ದೆಹಲಿ ಸ್ಫೋಟದ ಹೊಣೆ ಹೊತ್ತ ಹುಜಿ ಸಂಘಟನೆ

ನವದೆಹಲಿ, ಸೆ.7: ದೆಹಲಿ ಹೈಕೋರ್ಟ್ ನ ಗೇಟ್ ಸಂಖ್ಯೆ 5 ರ ಬಳಿ ಬಾಂಬ್ ಸ್ಫೋಟಿಸಿದೆ. ಭಾರಿ ಸ್ಫೋಟದ ಪರಿಣಾಮ 10 ಜನ ಸಾವನ್ನಪ್ಪಿದ್ದು, 50 ಕ್ಕೂ ಅಧಿಕ ಜನ ಗಾಯಗೊಂಡಿರುವ ಘಟನೆ ಬುಧವಾರ ಬೆಳಗ್ಗೆ 10.17ರ ಸುಮಾರಿಗೆ ನಡೆದಿದೆ.[ವಿಡಿಯೋ ನೋಡಿ]

3.00:
* ಸ್ಫೋಟದಿಂದ ಗಾಯಗೊಂಡವರನ್ನು ಕಾಣಲು ಹೊದ ಎಐಸಿಐ ಪ್ರಧಾನ ಕಾರ್ಯದರ್ಶಿ ರಾಹುಲ್ ಗಾಂಧಿಗೆ ಘೇರಾವ್.

2.15:
*ಸ್ಫೋಟದ ಹೊಣೆ ಹೊತ್ತ ಹುಜಿ ಉಗ್ರ ಸಂಘಟನೆ.
* ಪ್ರಕರಣದ ತನಿಖೆ ಎನ್ಎಎಸ್ ಜಿ ಗೆ ವಹಿಸಿದ ಗೃಹ ಸಚಿವ ಚಿದಂಬರಂ.

1.44:
* ಮೃತರ ಕುಟುಂಬಕ್ಕೆ 4 ಲಕ್ಷರೂ ಹಾಗೂ ಗಾಯಾಳುಗಳಿಗೆ 1 ಲಕ್ಷ ರೂ ಪರಿಹಾರ ಘೋಷಿಸಿದ ದೆಹಲಿ ಮುಖ್ಯಮಂತ್ರಿ ಶೀಲಾ ದೀಕ್ಷಿತ್

1.15:
* ಕೋರ್ಟ್ ಆವರಣ ವೀಕ್ಷಣೆಗೆ ಗೃಹ ಸಚಿವ ಪಿ ಚಿದಂಬರಂ ಆಗಮನ

12.45:
* ದೆಹಲಿ ಸೂಟ್ ಕೇಸ್ ಬ್ಲಾಸ್ಟ್ ನಂತರ ಕೇಂದ್ರ ಗೃಹ ಸಚಿವಾಲಯದಿಂದ ದೇಶದಾದ್ಯಂತ ಕಟ್ಟೆಚ್ಚರ ನೀಡಲಾಗಿದೆ ಎಂದು ಪಿ ಚಿದಂಬರಂ ಸಂಸತ್ತಿನಲ್ಲಿ ಘೋಷಣೆ.
12.30:
ಹೆಲ್ಪ್ ಲೈನ್ ಸಂಖ್ಯೆಗಳು
* ಸಫದರ್ಜಂಗ್ ಆಸ್ಪತ್ರೆ: 011-26707444
* ಆರ್ ಎಂಎಲ್ ಆಸ್ಪತ್ರೆ: O11-23744721, 23365525

12.20:
* ದಕ್ಷಿಣ ದೆಹಲಿಯ ಕಾಲೇಜಿಗೆ ಬಾಂಬ್ ದಾಳಿ ಬೆದರಿಕೆ ಇತ್ತು ಎಂದು ಮೂಲಗಳಿಂದ ತಿಳಿದು ಬಂದಿದೆ.

12.00:
* ಹೈಕೋರ್ಟ್ ಬಳಿ ಸ್ಫೋಟ, ಉಗ್ರರ ಕೃತ್ಯ ಎಂದು ಕೇಂದ್ರ ಗೃಹ ಸಚಿವ ಪಿ ಚಿದಂಬರಂ ದೃಢಪಡಿಸಿದ್ದಾರೆ.
* ರಾಮ್ ಮನೋಹರ್ ಲೋಹಿಯಾ ಆಸ್ಪತ್ರೆ, ಏಮ್ಸ್, ಸಫ್ ದರ್ಜಂಗ್ ಆಸ್ಪತ್ರೆಗಳಲ್ಲಿ ಗಾಯಾಳುಗಳಿಗೆ ಚಿಕಿತ್ಸೆ

11.30:
* ಎಲ್ಲಾ ಕೋರ್ಟ್ ಕಲಾಪಗಳು ಸ್ಥಗಿತಗೊಂಡಿದೆ.[ಗ್ಯಾಲರಿ: ಸ್ಫೋಟ ನಂತರದ ಚಿತ್ರಗಳು]

11.20:
* 9 ಜನ ಸಾವನ್ನಪ್ಪಿದ್ದು, 50 ಜನ ಗಾಯಗೊಂಡಿರುವುದು ದೃಢಪಟ್ಟಿದೆ ಕೇಂದ್ರ ಗೃಹ ಕಾರ್ಯದರ್ಶಿ ಆರ್ ಕೆ ಸಿಂಗ್ ಹೇಳಿಕೆ.
* ಸ್ಫೋಟಕ್ಕೆ ಅಮೋನಿಯಂ ನೈಟ್ರೇಟ್ ಬಳಸಲಾಗಿದೆ ಎಂದು ಎನ್ ಎಸ್ ಜಿ ಡಿಜಿ ಹೇಳಿದ್ದಾರೆ.

11.10:
* ಘಟನಾ ಸ್ಥಳಕ್ಕೆ ಎನ್ ಐಎ ಹಾಗೂ ಎನ್ ಎಸ್ ಜಿ ಕಮಾಂಡೊಗಳ ಆಗಮನ.
* ಫೋರೆನ್ಸಿಕ್ ತಂಡದಿಂದ ಪಾರ್ಕಿಂಗ್ ಸ್ಥಳ ಪರಿಶೀಲನೆ.

11:00:

* ದೆಹಲಿ ಕೋರ್ಟ್ ಆವರಣಕ್ಕೆ ಪ್ರವೇಶ ಪಡೆಯಲು ಸುಮಾರು 100-200 ಜನ ಗೇಟ್ 5 ರ ಬಳಿ ಕಾದು ನಿಂತಿದ್ದರು.
* ಗೇಟ್ 5 ರ ಬಳಿಯ ಪಾರ್ಕಿಂಗ್ ಲಾಟ್ ನಲ್ಲಿ ಸ್ಫೋಟ ನಡೆದಿರುವುದು ಖಚಿತಪಡಿಸಲಾಗಿದೆ.
* ಮೃತರಲ್ಲಿ ವಕೀಲರ ಸಂಖ್ಯೆ ಅಧಿಕ ಎನ್ನಲಾಗಿದೆ.

ಸಮಯ10:50 ಗಂಟೆ:
ಪ್ರತ್ಯಕ್ಷದರ್ಶಿ ಕೀರ್ತಿ ಉಪ್ಪಳ್ ಎಂಬುವರ ಪ್ರಕಾರ 5 ಜನ ಸಾವನ್ನಪ್ಪಿದ್ದಾರೆ. ಇನ್ನೂ ಅನೇಕ ಮಂದಿ ಸಾವನ್ನಪ್ಪಿರಬಹುದು.

10:40:
ದೆಹಲಿ ಕೋರ್ಟ್ ಆವರಣದ ಮುಖ್ಯ ಗೇಟ್ ಹಾಗೂ ಅತ್ಯಂತ ಜನನಿಬಿಡ ಸ್ಥಳವಾದ ಗೇಟ್ 5 ಬಳಿ ಭಾರಿ ಸದ್ದಿನೊಂದಿಗೆ ಸ್ಫೋಟ ಸಂಭವಿಸಿದೆ. ಬಾಂಬ್ ಅನ್ನುಭ್ರೀಫ್ ಕೇಸ್ ನಲ್ಲಿಡಲಾಗಿತ್ತು ಎಂದು ದೆಹಲಿ ಪೊಲೀಸ್ ಸ್ಪಷ್ಟಪಡಿಸಿದ್ದಾರೆ.

10:25: ಘಟನಾ ಸ್ಥಳಕ್ಕೆ ಪೊಲೀಸರು ಹಾಗೂ 5 ಕ್ಕೂ ಅಧಿಕ ಅಗ್ನಿಶಾಮಕ ದಳ ದೌಡು. ಗಾಯಗೊಂಡವರನ್ನು ರಾಮ್ ಮನೋಹರ್ ಲೋಹಿಯಾ ಆಸ್ಪತ್ರೆಗೆ ದಾಖಲಿಸಲಾಗಿದೆ.

10.17:
ಗೇಟ್ ನಂ.5 ಬಳಿ ಭಾರಿ ಸ್ಫೋಟ, ಕೋರ್ಟ್ ಆವರಣದಲ್ಲಿ ಗೊಂದಲ ಗಲಿಬಿಲಿ.

ಊಟದ ಡಬ್ಬಿಯಲ್ಲಿ ಬಾಂಬ್ ಇತ್ತು ಎಂದು ತಕ್ಷಣಕ್ಕೆ ತಿಳಿದು ಬಂದಿದೆ. ದೆಹಲಿ ನಗರದಲ್ಲಿ ಹೈ ಅಲರ್ಟ್ ಘೋಷಿಸಲಾಗಿದೆ. ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗಿದೆ.

English summary

A bomb blast outside the Delhi High Court gate number 5 have left 10 killed and at least 55 people have been injured said reports. HuJI claims responsibility for Delhi high court blast. Islamic Struggle Movement - HuJI, Operating from Pakistan having affiliations in Bangladesh.