ಬಿಎಂಟಿಸಿ, ಕೆಎಸ್‌ಆರ್ ಟಿಸಿಗೆ 50 ಪೈಸೆ ಲೆಕ್ಕಕ್ಕಿಲ್ಲವೇ?

By * ಬಿಎಸ್‌ಎಂ, ಹನುಮಂತನಗರ

Published: Monday, July 11, 2011, 10:11 [IST]

ಬಿಎಂಟಿಸಿ, ಕೆಎಸ್‌ಆರ್ ಟಿಸಿ ಪ್ರಕಾರ 50 ಪೈಸೆ ನಾಣ್ಯ ಚಲಾವಣೆಯಲ್ಲಿ ಇಲ್ಲ. ಏಕೆಂದರೆ ಪ್ರತಿ ಸಲ ಡೀಸೆಲ್ ದರ ಏರಿಸಿದಾಗಲೂ ಪ್ರತಿ ಸ್ಟೇಜಿಗೆ 1 ರೂಪಾಯಿ ಲೆಕ್ಕದಲ್ಲಿ ಏರಿಸುವುದು ಕೆಎಸ್‌ಆಆರ್ ಟಿಸಿಗೆ ಅಭ್ಯಾಸವಾಗಿ ಹೋಗಿದೆ. ಡೀಸೆಲ್ ದರ ಲೀಟರ್ ಗೆ 3 ರೂ. ಏರಿದರೆ ಇವರು ಪ್ರತಿ ಸ್ಟೇಜಿಗೆ ಒಂದು ರೂ. ಏರಿಸುತ್ತಾರೆ. ಅಂದರೆ 50 ಪೈಸೆ ಎನ್ನುವುದು ಇವರ ಪ್ರಕಾರ ಲೆಕ್ಕಕ್ಕೇ ಇಲ್ಲ.

ಬಿಎಂಟಿಸಿಯಂತೂ ಸ್ಟೇಜ್ ನೆಪದಲ್ಲಿ ಹಗಲು ದರೋಡೆ ಮಾಡುತ್ತಿದೆ. ನಿಯಮದ ಪ್ರಕಾರ ಸ್ಟೇಜಿನ ಅಂತರ 2 ಕಿ. ಮೀ. ಆದರೆ ಬಿಎಂಟಿಸಿ ಮಾತ್ರ ಅರ್ಧ, ಮುಕ್ಕಾಲು ಕಿ.ಮೀ.ಗೆ ಒಂದು ಸ್ಟೇಜ್ ನಿಗದಿ ಮಾಡಿದೆ. ಕೋಟ್ಯಾಂತರ ರೂಪಾಯಿ ಸ್ಥಿರ, ಚರ ಆಸ್ತಿ ಮತ್ತು ಇತರೆ ಮೂಲಗಳಿಂದ ಆದಾಯ ಬರುತ್ತಿದ್ದರೂ ಇವತ್ತಿನ ವರೆಗೂ ಸಂಸ್ಥೆಯವರು ಪತ್ರಿಕೆಗಳಲ್ಲಿ ಆದಾಯ - ವೆಚ್ಚದ ವಿವರ ನೀಡುತ್ತಿಲ್ಲ. ಎಷ್ಟೇ ಡೀಸೆಲ್ ದರ ಹೆಚ್ಚಿದರೂ ದರ ಏರಿಸದ ರೈಲ್ವೆ ಇಲಾಖೆಯನ್ನು ಇವರು ನೋಡಿ ಕಲಿಯಬೇಕು.

Published On July 11, 2011