ಮೇ ತಿಂಗಳಲ್ಲಿ ಫೇಸ್ ಬುಕ್ ಷೇರುಪೇಟೆಗೆ ಎಂಟ್ರಿ?

ನ್ಯೂಯಾರ್ಕ್, ಜ.18: ವಿಶ್ವದ ನಂ.1 ಸಾಮಾಜಿಕ ಜಾಲ ತಾಣ ಷೇರುಪೇಟೆ ಪ್ರವೇಶದ ಬಗ್ಗೆ ಅನೇಕ ತಿಂಗಳುಗಳಿಂದ ಸುದ್ದಿ ಹಬ್ಬುತ್ತಲೇ ಇದೆ. ಆದರೆ, 2012ರಲ್ಲಿ ಫೇಸ್ ಬುಕ್ ಸಂಸ್ಥೆ ಷೇರುಪೇಟೆ ಪ್ರವೇಶಿಸುವುದು ಖಚಿತ ಎನ್ನಲಾಗಿದೆ. 100 ಬಿಲಿಯನ್ ಡಾಲರ್ ಮೌಲ್ಯದ ಸಂಸ್ಥೆ ಮೇ ತಿಂಗಳಿನಲ್ಲಿ Initial Public Offering(ಐಪಿಒ) ಬಿಡುಗಡೆ ಮಾಡುತ್ತದೆ ಎಂಬ ಸುದ್ದಿ ಹಬ್ಬಿದೆ.

ಈ ಸುದ್ದಿ ನಿಜ ಎನ್ನುವುದಾದರೆ ಮುಂದಿನ ತಿಂಗಳ ಆರಂಭಕ್ಕೂ ಮುನ್ನವೇ ಐಪಿಒ ದಾಖಲಾತಿಗಳನ್ನು ಸಲ್ಲಿಸಬೇಕು. Securities and Exchange Commission ಜಾರಿಗೆ ಮೂರ್ನಾಲ್ಕು ತಿಂಗಳಾದರೂ ಹಿಡಿಯುತ್ತದೆ.

ನಿರೀಕ್ಷೆಯಂತೆ ಫೇಸ್ ಬುಕ್ ಐಪಿಒ ಅತಿದೊಡ್ಡ ಪ್ರಮಾಣದ್ದಾಗಿರುತ್ತದೆ. 10 ಬಿಲಿಯನ್ ಡಾಲರ್ ನಿಂದ 100 ಬಿಲಿಯನ್ ಡಾಲರ್ ತನಕ ಮೌಲ್ಯ ಏರಿಕೆ ಕಾಣುವ ಸಂಭವವಿದೆ.

ಸುಮಾರು 800 ಮಿಲಿಯನ್ ಬಳಕೆದಾರರನ್ನು ಹೊಂದಿರುವ ಫೇಸ್ ಬುಕ್ ಪ್ರಸಕ್ತ ವರ್ಷದಲ್ಲಿ 1 ಬಿಲಿಯನ್ ದಾಟುವ ಸಾಧ್ಯತೆಯಿದೆ. 2011ರಲ್ಲಿ ಸುಮಾರು 4 ಬಿಲಿಯನ್ ಡಾಲರ್ ಆದಾಯ ದಾಖಲಿಸಿದ್ದ ಫೇಸ್ ಬುಕ್, 2012ರಲ್ಲಿ ಇನ್ನೂ ಅಧಿಕ ಆದಾಯದ ನಿರೀಕ್ಷೆಯಲ್ಲಿದೆ. ಆದರೆ, ಈ ಬಗ್ಗೆ ಫೇಸ್ ಬುಕ್ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ.

English summary

The worlds no 1 online social networking site is awaiting its stock market debut in 2012, expecting as much as $100 billion. The news spread on Monday that popular social networking site Facebook is aiming at an Initial Public Offering (IPO) in the third week of May, according to reports.