್ಡಿ ಅವರೇ! ನಿಮ್ಮ ಮಾತಿಗೂ ಮುನ್ನ ನಿಮ್ಮ ವಕೀಲರ ಕೃತಿಯ (ಮುಷ್ಕರ) ಬಗ್ಗೆ ನಿಮ್ಮದೇ ವಕೀಲಜನ ನಿಮ್ಮ ಬಗ್ಗೆಯೇ ಸಿಕ್ಕಾಪಟ್ಟೆ ಗರಂ ಆಗಿದ್ದಾರೆ. ಅಂತಹುದರಲ್ಲಿ ಸ್ವತಃ ಆ ವಕೀಲರ ಯಜಮಾನಿಕೆಯನ್ನು ಅನಾದಿಕಾಲದಿಂದಲೂ ಹೊತ್ತಿರುವ ನೀವು ಹೀಗೆ ಅವರನ್ನು ದಾರಿ ತಪ್ಪಿಸುವ ಹೇಳಿಕೆ ನೀಡುವುದು ಎಷ್ಟು ನ್ಯಾಯಯುತ? ಇನ್ನೂ ಒಂದು ಮಾತು ಹೇಳಿದ್ದೀರಿ, ಜ್ಞಾಪಕ ಇದೆಯಾ ತಮಗೆ? ಏನೋ ಬಿಸಿರಕ್ತದ ವಕೀಲರು ಇಂತಹ ಪುಂಡಾಟಿಕೆ ಮೆರೆದಿದ್ದಾರೆ ಎಂದಿದ್ದೀರಿ. ಯಾಕಿಂತಹ ಬಾಲಿಷ ಉತ್ತರ ನೀಡಿದ್ದೀರಿ ರೆಡ್ಡಿ?

    ಅಲ್ಲಾ ಮೈಲಾರ್ಡ್! ವಕೀಲರಿಗೇನು ಕೊಂಬು ಇರುತ್ತದಾ? ಹೆಲ್ಮೆಟ್ ಹಾಕಿಕೊಳ್ಳುವುದಕ್ಕೆ ಆ ಕೊಂಬೇ ಅಡ್ಡ ಬರುತ್ತದಾ? ಅದೇನೋ ಬೆಳಗಿನ ಹೊತ್ತು, ಟ್ರಾಫಿಕ್ ಇಲ್ಲದ ವೇಳೆ ಟ್ರಾಫಿಕ್ ರೂಲ್ಸ್ ಬ್ರೇಕ್ ಮಾಡಿ ಎಂದಿದ್ದೀರಿ. ಇದೇನು ವಕೀಲರಿಗೆ ಮಾತ್ರ ಹೇಳಿದ್ದೀರೋ ಅಥವಾ ಎಲ್ಲ ಮಹಾಜನತೆಗೂ ಇದನ್ನೇ ಹೇಳಿದ್ದೀರಾ? ಅಲ್ಲ ಸ್ವಾಮಿ ಅಪಘಾತಕ್ಕೆ ಬೆಳಗ್ಗೆ ಮಧ್ಯಾಹ್ನ ಸಾಯಂಕಾಲ ರಾತ್ರಿ ಅಂತ ಕಾಲಘಟ್ಟಗಳು ಇರುತ್ತವಾ!? ಅದು ರಾಹುಕಾಲ, ಗುಳಿಕಾಲಕ್ಕೆ ಕಾಯುತ್ತಾ ಹೊಂಚುಹಾಕುತ್ತಿರುತ್ತದಾ? ಅಪಘಾತ ಸಂಭವಿಸಲು ಕೆಲವೇ ಸೆಕೆಂಡುಗಳು ಸಾಕು ಮಿಸ್ಟರ್ ಸುಬ್ಬಾರೆಡ್ಡಿ.

    ಇಷ್ಟೆಲ್ಲ ಆದರೂ ನಿಮ್ಮ ಬಗ್ಗೆ ಅಪಾರ ಕಾಳಜಿ ಇದೆ ನಮಗೆ. ಲ್ಮೆಟ್ ಧರಿಸದೆ, ದ್ವಿಚಕ್ರವಾಹನದಲ್ಲಿ ಮೂವರು ಸಂಚರಿಸುತ್ತಾ, (ಸಾಧ್ಯವಾದರೆ ನಾಲ್ವರು), ಟ್ರಾಫಿಕ್ ರೂಲ್ಸ್ ಬ್ರೇಕ್ ಮಾಡುತ್ತಾ ನಿಮ್ಮ ವಕೀಲರು ಹೋಗುವಾಗ ಸುದೈವದಿಂದ ಅಪಘಾತ ಆಗದಿರಲಿ, ಹೆಲ್ಮೆಟ್ ಇಲ್ಲದ ನಿಮ್ಮ ಅಮೂಲ್ಯ ತಲೆಗಳು ಉಳಿಯಲಿ ಎಂದು ಆಶಿಸುತ್ತಾ...

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Advocates in Bangalore resorted to strike last week after one of the lawyer voilating the traffic rules. But Bangalore Advocates Bar Association President said 'lawyers voilating the traffic rules is OK for him. But is it justifiable, Mr Subba Reddy?

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more