#ಅಕ್ರಮ ಗಣಿಗಾರಿಕೆ

ಕೆಆರ್‌ಎಸ್ ಜಲಾಶಯದ ಸುತ್ತ ಗಣಿಗಾರಿಕೆಗೆ ಹೈಕೋರ್ಟ್ ತಡೆ
#ಅಕ್ರಮ ಗಣಿಗಾರಿಕೆ

ಅಕ್ರಮ ಮರಳು ಗಣಿಗಾರಿಕೆ; ಕಡಿವಾಣ ಹಾಕಲು ಶಿವಮೊಗ್ಗ ಡಿಸಿ ಖಡಕ್ ಸೂಚನೆ
#ಅಕ್ರಮ ಗಣಿಗಾರಿಕೆ

ಚಿಕ್ಕಮಗಳೂರು; ಕಲ್ಲುಗಾರಿಕೆಯಿಂದ ಜನರಿಗೆ ಸಂಕಷ್ಟ
#ಅಕ್ರಮ ಗಣಿಗಾರಿಕೆ

ಕಲಬುರಗಿ; ಅಕ್ರಮ‌ ಮರಳು ಗಣಿಗಾರಿಕೆ, ಸಾಗಣೆ ತಡೆಯಲು ಡಿಸಿ ಖಡಕ್ ಸೂಚನೆ
#ಅಕ್ರಮ ಗಣಿಗಾರಿಕೆ

ಶಿವಮೊಗ್ಗ; ಅಕ್ರಮ ಮರಳು ದಂಧೆ ನಿಯಂತ್ರಣಕ್ಕೆ ಡಿಸಿ ಸೂಚನೆ
#ಅಕ್ರಮ ಗಣಿಗಾರಿಕೆ

ಅಕ್ರಮ ಗಣಿಗಾರಿಕೆ ಪ್ರಕರಣ: ಶಾಸಕ ಸತೀಶ್ ಸೈಲ್‌ಗೆ ಸಂಕಷ್ಟ

ಸಮಾನ ದುಃಖಿಗಳು: ಗಳಗಳನೆ ಅತ್ತ ಮೇಡಂ ಶೋಭಾ

By Srinath

| Published: Friday, July 29, 2011, 8:21 [IST]

ಬೆಂಗಳೂರು, ಜುಲೈ 29: 'ಇದೇಕೆ ಕಣ್ಣೀರ ಧಾರೆ ...' ಅಣ್ಣಾವ್ರು ವಿಪರೀತ ಜ್ಞಾಪಕಕ್ಕೆ ಬರುತ್ತಿದ್ದಾರೆ. ಏಕೆಂದರೆ ಅನು ದಿನವೂ ಸಡಗರ, ಸಂಭ್ರಮದಲ್ಲಿ ಮುಳುಗೇಳುತ್ತಿದ್ದ ಮುಖ್ಯಮಂತ್ರಿ ಯಡಿಯೂರಪ್ಪ ಮನೆಯಲ್ಲಿ ಈಗ ಮೌನ, ದುಃಖ ಮಡುಗಟ್ಟಿದೆ. ಪರಸ್ಪರ ಮುಖಗಳನ್ನು ನೋಡಿಕೊಂಡು ಕಣ್ಣೀರಿಡುವ ಅನಿವಾರ್ಯ, ಅಸಹಾಯಕ ಪರಿಸ್ಥತಿ ಮನೆ ಮಾಡಿದೆ.

ಯಡಿಯೂರಪ್ಪ ರಾಜೀನಾಮೆ ನೀಡಬೇಕು ಎಂದು ಬಿಜೆಪಿ ವರಿಷ್ಠರು ಸೂಚನೆ ಕೊಟ್ಟ ಗಳಿಗೆಯೇ ಅಲ್ಲಿ ದುಃಖದ ಛಾಯೆ ಆವರಿಸಿತು. ಅಲ್ಲಿದ್ದ ಸಮಾನಮನಸ್ಕ ಸಚಿವರು, ಶಾಸಕರು ಒತ್ತಡದ ನಡುವೆ ಸಮಾನ ದುಃಖಿಗಳಾಗಿ, ಆಪ್ತರ ಜತೆ ಸಮಾಲೋಚನೆ ನಡೆಸಿದರು.

ಈ ಮಧ್ಯೆ ಗುರುವಾರ ರಾತ್ರಿ 8 ಗಂಟೆ ಸುಮಾರಿಗೆ ಏನಾಯಿತೆಂದರೆ... ಇಡೀ ದಿನ ರೇಸ್ ಕೋರ್ಸ್ ಮನೆಯಲ್ಲೇ ಕಾಲ ಕಳೆದ ಯಡಿಯೂರಪ್ಪ, ಮನೆಗೆ ಬಂದವರೆಲ್ಲರಿಗೂ ಹಸ್ತಲಾಘವ ಮಾಡಿ, ವೋಟ್ ಆಫ್ ಥ್ಯಾಂಕ್ಸ್ ಹೇಳುತ್ತಿದ್ದರು. ಇದನ್ನು ಕಣ್ಣಾರೆ ನೋಡಿದ ಮುಖ್ಯಮಂತ್ರಿಗಳ ಪರಮಾಪ್ತ ಸಚಿವೆ ಶೋಭಾ ಕರಂದ್ಲಾಜೆ ಗಳಗಳನೆ ಅತ್ತೇ ಬಿಟ್ಟರು.

ಇದನ್ನು ನೋಡಿ ಶಾಸಕರಾದ ಭಾರತಿ ಶೆಟ್ಟಿ, ಪ್ರೊ.ಎಸ್.ಆರ್.ಲೀಲಾ, ಸುನಿಲ್ ವಲ್ಯಾಪುರೆ ಮೊದಲಾದವರೂ ಒತ್ತರಿಸಿ ಬಂದ ದುಃಖ ತಡೆಯಲಾರದೆ ಕಣ್ಣೀರಿಟ್ಟರು. ಹಲವರು ಯಡಿಯೂರಪ್ಪ ಅವರ ಕಾಲಿಗೆ ಬಿದ್ದು ನಮಸ್ಕರಿಸಿದರು. ಭಾರದ ಹೃದಯ ಹೊತ್ತು ಅಲ್ಲಿಂದ ನಿರ್ಗಮಿಸಿದರು.