• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ವಿಕಿಲೀಕ್ಸ್ ಬಗ್ಗೆ ಅಮೆರಿಕಾ ರಾಯಭಾರಿ ತಿಮೋತಿ ವಿಷಾದ

By Prasad
|

ನವದೆಹಲಿ, ನ. 30 : ರಾಷ್ಟ್ರೀಯ ಭದ್ರತೆಯ ಕುರಿತ ಸೂಕ್ಷ್ಮ ಮಾಹಿತಿ ಹಾಗೂ ರಹಸ್ಯ ಮಾಹಿತಿಗಳನ್ನು ಅನಧಿಕೃತವಾಗಿ ಬಯಲು ಮಾಡಿದ್ದನ್ನು ನಾವು ಖಂಡಿಸುವುದರ ಜೊತೆಗೆ ವಿಷಾದವನ್ನು ವ್ಯಕ್ತಪಡಿಸುತ್ತೇವೆ ಎಂದು ಭಾರತದಲ್ಲಿನ ಅಮೆರಿಕಾದ ರಾಯಭಾರಿ ತಿಮೋತಿ ಜೆ. ರೋಮರ್ ಹೇಳಿದ್ದಾರೆ.

ಈ ರಹಸ್ಯ ದಾಖಲೆಗಳನ್ನು, ವಿಕಿಲೀಕ್ಸ್ ಬಯಲು ಮಾಡಿರುವುದರಿಂದ, ಮಾನವ ಹಕ್ಕುಗಳ ಮೂಲ ಧ್ಯೇಯಗಳು, ನಿಷ್ಠಾವಂತ ವ್ಯಕ್ತಿಗಳ ಜೀವ ಹಾಗೂ ಕಾಯಕಗಳ ಮೇಲೆ ದುಷ್ಪರಿಣಾಮ ಬೀರುವುದರ ಜೊತೆಗೆ, ರಾಜತಾಂತ್ರಿಕ ಹಾಗೂ ಖಾಸಗಿ ಸಂವಾದ ನಡೆಸುವ ನಮ್ಮ ಸಾಮರ್ಥ್ಯಕ್ಕೆ ಅಡ್ಡಿಯುಂಟಾಗಿದೆ ಎಂದು ಅವರು ಮಂಗಳವಾರ ಬಿಡುಗಡೆ ಮಾಡಿರುವ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಜವಾಬ್ದಾರಿಯುತ ಹಾಗೂ ಮುಕ್ತ ಸರ್ಕಾರಿ ವ್ಯವಸ್ಥೆಯನ್ನು ಅಮೆರಿಕಾ ಹಾಗೂ ಇತರೆಡೆಯಲ್ಲೂ ಇರಬೇಕು ಎಂದು ಅಧ್ಯಕ್ಷ ಒಬಾಮ ಬೆಂಬಲಿಸುತ್ತಾರೆ. ಆದರೆ, ಅಂಥ ಉದಾತ್ತವಾದ ಧ್ಯೆಯಗಳ ಮೇಲೆ ಈ ಬಗೆಯ ದುಸ್ಸಾಹಸದ ಹಾಗೂ ಅಪಾಯಾಕಾರಿ ಕೃತ್ಯಗಳು ತದ್ವಿರುದ್ಧ ಪರಿಣಾಮವನ್ನು ಉಂಟು ಮಾಡುತ್ತವೆ. ನಮ್ಮ ರಾಜತಾಂತ್ರಿಕ ಸಂವಹನ ಕ್ರಿಯೆಯ ಸಂರಕ್ಷಣೆಗೆ ಅಮೆರಿಕಾ ಸರ್ಕಾರ ಸದಾ ಬದ್ಧವಾಗಿರುತ್ತದೆ ಹಾಗೂ ಇಂಥ ಕೃತ್ಯಗಳಲ್ಲಿ ಭಾಗಿಯಾದವರ ಹೊಣೆ ನಿಗದಿ ಪಡಿಸಲು ತ್ವರಿತ ಕ್ರಮವನ್ನು ಕೈಗೊಳ್ಳಲಾಗುತ್ತದೆ ಎಂದು ಅವರು ಉಚ್ಚರಿಸಿದ್ದಾರೆ.

ಉಭಯ ಸಮ್ಮತವಾದ ಮೌಲ್ಯಗಳು ಹಾಗೂ ಸಮಾನ ಆಸಕ್ತಿಗಳ ಬಂಧ ಹೊಂದಿರುವ ಭಾರತ ಹಾಗೂ ಅಮೆರಿಕಾ ದೇಶಗಳ ನಡುವಿನ ಸಂಬಂಧವು 21ನೇ ಶತಮಾನದ ನಿರ್ಣಾಯಕ ಪಾಲುದಾರಿಕೆ ಎಂದು ಅಧ್ಯಕ್ಷ ಒಬಾಮಾ ಅವರ ಈಚಿನ ಭಾರತ ಭೇಟಿಯ ಸಂದರ್ಭದಲ್ಲಿ ಮರುಖಚಿತ ಪಡಿಸಿದ್ದರು ಎಂದು ತಿಮೋತಿ ತಿಳಿಸಿದ್ದಾರೆ.

ಭಾರತವು ಜಾಗತಿಕ ನಾಯಕನ ಪಾತ್ರ ವಹಿಸುವುದನ್ನು ಅಮೆರಿಕಾ ಸ್ವಾಗತಿಸುತ್ತದೆ. ಭಯೋತ್ಪಾದನೆ ನಿಗ್ರಹ, ನಮ್ಮ ಆಧಿಪತ್ಯದ ಕಡಲ ಕ್ಷೇತ್ರದ ರಕ್ಷಣೆಯೂ ಸೇರಿದಂತೆ ಸಮಾನ ಸವಾಲುಗಳನ್ನು ಜೊತೆಯಾಗಿ ಎದುರಿಸುವುದರ ಜೊತೆಗೆ, ವಿಶ್ವಾದ್ಯಂತ ಪ್ರಜಾತಾಂತ್ರಿಕ ಮೌಲ್ಯ, ರಾಜಕೀಯ ಹಾಗೂ ಆರ್ಥಿಕ ಅಭಿವೃದ್ಧಿಗಾಗಿ ಶ್ರಮಿಸುವ ಭಾರತದ ದೃಷ್ಟಿಕೋನದ ಮಹತ್ವವನ್ನು ಅಮೆರಿಕಾ ಮನಗಂಡಿದೆ ಎಂದು ಅವರು ವಿವರಿಸಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
WikiLeaks : US ambassador to India Timothy J. Roemer has condemned unauthorised discloser of confidential and sensitive information in his press statement. Also stated that US President Barack Obama supports responsible, accountable, and open government at home and around the world.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more