ಜನಾರ್ದನ ರೆಡ್ಡಿ ಭಯಂಕರ 'ಆರ್ಥಿಕ ಭಯೋತ್ಪಾದಕ'

ಹೈದರಾಬಾದ್, ಡಿ. 18: ಓಬಳಾಪುರಂ ಅಕ್ರಮ ಗಣಿಗಾರಿಕೆ ಆರೋಪದಲ್ಲಿ ಜೈಲುಪಾಲಾಗಿರುವ ಕರ್ನಾಟಕದ ಮಾಜಿ ಮಂತ್ರಿ ಜನಾರ್ದನ ರೆಡ್ಡಿ ಮತ್ತು ಆತನ ಸೋದರ ಸಂಬಂಧಿ ಬಿ.ವಿ. ಶ್ರೀನಿವಾಸ್ ರೆಡ್ಡಿ ಪಕ್ಕಾ ಕ್ರಿಮಿನಲ್ ಗಳು ಎಂದು ಇಲ್ಲಿನ ಸಿಬಿಐ ವಿಶೇಷ ಕೋರ್ಟಿಗೆ ಸಿಬಿಐ ತಿಳಿಸಿದೆ.

ರೆಡ್ಡಿಗಳನ್ನು 'ಆರ್ಥಿಕ ಭಯೋತ್ಪಾದಕರು' ಎಂದು ಬಣ್ಣಿಸಿರುವ ಪ್ರಕರಣದ ತನಿಖಾ ಸಂಸ್ಥೆ, ಇವರಿಬ್ಬರಿಗೂ ಯಾವುದೇ ಕಾರಣಕ್ಕೂ ಜಾಮೀನು ನೀಡಬಾರದು ಎಂದು ನ್ಯಾಯಾಧೀಶರಲ್ಲಿ ಅರಿಕೆ ಮಾಡಿಕೊಂಡಿದೆ.

'ಸಾಮಾನ್ಯವಾಗಿ ಭಯೋತ್ಪಾದಕರು ಅಂದರೆ ಸ್ಫೋಟಕಗಳನ್ನು ಬಳಸಿ, ಸಮಾಜಘಾತುಕರಾಗುತ್ತಾರೆ. ಆದರೆ ಈ ಪ್ರಕರಣದಲ್ಲಿ ರೆಡ್ಡಿಗಳ ಆರ್ಥಿಕ ಭಯೋತ್ಪಾದಕತೆ ಸೃಷ್ಟಿಸಿರುವ ಸ್ಫೋಟಕಗಳು ನೇರವಾಗಿ ಸಾಮಾನ್ಯ ಜನರ ಕಣ್ಣಿಗೆ, ಕಿವಿಗೆ ಬೀಳುತ್ತಿಲ್ಲ. ಆದರೆ ಅವರು ಸಂತ್ರಸ್ತರಾಗಿ ಅದರ ಕೆಟ್ಟ ಪರಿಣಾಮಗಳನ್ನು ಎದುರಿಸುವಂತಾಗಿದೆ' ಎಂದು ಸಿಬಿಐ ವಾದಿಸಿದೆ.

English summary

The CBI on Friday said that former Karnataka minister, Gali Janardhan Reddy and his brother-in-law B.V. Srinivas Reddy are nothing less than hardcore criminals. The investigating agency also accused them of economic terrorism, in its counter to the bail petitions moved by the accused a few days ago