ಬಳ್ಳಾರಿ, ಬೆಂಗಳೂರಿನಲ್ಲಿ BSR Congress ಕಚೇರಿ ರೆಡಿ

ಬೆಂಗಳೂರು, ಜ.22: 'ಸ್ವತಂತ್ರ ಹಕ್ಕಿ' ಶ್ರೀರಾಮುಲು ಅವರ ಹೊಸ ಪಕ್ಷವಾದ BSR Congress ಪಕ್ಷದ ಕಚೇರಿ ಬಳ್ಳಾರಿ ಮತ್ತು ಬೆಂಗಳೂರಿನಲ್ಲಿ ಏಕಕಾಲದಲ್ಲಿ ಸಿದ್ಧವಾಗುತ್ತಿವೆ. ಪಕ್ಷಕ್ಕೆ ಅಧಿಕೃತ ಮುದ್ರೆಯೊತ್ತಿರುವ ಚುನಾವಣೆ ಆಯೋಗ, ಚಿಹ್ನೆಯನ್ನೂ ದಯಪಾಲಿಸಿದೆ.

ಬಳ್ಳಾರಿಯಲ್ಲಿ ಈ ಹಿಂದೆ ಬಿಜೆಪಿಯ ಕಚೇರಿಯಾಗಿದ್ದ ಕಟ್ಟಡವೇ ಈಗ ರಾಮುಲು ಪಕ್ಷದ ಕಚೇರಿಯಾಗಲಿದೆ. ಒಳವಿನ್ಯಾಸ ಬದಲಿಸುವ ಕಾಮಗಾರಿಯನ್ನು ಈಗಾಗಲೇ ಕೈಗೆತ್ತಿಕೊಳ್ಳಲಾಗಿದೆ. ಇದು ಗಣಿರೆಡ್ಡಿಗಳ ಪಾಳೆಯಕ್ಕೆ ಸೇರಿದ ಸ್ವಂತ ಕಟ್ಟಡ.

ಇನ್ನು ಬೆಂಗಳೂರಿನಲ್ಲಿ ಈ ಮೊದಲು ಸದಾಶಿವನಗರದಲ್ಲಿ ಪಕ್ಷದ ಕಚೇರಿ ತೆರೆಯಲು ಉದ್ದೇಶಿಸಲಾಗಿತ್ತು. ಆದರೆ, ಬಡವರ ಹೆಸರಿನಲ್ಲಿ ಪಕ್ಷದ ಹೆಸರನ್ನು ಇಟ್ಟುಕೊಂಡು ಶ್ರೀಮಂತರ ಪ್ರದೇಶವಾದ ಸದಾಶಿವನಗರದಲ್ಲಿ ಕಚೇರಿ ಆರಂಭಿಸುವುದು ಸರಿಯಲ್ಲ ಎಂಬ ಕಾರಣಕ್ಕಾಗಿ ಆ ನಿರ್ಧಾರದಿಂದ ಹಿಂದೆ ಸರಿಯಲಾಗಿದೆ.

ಇದೀಗ ನಗರದ ಕುಮಾರಪಾರ್ಕ್‌ನ ರೇಲ್ವೆ ಸಮಾನಾಂತರ ರಸ್ತೆಯಲ್ಲಿ ಕಟ್ಟಡವೊಂದನ್ನು ಗುರುತಿಸಲಾಗಿದ್ದು, ಅಲ್ಲಿ ಪಕ್ಷದ ಕಚೇರಿ ತೆರೆಯಲು ಉದ್ದೇಶಿಸಲಾಗಿದೆ ಎಂದು ತಿಳಿದು ಬಂದಿದೆ.

English summary

Bellary's 'Independent' politician B Sreeramulu is all fired up. He is rearing to go in his all new canvass bus Rukmini. A bullet proof he bus is also fitted with facilities like captive power generator. And it is totally ultra modern. His BSR Congress gets office symbol.