ಶಿವಮೊಗ್ಗದ ಅನರ್ಹ ಪತ್ರಕರ್ತರಿಗೆ ನಿವೇಶನ ; ತಡೆಯಾಜ್ಞೆ

ಶಿವಮೊಗ್ಗ, ನ. 24 : ಜಿಲ್ಲಾ ಪತ್ರಕರ್ತರಿಗೆ ಮತ್ತು ಪತ್ರಿಕಾ ಉದ್ಯೋಗಿಗಳಿಗೆ ಸೋಮಿನಕೊಪ್ಪದಲ್ಲಿ ಹಂಚಲಾಗಿರುವ ನಿವೇಶನಗಳ ನೊಂದಣಿ ಮಾಡಿಕೊಳ್ಳುವುದನ್ನು ಕೂಡಲೆ ನಿಲ್ಲಿಸಲಾಗಿದೆ ಎಂದು ಕರ್ನಾಟಕ ಗೃಹ ಮಂಡಳಿಯ ಜಿಲ್ಲಾ ಯೋಜನಾ ಕಚೇರಿ ಸಾರ್ವಜನಿಕ ಪ್ರಕಟಣೆ ಹೊರಡಿಸಿದೆ.

ಪತ್ರಕರ್ತರ ಸೋಗಿನಲ್ಲಿ ಬಂದ ಅನೇಕ ಅನರ್ಹರಿಗೆ ನಿವೇಶನ ಹಂಚಲಾಗಿದೆ ಎಂದು ದೂರುಗಳು ಬಂದಿರುವ ಕಾರಣ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಶಿವಮೊಗ್ಗ ಉಪ ವಿಭಾಗದ ಜಿಲ್ಲಾ ಯೋಜನಾ ಕಚೇರಿಯ ಸಹಾಯಕ ಕಾರ್ಯಪಾಲಕ ಅಭಿಯಂತರರು ಗುರುವಾರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಇದು ಇತ್ಯರ್ಥವಾಗುವವರೆಗೆ ಹೊಸ ನಿವೇಶನಗಳನ್ನು ಹಂಚಬಾರದು ಮತ್ತು ಈಗಾಗಲೆ ಹಂಚಲಾಗಿರುವ ನಿವೇಶನಗಳ ನೊಂದಣಿ ಮಾಡಬಾರದು ಎಂದು ಕೇಂದ್ರ ಕಚೇರಿಯಿಂದ ಬಂದ ಆದೇಶದಲ್ಲಿ ತಿಳಿಸಲಾಗಿದೆ ಎಂದು ಪ್ರಕಟಣೆ ಹೇಳಿದೆ.

English summary

Shivamogga Karnataka housing board has issued a public notice to stop all the distribution and registration of sites given to district journalists. This order has come following complaints that ineligible persons have received sited in the pretext of journalists.