ಬಂಟ್ವಾಳ ಬಳಿ ಬಸ್-ಜೀಪ್ ಡಿಕ್ಕಿ : ಓರ್ವನ ಮೃತ್ಯು

ಮಂಗಳೂರು, ಜೂ.4 : ಬಂಟ್ವಾಳ ಸಮೀಪದ ಮಾಣಿ ಬಳಿ ಶುಕ್ರವಾರ ಸಂಜೆ ರಾಜ್ಯ ರಸ್ತೆ ಸಾರಿಗೆ ಬಸ್ ಮತ್ತು ಜೀಪ್ ನಡುವೆ ಡಿಕ್ಕಿ ಸಂಭವಿಸಿ ಜೀಪ್‌ನಲ್ಲಿದ್ದ ಪ್ರಯಾಣಿಕ ಅಬ್ದುಲ್ ಖಾದರ್ ಸಾವನ್ನಪ್ಪಿದ್ದು ಇತರ ಮೂರು ಮಂದಿ ಗಾಯಗೊಂಡಿದ್ದಾರೆ.

ಮಂಗಳೂರು ಹೊರವಲಯದ ಅಡ್ಯಾರ್ ಬಳಿ ತೈಲ ಟ್ಯಾಂಕರ್ ಪಲ್ಟಿಯಾದ ಘಟನೆ ಸಂಜೆ ಸಂಭವಿಸಿದೆ. ಮಳೆ-ಗಾಳಿಯಿಂದಾಗಿ ನಗರದ ಹಲವು ಕಡೆ ಮರಗಳು ಧರೆಗುರುಳಿರುವ ಮಾಹಿತಿ ಇದೆ.

ಶುಕ್ರವಾರ ಜಿಲ್ಲೆಯಾದ್ಯಂತ ಉತ್ತಮ ಮಳೆಯಾಗಿದೆ. ಸಮುದ್ರದಲ್ಲಿ ಬಲವಾದ ಗಾಳಿ ಬೀಸುವುದರಿಂದ ಶನಿವಾರ ಮೀನುಗಾರರು ಮೀನುಗಾರಿಕೆ ನಡೆಸಲು ಸಮುದ್ರಕ್ಕೆ ಇಳಿಯದಂತೆ ಎಚ್ಚರಿಕೆ ನೀಡಲಾಗಿದೆ.

English summary

One person killed and three injured in Bantwal as KSRTC bus rams jeep on Friday evening. Also one oil tanker turned turtle near Adyar as brisk wind and rain lashes Mangalore and surrounding areas.